مرزا غالب

کیا خوب! تم نے غیر کو بوسہ نہیں دیا
بس چپ رہو ہمارے بھی منہ میں زبان ہے

انشاء اللہ خان انشا

آئے اب روکے ہو معاذ اللہ
آپ سے شخص کی زبان پھرے

داغ دہلوی

مہر و وفا کا نام ہے اب بات بات پر
یہ سن لیا ہے آپ نے کس کی زبان سے
کھلتا نہیں ہے راز ہمارے بیان سے
لیتے ہیں دل کا کام ہم اپنی زبان سے
کیا لذت وصال ادا ہو بیان سے
سب حرف چپکے جاتے ہیں میری زبان سے
مشہور رازِ عشق ہے کس کے بیان سے
میری زبان سے کہ تمہاری زبان سے
عذر ان کی زبان سے نکلا
تیر گویا کمان سے نکلا
وہ چھلاوا اس آن سے نکلا
الاماں ہر زبان سے نکلا
خار حسرت بیان سے نکلا
دل کا کانٹا زبان سے نکلا
آ گیا غش نگاہ دیکھتے ہی
مدعا کب زبان سے نکلا
دل میں رہنے نہ دوں ترا شکوہ
دل میں آیا زبان سے نکلا
تم برستے رہے سرِ محفل
کچھ بھی میری زبان سے نکلا
اس کو آیت حدیث کیا سمجھیں
جو تمہاری زبان سے نکلا
دیکھ کر روئے یار صلِ علی
بے تحاشا زبان سے نکلا
سمجھو پتھر کی تم لکیر اسے
جو ہماری زبان سے نکلا
وہ ہلے لب تمہارے وعدے پر
وہ تمہاری زبان سے نکلا
ذکر اہلِ وفا کا جب آیا
داغؔ ان کی زبان سے نکلا
پھر نہ آنا اگر کوئی بھیجے
نامہ بر سے زبان لیتے ہیں
یہ نہ کہہ ہم سے تیرے منہ میں خاک
اس میں تیری زبان لیتے ہیں

شیخ ابراہیم ذوق

ترا زباں سے ملانا زباں جو یاد آیا
نہ ہائے ہائے میں تالو سے پھر زبان لگی

مصحفی غلام ہمدانی

جب سے معنی بندی کا چرچا ہوا اے مصحفیؔ
خلطے میں جاتا رہا حسن زبان ریختہ
کوئی ان گالیوں سے ٹلتے ہیں
ہم ہیں تیری زبان پر عاشق
لے گئے سب بدن زمیں میں ہم
مصحفیؔ اک زبان چھوڑ گئے

مصطفٰی خان شیفتہ

قدح سے دل ہے مراد اور مے سے عشق غرض
میں وہ نہیں کہ نہ سمجھوں زبانِ بادہ فروش

مومن خان مومن

نہ انتظار میں یاں آنکھ ایک آن لگی
نہ ہائے ہائے میں تالو سے شب زبان لگی

مرزا رفیع سودا

ایک کے منہ سے جس گھڑی نکلی
پھر تو سو کی زبان پڑتی ہے

یگانہ چنگیزی

کون جانے ندائے حق کیا ہے
کس خدا کی زبان میں آئی
ایسی پائے خطا کہ اف نہ کرے
ڈھیل جس کی زبان میں آئی
بات ادھوری مگر اثر دونا
اچھی لکنت زبان میں آئی

باقی صدیقی

تیری باتوں کا لطف آتا ہے
اتنی رنگین ہے زبانِ غزل

جون ایلیا

بولتے کیوں نہیں مرے حق میں
آبلے پڑ گئے زبان میں کیا

جگر مراد آبادی

کیا کہے حالِ دل غریب جگرؔ
ٹوٹی پھوٹی زبان ہے پیارے

شکیب جلالی

مرے ہی کان میں سرگوشیاں سکوت نے کیں
مرے سوا بھی کسی سے یہ بے زبان کھلا
حق بات آ کے رک سی گئی تھی کبھی‘ شکیبؔ
چھالے پڑے ہوئے ہیں ابھی تک زبان پر

عرفان صدیقی

نہ سخن حکایت حال تھا، نہ شکایتوں کا خیال تھا
کوئی خار دشت ملال تھا جو مری زبان میں آ گیا
عجب خلائے سخن ہے سماعتوں کے ادھر
یہ کون بول رہا ہے زبانِ گمشدگاں