انشاء اللہ خان انشا

غلط ہے آہ کہ ہے دل کو دل سے راہ نہیں
کہ تیری چاہ مجھے تجھ کو میری چاہ نہیں
اس بندہ کی چاہ دیکھئے گا
اور اس کا نباہ دیکھئے گا

حیدر علی آتش

سبزہ بالائے ذقن دشمن ہے خلقِ اللہ کا
رہروؤں کی موت ہے خس پوش ہونا چاہ کا
کم بضاعت سے خیالِ خام ہے کثرت کو فیض
اکتفا کرتا نہیں لشکر کو پانی چاہ کا
جوشِ اشک آتشیں کا باعث آہ سرد ہے
گرم کرتی ہے ہوا جاڑے کی پانی چاہ کا
وہ دہن ہے چشمۂِ شیریں تبسم موج ہے
وہ ذقن ہے چاہ خال اس میں توا ہے چاہ کا
سالہا عشق زنخداں نے لہو پانی کیا
مدتوں روئے ہیں جا جا کر کنارے چاہ کے
جا نکلتا ہے جو مجھ سا تشنۂِ دیدار حسن
ذکر یوسف کرنے لگتے ہیں کبوتر چاہ کے

داغ دہلوی

تمہارے حسن سے کیا رتبہ ماہ کنعاں کو
وہی تو چاند جسے ڈوبنے کو چاہ ملے

مصحفی غلام ہمدانی

دل وہ ہے کہ جس سے چاہ نکلے
منہ وہ ہے کہ جس سے آہ نکلے
بنے کیوں کہ پھر مری اس کی اب کہ یہ تفرقہ ہے بڑا غضب
مجھے اس سے اچھے کی ہے طلب اسے مجھ سے اچھے کی چاہ ہے
بندہ پہ نہ کر کرم زیادہ
بس بس تری چاہ ہم نے کر لی
ہر چند امردوں میں ہے اک راہ کا مزا
غیر از نسا ولے نہ ملا چاہ کا مزا
اے مصحفیؔ دل کہیں نہ دیجے
ہوتی ہے بری یہ چاہ ظالم

مومن خان مومن

تاب کم ظرف کو کہاں تم نے
دشمنی کی عدو سے چاہ نہ کی

فیض احمد فیض

تجھ کو دیکھا تو سیر چشم ہوے
تجھ کو چاہا تو اور چاہ نہ کی

مرزا رفیع سودا

دکھاتی ہے تجھے کس کس طرح سوداؔ کی نظروں میں
جو ہو انصاف تو جاؤے تو اس کی چاہ کے صدقے
بے چین جو رکھتی ہے تمہیں چاہ کسو کی
شاید کہ ہوئی کارگر اب آہ کسو کی