مرزا غالب

ترے وعدے پر جیے ہم تو یہ جان جھوٹ جانا
کہ خوشی سے مر نہ جاتے ، اگر اعتبار ہوتا
تو نے قسم مے کشی کی کھائی ہے غالب
تیری قسم کا کچھ اعتبار نہیں ہے
ہم نشیں مت کہہ کہ برہم کرنہ بزمِ عیش دوست
واں تو میرے نالے کو بھی اعتبارِ نغمہ ہے

داغ دہلوی

غضب کیا ترے وعدے پہ اعتبار کیا
تمام رات قیامت کا انتظار کیا
یہ دل کو تاب کہاں ہے کہ ہو مآل اندیش
انہوں نے وعدہ کیا اس نے اعتبار کیا
رقیب و شیوۂِ الفت خدا کی قدرت ہے
وہ اور عشق بھلا تم نے اعتبار کیا
فسانۂِ شبِ غم ان کو اک کہانی تھی
کچھ اعتبار کیا کچھ نہ اعتبار کیا
کچھ آ گئی داورِ محشر سے ہے امید مجھے
کچھ آپ نے مرے کہنے کا اعتبار کیا
جو تمہاری طرح تم سے کوئی جھوٹے وعدے کرتا
تمہیں منصفی سے کہہ دو تمہیں اعتبار ہوتا
ترے وعدے پر ستمگر، ابھی اور صبر کرتے
مگر اپنی زندگی کا، ہمیں اعتبار ہوتا
کسی طرح جو نہ اس بت نے اعتبار کیا
مری وفا نے مجھے خوب شرمسار کیا
آپ کا اعتبار کون کرے
روز کا انتظار کون کرے

مومن خان مومن

ہرزہ گردی سے ہم ذلیل ہوئے
چرخ کا اعتبار ہونا تھا

فیض احمد فیض

جس کی دید و طلب وہم سمجھے تھے ہم، رو برو پھر سرِ رہگزار آ گیا
صبحِ فردا کو پھر دل ترسنے لگا، عمرِ رفتہ ترا اعتبار آ گیا

باقی صدیقی

تجھ پہ یا خود پہ اعتبار کریں
کوسنا رنگ اختیار کریں
تجربے کا یہی تقاضا ہے
آپ پر بھی نہ اعتبار کریں
بدل رہا ہے کچھ اس طرح ان کے عہد و پیماں کا رنگ باقیؔ
کیا تھا کل اعتبار آج اعتبار پر غور کر رہا ہوں
اتنا خود پر بھی اعتبار نہیں
جتنا تجھ پر ہے اعتبار ہمیں
زخمِ دل دیکھ کر خیال آیا
تجھ پہ کتنا تھا اعتبار ہمیں

جون ایلیا

ہم نے کیوں خود پہ اعتبار کیا
سخت بے اعتبار تھے ہم تو
اب کہ جب جانانہ تم کو ہے سبھی پر اعتبار
اب تمہیں جانانہ پہ جب اعتبار آیا تو کیا
اپنے یاں تو زمانے والوں کا
روز ہی اعتبار اٹھتا ہے
نہ گلے رہے نہ گماں رہے نہ گزارشیں ہیں نہ گفتگو
وہ نشاط وعدۂ وصل کیا ہمیں اعتبار بھی اب نہیں

جگر مراد آبادی

اس طرح خوش ہوں کسی کے وعدۂ فردا پہ میں
در حقیقت جیسے مجھ کو اعتبار آ ہی گیا

سراج الدین ظفر

میرا ہی ایک عکس ہے کیا طور کیا کلیم
دیکھے کوئی مجھے نگہ اعتبار سے
وہ دل کے آئنے میں رہے اور مری نظر
آگے بڑھی نہ آئنہ اعتبار سے

قمر جلالوی

ہم نہ کہتے تھے ہنسی میں غیر سے وعدہ نہ کر
دیکھنے والوں کو آخر اعتبار آ ہی گیا
کسی کو دل مجھے دینا تو ناگوار نہیں
مگر حضور زمانے کا اعتبار نہیں
کفن ہٹا کر وہ منہ بار بار دیکھتے ہیں
ابھی انہیں مرے مرنے کا اعتبار نہیں
شکوۂ بزمِ غیر ان سے عبث
اب انہیں اپنا اعتبار نہیں
منتظرِ شام کے رہو نہ قمر
ان کے آنے کا اعتبار نہیں

اختر شیرانی

بہار آئی ہے ایسے میں تم بھی آ جاؤ
کہ زندگی کا برنگ گل اعتبار نہیں
ہر ایک جام پہ یہ نغمۂ حزیں ساقی
کہ اس جوانی فانی کا اعتبار نہیں

ادا جعفری

کوئی بات خواب و خیال کی جو کرو تو وقت کٹے گا اب
ہمیں موسموں کے مزاج پر کوئی اعتبار کہاں رہا

