مرزا غالب

یہ ہم جو ہجر میں دیوار و در کو دیکھتے ہیں
کبھی صبا کو کبھی نامہ بر کو دیکھتے ہیں
کوئی امید بر نہیں آتی
کوئی صورت نظر نہیں آتی
تجھ سے تو کچھ کلام نہیں لیکن اے ندیم
میرا سلام کہیو اگر نامہ بر ملے

بہادر شاہ ظفر

جواب صاف تو لاتا اگر نہ لاتا خط
لکھا نصیب کا جو نامہ بر سے کچھ نہ ہوا

حیدر علی آتش

نا خواندہ شرح شوق جلائے گئے خطوط
باندھے گئے وہ جو کہ مرے نامہ بر کھلے
ہر گام پر خوشی سے وارفتگی سی ہو گی
لانا جوابِ خط کو اے نامہ بر سنبھالے

داغ دہلوی

جواب ان کی جانب سے دینے لگا
یہ جرأت تجھے نامہ بر ہو گئی
کہی زندگی بھر کی شب واردات
مری روح پیغام بر ہو گئی
نہ دینا خط شوق گھبرا کے پہلے
محل موقع اے نامہ بر دیکھ لینا

شیخ ابراہیم ذوق

کچھ رحمت باری سے نہیں دور کہ ساقی
روئیں جو ذرا مست تو مے ابر سے برسے
خط دے کے چاہتا تھا زبانی بھی کچھ کہے
رکھا مگر کسی نے دل نامہ بر پہ ہاتھ

مصحفی غلام ہمدانی

پہنچا گلی تک اس کے آگے کھڑا رہا میں
آگے قدم کے رکھتے پھر نامہ بر نہ دیکھا
ٹک اور بھی صبر کر کہ مجھ کو
لکھنا ابھی نامہ بر بہت ہے
نامے کو مرے چھپا رکھے گا
تھا یہ تو گماں نہ نامہ بر پر
گیا ہے غم مرے نامے کو لے کے کچھ ایسا
کہ آج تک خبر نامہ بر نہیں آتی
خرام فتنۂِ روزِ جزا بہ ایں شوخی
ترے خرام کے عہدے سے بر نہیں آتی
پھیلاؤ بحر اشک کا اپنے میں کیا کہوں
پہنچی ہے موج گر یہ مری بحر و بر تلک
وے دن کدھر گئے کہ میں لکھ لکھ کے خط شوق
جاتا تھا آپ گریہ کناں نامہ بر تلک
یارب آباد ہوویں گھر سب کے
پھریں خط لے کے نامہ بر سب کے
دوستی کر دلا نہ ان سے کہ ہیں
دشمنِ جاں یہ سیم بر سب کے

مصطفٰیٰ خان شیفتہ

اس بزم میں ہر ایک سے کم تر نظر آیا
وہ حسن کہ خورشید کے عہدے سے بر آیا
لگتے ہیں اس کے سینہ و بر سے مدام ہم
ہوتا ہے ہم کو روز مہِ سیم بر سے فیض

مومن خان مومن

خبر نہیں کہ اسے کیا ہوا پر اس در پر
نشانِ پا نظر آتا ہے نامہ بر کا سا

میر مہدی مجروح

کہاں کی پیروی جب قصد یہ ہو
کہ آگے بڑھ کے چلیے راہ بر سے

فیض احمد فیض

ساغر تو کھنکت ہیں شراب آئے نہ آئے
بادل تو گرجتے ہیں گھٹا برسے نہ برسے

قمر جلالوی

جوابِ خط کا ان کے سامنے کب ہوش رہتا ہے
بتاتے ہیں پتہ میری بجائے نامہ بر اپنا

شکیب جلالی

اور دنیا سے بھلائی کا صلہ کیا ملتا
آئنہ میں نے دکھایا تھا کہ پتھر بر سے

عرفان صدیقی

یہ ربطِ حرف و حکایت اسے قبول نہیں
تو اب ہمارے یہ خط نامہ بر کے نام تمام
اس ایک نام نے بخشا ہے جو خزانۂ درد
وہ ہم نے وقف کیا بحر و بر کے نام تمام

الطاف حسین حالی

بس ہو چکا بیاں کسل و رنج راہ کا
خط کا مرے جواب ہے اے نامہ بر کہاں

سدرشن فاکر

گرچہ ان سے کوئی امیدِ وفا مجھ کو نہیں
جی بہل جاتا ہے پھر بھی نامہ بر کو دیکھ کر

فارغ بخاری

میں روشنی ہی کی وحدانیت کا قائل ہوں
محبتوں ہی کا پیغام بر رہا ہوں میں
قطرے قطرے کو ترستے رہے صحرا فارغؔ
جھوم کر اٹھے بھی بادل تو وہ برسے آگے

جلیل مانک پوری

بڑھ چلے پیک تصور کا قدم
اب یہاں کیا نامہ بر کا کام ہے
موت جب آئے تو راہی جان ہو
اس سفر میں راہ بر کا کام ہے

ثروت حسین

ہو فرصت خواب جو میسر
اک اور ہی بحر و بر بناؤں
پاؤں ساکت ہو گئے ثروتؔ کسی کو دیکھ کر
اک کشش مہتاب جیسی چہرۂ دل بر میں تھی

جوش ملیح آبادی

آنکھوں میں نور مصحف جاناں لیے ہوئے
پھر کردگار عشق کے پیغام بر ہیں ہم

حفیظ جالندھری

وہ ابر جو مے خوار کی تربت پہ نہ برسے
کہہ دو کہ خدارا کبھی گزرے نہ ادھر سے

شاد عظیم آبادی

لکھے کو رویے اب تابہ حشر تربت میں
کہ میرے مرنے پہ خط لے کے نامہ بر آیا

اختر ہوشیارپوری

اخترؔ یہ گھنے ابر بڑے تنگ نظر ہیں
اٹھے ہیں جو دریا سے تو دریا پہ ہی برسے

احمد فراز

نہ پوچھ جب وہ گزرتا ہے بے نیازی سے
تو کس ملال سے ہم نامہ بر کو دیکھتے ہیں

اقبال ساجد

موند کر آنکھیں تلاش بحر و بر کرنے لگے
لوگ اپنی ذات کے اندر سفر کرنے لگے

امیر مینائی

دیکھی جو صورتِ ملکُ الموت نزع میں
میں خوش ہوا کہ یار کا یہ نامہ بر نہ ہو

ناصر کاظمی

یہ بجا کہ آج اندھیر ہے ذرا رت بدلنے کی دیر ہے
جو خزاں کے خوف سے خشک ہے وہی شاخ لائے گی برگ و بر

نوح ناروی

وہ اٹھی وہ آئی وہ گھٹا چھا گئی ساقی
مے خانے پہ اللہ کرے ٹوٹ کے برسے
مے خانہ پہ گھنگور گھٹا چھائی ہے بے کار
کھلنا ہو تو کھل جائے برسنا ہو تو برسے