مرزا غالب

یاد ہے شادی میں بھی ، ہنگامۂِ یارب، مجھے
سبحۂِ زاہد ہوا ہے ، خندہ زیرِ لب مجھے

بہادر شاہ ظفر

پوچھتا ہے حال بھی گر وہ تو مارے شرم کے
غنچۂِ تصویر کے مانند لب کھلتا نہیں
کس طرح معلوم ہووے اس کے دل کا مدعا
مجھ سے باتوں میں ظفرؔ وہ غنچہ لب کھلتا نہیں

داغ دہلوی

نہ ہو کوئی آگاہ رازِ نہاں سے
خموشی کو یہ مہر لب چاہتے ہیں

مصحفی غلام ہمدانی

کب کام یاب بوسہ ہوئے اس کے لب سے ہم
شرمندہ ہی رہے دل مطلب مطلب سے ہم
کہہ گیا کچھ تو زیرِ لب کوئی
جان دیتا ہے بے سبب کوئی
تشنہ صہبائے وصل کا تیری
حشر کو خشک لب زمیں سے اٹھا
بشاشت برگِ گل میں ہے جو اتنی
کسی کے لب پر اس کا لب رہا ہے

مصطفٰی خان شیفتہ

رہ جائے کیوں نہ ہجر میں جاں آ کے لب تلک
ہم آرزوئے بوسہ بہ پیغام اب تلک
میں غیرِ بوالہوس نہیں ڈرتے ہو کس لیے
مجھ کو نہ رکھو بوسے میں تم لب کو لب سے دور

فیض احمد فیض

اگر شررِ ہے تو بھڑکے ، جو پھول ہے تو کھلے
طرح طرح کی طلب، تیرے رنگِ لب سے ہے

یگانہ چنگیزی

ہاں دعائیں لیتا جا گالیاں بھی دیتا جا
تازگی تو کچھ پہنچے چاہتا رہوں لب کیا
اک اشارۂ فردا ایک جنبشِ لب کیا
دیکھ دکھاتا ہے وعدہ‌ تذبذب کیا

باقی صدیقی

وہ بات بھی رائیگاں گئی ہے
آئی جو بصد حجاب لب تک
آتی نہیں دلکی بات لب تک
خاموش رہیں گے پھر بھی کب تک
کھل کے باتیں کرو کہ اب ہم سے
گفتگو زیرِ لب نہیں ہوتی

قمر جلالوی

گو دورِ جام بزم میں تا ختمِ شب رہا
لیکن میں تشنہ لب کا وہی تشنہ لب رہا
ساقی کی بزم میں یہ نظامِ ادب رہا
جس نے اٹھائی آنکھ وہی تشنہ لب رہا
بحر جہاں میں ساحل خاموش بن کے دیکھ
موجیں پڑیں گی پاؤں جو تو تشنہ لب رہا

عرفان صدیقی

یہاں نہیں ہے یہ دستورِ گفتگو، عرفانؔ
فغاں سنے نہ کوئی، حرفِ زیرِ لب کیا ہے
ذرا سا وقت کہیں بے سبب گذارتے ہیں
چلو یہ شام سرِ جوئے لب گذارتے ہیں

رئیس فروغؔ

یہ جو سایہ ہے ترے سائے کے ساتھ
وصل میں شکوہ بہ لب لگتا ہے
بلند بانگ ترے نغمہ گر ہزار سہی
ہمارے پاس تو اک حرفِ زیرِ لب ہے میاں

احسان دانش

بہہ گئے وقت کے سیلاب میں جسموں کے سہاگ
اب نہ وہ چشم نہ رخسار نہ لب کچھ بھی نہیں

بشیر بدر

نظر سے گفتگو خاموش لب تمہاری طرح
غزل نے سیکھے ہیں انداز سب تمہاری طرح
سناتے ہیں مجھے خوابوں کی داستاں اکثر
کہانیوں کے پر اسرار لب تمہاری طرح

ضیا جالندھری

گلا کرو تو وہ کہتے ہیں یوں رہو جیسے
تمہارے چہروں پہ آنکھیں نہیں ہیں لب بھی نہیں

عبید اللہ علیم

جو جسم و جاں سے چلی جسم و جاں تلک پہنچی
وہ موج گرمی رخسار و لب نہیں آئی

علی سردار جعفری

اب تک ایسا ملا نہ کوئی دل کی پیاس بجھاتا جو
یوں میخانہ چشم بہت ہیں بہت ہیں یوں تو ساقی لب
دیکھیں دن پھرتے ہیں کب تک دیکھیں پھر کب ملتے ہیں
دل سے دل آنکھوں سے آنکھیں ہاتھ سے ہاتھ اور لب سے لب

شاد عظیم آبادی

زباں قابو میں ہے سننے کو تشبیہیں سنے جاؤٔ
نزاکت میں کہاں اوراقِ گل اس لب سے جیتے ہیں
پہنچنا تھا جو عرضِ حال کو عرش معظم تک
کئی شب سے وہی نالہ مرے لب تک نہیں آتا

عزیز حامد مدنی

آنکھوں پہ ایک جادوئے ظلمت سا چھا گیا
ہول آفریں ہیولوں کے جنبش میں آئے لب

قتیل شفائی

فراز بے خودی سے تیرا تشنہ لب نہیں اترا
ابھی تک اس کی آنکھوں سے خمارِ شب نہیں اترا

کلیم عاجز

فریاد ہی میں عہد بہاراں گزر گیا
ایسے کھلے کہ پھر نہ کبھی لب سے لب ملے
ہم یہ سمجھ رہے تھے ہمیں بد نصیب ہیں
دیکھا تو مے کدے میں بہت تشنہ لب ملے

محسن احسان

میں تیری روح کی پہنائی میں اتر نہ سکا
کہ تجھ سے صرف تمنائے لب بہ لب تھی مجھے

ناصر کاظمی

سینے میں امنگوں کا وہی شور ہے اب تک
وہ شوخی یک جنبشِ لب یاد رہے گی
کیسی ویراں ہے گزرگاہِ خیال
جب سے وہ عارض و لب یاد نہیں