اکبر معصوم

بہت دنوں سے یہی سوچ کر پریشاں ہوں
کہ تو بھی میرے گماں ہی کا اعتبار نہ ہو

بہزاد لکھنوی

معلوم تھا کہ عہدِ وفا ان کا جھوٹ ہے
اس پر بھی اعتبار کیا ہائے کیا کیا
قسمت نے آہ ہم کو یہ دن بھی دکھا دیے
قسمت پہ اعتبار کیا ہائے کیا کیا
کالی گھٹا کے اٹھتے ہی توبہ نہ رہ سکی
توبہ پہ اعتبار کیا ہائے کیا کیا

بیان میرٹھی

میں خوش ہوں وعدۂ فردا پہ کون شخص ہوں میں
وہ شوخ اور یہ عمر اس پہ اعتبار کیا
طریق عشق میں کی بے خودی سے طے منزل
یہ تھی وہ رہ کہ نہ اپنا بھی اعتبار کیا

علی سردار جعفری

قابل‌ التفات آنکھیں
نا قابل اعتبار چہرے

جلیل مانک پوری

کہے جائیں گے دردِ دل ہم اپنا
کسی کو اعتبار آئے نہ آئے

جوش ملیح آبادی

ثبوت ہے یہ محبت کی سادہ لوحی کا
جب اس نے وعدہ کیا ہم نے اعتبار کیا

حسرت موہانی

گھٹے گا تیرے کوچے میں وقار آہستہ آہستہ
بڑھے گا عاشقی کا اعتبار آہستہ آہستہ

سیماب اکبر آبادی

کیا دیتے ہم کسی کو دعائے سلامتی
اپنی ہی زندگی کا کسے اعتبار تھا

شاد عظیم آبادی

جمے کس طرح اس حیرت کدے میں اعتبار اپنا
نہ دل اپنا نہ جان اپنی نہ ہم اپنے نہ یار اپنا
حقیقت میں ہمیں کو جب نہیں خود اعتبار اپنا
غلط سمجھی اگر سمجھی ہے تن کو جان زار اپنا
الٰہی خیر ہو اب کے بہار باغ نے پھر بھی
جمایا بے طرح بلبل کے دل پر اعتبار اپنا
ہم اک مہماں ہیں ہم سے دوستی کرنے کا حاصل کیا
نہیں کچھ اس جہاں میں اے شبِ غم اعتبار اپنا
مری نہ پوچھ کہ تیری گلی میں خاک ہوں میں
تجھی کو میری وفا کا نہ اعتبار آیا
ترے فراق کے خوگر نہ مر مٹے جب تک
قضا کے آنے کا تب تک نہ اعتبار آیا

شکیل بدایونی

اثر شراب کا عہد وفائے یار میں ہے
قدم قدم پہ جو لغزش سی اعتبار میں ہے

فانی بدایونی

تابِ ضبطِ غم نے بھی دے دیا جواب آخر
ان کے دل سے اٹھتا ہے آج اعتبار اپنا
اے موت تجھ پہ عمرِ ابد کا مدار ہے
تو اعتبار ہستی بے اعتبار ہے
عہد ازل پہ زندگیوں کا مدار ہے
عالم تمام غم کدۂ اعتبار ہے
میں دردِ فرقت سے جاں بلب ہوں تمہیں یقین وفا نہیں ہے
مجھے نہیں اعتبار اپنا تمہیں نہیں اعتبار میرا
آہ کا اعتبار بھی کب تک
آہ کا اعتبار تھا نہ رہا

احمد فراز

کسے زندگی ہے عزیز اب کسے آرزوئے شب طرب
مگر اے نگار وفا طلب ترا اعتبار کوئی تو ہو

امیر مینائی

میں زباں سے تم کو سچا کہوں لاکھ بار کہہ دوں
اسے کیا کروں کہ دل کو نہیں اعتبار ہوتا
مری خاک بھی لحد میں نہ رہی امیر باقی
انہیں مرنے ہی کا اب تک نہیں اعتبار ہوتا

فراق گورکھپوری

عشق‌ ہجراں نصیب کا بھی ہے دھیان
ترے وعدے کا اعتبار بھی ہے

قتیل شفائی

آہٹوں کے فریب میں مت آ
ان کا کیا اعتبار سونے دے

قیوم نظر

ہنستے ہیں کہ ہنس سکے زمانہ
خوش ہیں تو اس اعتبار سے ہم

کلیم عاجز

ہنس کے بولے اب تجھے زنجیر کی حاجت نہیں
ان کو میری بے بسی کا اعتبار آ ہی گیا

کیفی اعظمی

تری امید پہ ٹھکرا رہا ہوں دنیا کو
تجھے بھی اپنے پہ یہ اعتبار ہے کہ نہیں

محسن نقوی

میں زندگی سے نہ کھل سکا اس لیے بھی محسنؔ
کہ بہتے پانی پہ کب تلک اعتبار کرنا

ناصر کاظمی

وفا نہیں نہ سہی رسم و راہ کیا کم ہے
تری نظر کا مگر اعتبار بھی تو نہیں
کیا روئیں فریبِ آسماں کو
اپنا نہیں اعتبار کچھ دیر