مرزا غالب

نالہ جز حسنِ طلب، اے ستم ایجاد نہیں
ہے تقاضائے جفا، شکوۂِ بیداد نہیں

امام بخش ناسخ

ہوتی ہے آفت خط قہرِ خدا سے نازل
یہ صنم ہم پہ جو بیداد کیا کرتے ہیں

بہادر شاہ ظفر

خواہ کر انصاف ظالم خواہ کر بیداد تو
پر جو فریادی ہیں ان کی سن تو لے فریاد تو

داغ دہلوی

کوئی بھولا ہوا انداز ستم یاد آیا
کہ تبسم تجھے ظالم دم بیداد آیا
لائے ہیں لوگ جنازے کی طرح محشر میں
کس مصیبت سے ترا کشتۂِ بیداد آیا
غمِ جاوید نے دی مجھ کو مبارک بادی
جب سنا یہ کہ انہیں شیوۂِ بیداد آیا

مومن خان مومن

جب مجھے رنج دل آزاری نہ ہو
بے وفا پھر حاصل بیداد کیا
دل کو قلق ہے ترکِ محبت کے بعد بھی
اب آسماں کو شکوۂِ بیداد آ گیا

جگر مراد آبادی

اف رنگِ رخ بانی بیداد کا عالم
جیسے کسی مظلوم کی فریاد کا عالم
خوشا بیداد خون حسرت بیداد ہوتا ہے
ستم ایجاد کرتے ہو کرم ایجاد ہوتا ہے

قمر جلالوی

قبر ٹھوکر سے مٹا دی عاشقِ ناشاد کی
یہ بھی اک تاریخ تھی ظالم تری بیداد کی
آ گیا ان کو رحم اے دل تو نے کیوں فریاد کی
اب ہمیں امید بھی جاتی رہی بیداد کی
یہ جفائیں تو وہی ہیں وہی بیداد بھی ہے
آپ کیا کہہ کہ ہمیں لائے تھے کچھ یاد بھی ہے

اختر شیرانی

میں بھی شائستۂ الطاف ستم ہوں شاید
میرے ہوتے ہوئے کیوں غیر پہ بیداد کرو

تلوک چند محروم

چلو اب لطف ہی کو آزماؤ
تمہیں آتا نہیں بیداد کرنا
ان کا رو دینا مزار کشتۂ بیداد پر
ابرِ نیساں کی ہے بارش گلشن برباد پر
وہ بھی ہیں افسردہ مرگ عاشقِ ناشاد پر
کہنے والا کون ہے اب مرحبا بیداد پر
روا رکھتا ہے وہ بیداد پہلے اپنی فطرت پر
جو انساں دوسرے پر مائل بیداد ہوتا ہے

حفیظ جالندھری

پھر لطف خلش دینے لگی یاد کسی کی
پھر بھول گئی یاد کو بیداد کسی کی
تمہیں بھی قسم ہے کہ جو سر جھکا دے
اسی کو تہِ تیغ بیداد رکھنا
حسنِ بے چارہ تو ہو جاتا ہے اکثر مہرباں
پھر اسے آمادۂ بیداد کر لیتا ہوں میں

شکیل بدایونی

سعی ضبطِ غم بیداد کیے جاتا ہوں
پختہ تر عشق کی بنیاد کیے جاتا ہوں
دل کو وقف غم بیداد کیے جاتا ہوں
اپنا گھر آپ ہی برباد کیے جاتا ہوں

فانی بدایونی

اللہ بچائے اثر ضبط سے ان کو
بیداد تو ہے شکوۂ بیداد نہیں ہے
کیا کہیے کہ بیداد ہے تیری بیداد
طوفان محبت کی ہے زد میں فریاد

قتیل شفائی

اب تو بیداد پہ بیداد کرے گی دنیا
ہم نہ ہوں گے تو ہمیں یاد کرے گی دنیا