مرزا غالب

ابھی دیوانگی کا راز کہہ سکتے ہیں ناصح سے
ابھی کچھ وقت ہے غالب ابھی فصلِ گل و مل ہے
اب ہے دلی کی طرف کوچ ہمارا غالب!
آج ہم حضرتِ نواب سے بھی مل آئے

بہادر شاہ ظفر

پہلے تو ملتا ہے دل داری سے کیا کیا دل ربا
باندھتا منصوبے پھر وہ مل کے دل میں اور ہے
بلبل کے ہوش نکہتِ گل کی طرح اڑا
گلشن میں میرے ساتھ ذرا عطر مل کے چل
ٹکڑے نہیں ہیں آنسوؤں میں دل کے چار پانچ
سرخاب بیٹھے پانی میں ہیں مل کے چار پانچ
کہنے ہیں مطلب ان سے ہمیں دل کے چار پانچ
کیا کہیے ایک منہ ہیں وہاں مل کے چار پانچ
فرہاد و قیس و وامق و عذرا تھے چار دوست
اب ہم بھی آ ملے تو ہوئے مل کے چار پانچ

حیدر علی آتش

چار دن زیست کے گزریں گے تأسف میں مجھے
حالِ دل پر کفِ افسوس میں مل جاؤں گا
کعبہ و دیر میں ہے کس کے لیے دل جاتا
یار ملتا ہے تو پہلو ہی میں ہے مل جاتا
خدمت یار میں میں جب کہ ہوں سائل جاتا
کچھ نہ کچھ بوسہ و دشنام سے ہے مل جاتا
تیرے دانتوں سے جو ہونے کو مقابل جاتا
صورت اشک گہر خاک میں مل مل جاتا

داغ دہلوی

قتل کی سن کے خبر عید منائی میں نے
آج جس سے مجھے ملنا تھا گلے مل آیا

شیخ ابراہیم ذوق

محفل میں شور قلقل مینائے مل ہوا
لا ساقیا پیالہ کہ توبہ کا قل ہوا
آنکھیں مری تلووں سے وہ مل جائے تو اچھا
ہے حسرت پابوس نکل جائے تو اچھا

مصحفی غلام ہمدانی

نصیبوں سے کوئی گر مل گیا ہے
تو پہلے اس پہ اپنا دل گیا ہے

مومن خان مومن

کی مجھ کو ہاتھ ملنے کی تعلیم ورنہ کیوں
غیروں کو آگے بزم میں وہ عطر مل گیا

مرزا رفیع سودا

فتویٰ طلب اے یار نہ قاضی سے کروں میں
توبہ شکنی کو ہے مری مل کی اشارت

یگانہ چنگیزی

زبان یاسؔ سے افسانۂ سحر سنیے
وہ رونا شمع کا پروانوں سے گلے مل کے

باقی صدیقی

تھے ہی کیا اور مرحلے دل کے
ہم بہت خوش ہیں آپ سے مل کے
میں نے تیرا ساتھ دیا
میرے منہ پر کالک مل
احساس زندگی کی کلی کھل گئی ہے پھر
کیا تیریغم سے روشنی کچھ مل گئی ہے پھر
کچھ آدمی گلی میں کھڑے ہیں ادھر ادھر
شاید جہاں کو بات کوئی مل گئی ہے پھر

جون ایلیا

نیلگوں جھیل ناف تک پہنے
صندلیں جسم مل رہی ہو گی
بت ہے کہ خدا ہے وہ مانا ہے نہ مانوں گا
اس شوخ سے جب تک میں خود مل نہیں آنے کا

شکیب جلالی

آنکھ جھپکے نہ کہیں، راہ اندھیری ہی سہی
آگے چل کر وہ کسی موڑ پہ مل جائے گا

بیان میرٹھی

برگ خزاں رسیدہ سے آتی تھی یہ صدا
اس باغ سبز پر کف افسوس مل کے چل

ضیا جالندھری

سحر دم صحبت رفتہ کی یادیں
مرے پہلو میں آنکھیں مل رہی ہیں
سحر دم صحبت رفتہ کی یادیں
مرے پہلو میں آنکھیں مل رہی ہیں

غلام محمد قاصر

لب پہ سرخی کی جگہ جو مسکراہٹ مل رہے ہیں
حسرتوں کا بوجھ شانوں پر اٹھا کر چل رہے ہیں

عزیز حامد مدنی

یہ کس ذوقِ نمو کو آج دہرانے بہار آئی
لہو ہم سرفروشوں کا جبینِ ناز پر مل کر

احمد فراز

تمہی کرو کوئی درماں، یہ وقت آ پہنچا
کہ اب تو چارہ گروں کو بھی ہاتھ مل جانا
تو سامنے ہے تو پھر کیوں یقیں نہیں آتا
یہ بار بار جو آنکھوں کو مل کے دیکھتے ہیں

امیر مینائی

چلو وحشیو بزم گلزار مہکے
گل آئے ہیں پوشاک میں عطر مل کر

فراق گورکھپوری

ارے وہ موت ہو یا زندگی محبت پر
نہ کچھ سہی کفِ افسوس مل تو سکتی ہے

ناصر کاظمی

خواہشوں کی ڈالی
ہاتھ مل رہی ہے