مرزا غالب

کیوں نہ دنیا کو ہو خوشی غالب
شاہ دیں دار نے شفا پائی
تمنائے زباں محوِ سپاسِ بے زبانی ہے
مٹا جس سے تقاضا شکوۂِ بے دست و پائی کا
تمنائے زباں محوِ سپاسِ بے زبانی ہے
مٹا جس سے تقاضا شکوۂِ بے دست و پائی کا

انشاء اللہ خان انشا

حضرتِ دل تو کب کے سدھارے خوب جو ڈھونڈا انشاؔ نے
ایک دھواں سا آہ کا اٹھا خاک نہ پائی سینہ میں

داغ دہلوی

دوسری جان ہے تری الفت
ایک کھوئی ہے ایک پائی ہے
داغؔ کل تو دعا آپ کی مقبول نہ تھی
آج منہ مانگی مراد آپ نے پائی کیونکر

شیخ ابراہیم ذوق

دے دعا وادیِ پر خار جنوں کو ہر گام
داد یہ تیری ہے اے آبلہ پائی دیتا

مصحفی غلام ہمدانی

شبِ ہجراں تھی میں تھا اور تنہائی کا عالم تھا
غرض اس شب عجب ہی بے سر و پائی کا عالم تھا

مصطفٰی خان شیفتہ

دم بھر بھی عمر کھوئی جو ذکرِ رقیب میں
کیفیتِ وصال نہ پائی تمام شب

باقی صدیقی

احساس سفر سے یہ گرہ کھلتی ہے باقیؔ
منزل کی خبر آبلہ پائی نہیں دیتی

جون ایلیا

میں ہنر مند رنگ ہوں میں نے
خون تھوکا ہے داد پائی ہے

جگر مراد آبادی

شبِ فراق ہے اور نیند آئی جاتی ہے
کچھ اس میں ان کی توجہ بھی پائی جاتی ہے
بنا بنا کے جو دنیا مٹائی جاتی ہے
ضرور کوئی کمی ہے کہ پائی جاتی ہے
خدا کرے کہ حقیقت میں زندگی بن جائے
وہ زندگی جو زباں تک ہی پائی جاتی ہے
گناہ گار کے دل سے نہ بچ کے چل زاہد
یہیں کہیں تری جنت بھی پائی جاتی ہے
قدم قدم مری ہمت بڑھائی جاتی ہے
نفس نفس تری آہٹ سی پائی جاتی ہے
خدا وہ دردِ محبت ہر ایک کو بخشے
کہ جس میں روح کی تسکین بھی پائی جاتی ہے
وہ چیز کہتے ہیں فردوسِ گم شدہ جس کو
کبھی کبھی تری آنکھوں میں پائی جاتی ہے

الطاف حسین حالی

چور تھا زخموں میں اور کہتا تھا دل
راحت اس تکلیف میں پائی بہت

احسان دانش

تیری ہر ایک بات میں احسانؔ
اک نہ اک بات پائی جاتی ہے

حفیظ ہوشیارپوری

قصور ظرف سمجھوں یا شعور لذت اندوزی
ترے لطف و کرم میں تشنگی ہی تشنگی پائی

سید ضمیر جعفری

اپنی فطرت میں بھی روشن ہوں گے لیکن اے ضمیرؔ
میری راتوں سے بھی تاروں نے چمک پائی بہت

شکیل بدایونی

تیری نظروں میں ہے جو تاثیر جذب
اب مرے نالوں میں پائی جائے گی
میری صبح زندگی کی اک جھلک
ڈوبتے تاروں میں پائی جائے گی

فانی بدایونی

تیری مرضی جو دیکھ پائی ہے
خلشِ درد کی بن آئی ہے
بچھ گئے راہ یار میں کانٹے
کس کو عذر برہنہ پائی ہے
اسی کو جلوۂ ایمان عشق کہتے ہیں
ہجومِ یاس میں بھی آس پائی جاتی ہے

احمد فراز

وحشتِ دل صلۂ آبلہ پائی لے لے
مجھ سے یارب مرے لفظوں کی کمائی لے لے

شاذ تمکنت

جس طرف جاؤں ادھر عالمِ تنہائی ہے
جتنا چاہا تھا تجھے اتنی سزا پائی ہے

ناصر کاظمی

رات بھر جاگتے رہتے ہو بھلا کیوں ناصر
تم نے یہ دولتِ بیدار کہاں سے پائی