انشاء اللہ خان انشا

ہووے پرلوک اودے بھان تو لالہ گھنشام
ان کے پھکنے کے لیے مول اگر لیتا ہے
یا شاہِ نجف نام اشارہ میں ترا لوں
ہو جائے دمِ نزع زباں میرے اگر بند

بہادر شاہ ظفر

گالیاں تنخواہ ٹھہری ہے اگر بٹ جائے گی
عاشقوں کے گھر مٹھائی لب شکر بٹ جائے گی

حیدر علی آتش

کام ہمت سے جواں مرد اگر لیتا ہے
سانپ کو مار کے گنجینۂِ زر لیتا ہے
کیا چیز ہے عبارت رنگیں میں شرح شوق
خط کی طرح طبیعت بستہ اگر کھلے
یک دم نہ نبھنے دیتی ان کی تنک مزاجی
رکھتے نہ ہم طبیعت اپنی اگر سنبھالے

داغ دہلوی

جفا پر وفا تو کروں سوچ لو
تمہیں مجھ سے الفت اگر ہو گئی
محبت کے بازار میں اور کیا ہے
کوئی دل دکھائے اگر دیکھ لینا
مت کراہ انشا نہ کر افشائے راز
دل کو دکھنے دے اگر دکھنے لگا

مصحفی غلام ہمدانی

شیشے میں ترے شراب ساقی
ٹک ہم کو بھی دے اگر بہت ہے
دیجو پیغام ہی مرا قاصد
لے چلا ہے تو خط اگر سب کے

مصطفٰی خان شیفتہ

حربا کرے طریقۂِ پروانہ اختیار
اس تابِ رخ سے کیجیے روشن اگر چراغ

میر مہدی مجروح

مانگیں نہ ہم بہشت نہ ہو واں اگر شراب
دوزخ میں ڈال دیجیے دیجے مگر شراب
توبہ تو ہم نے کی ہے پر اب تک یہ حال ہے
پانی بھر آئے منہ میں دکھا دیں اگر شراب

میر انیس

ہماری قبر پہ کیا احتیاج‌ عنبر و عود
سلگ رہا ہے ہر اک استخواں اگر کی طرح

باقی صدیقی

زندگی گزرے گی کیونکر باقیؔ
عمر بھر کوئی اگر یاد آیا
بات چھیڑی تو ہے ان کی باقیؔ
آ گئے اشک اگر آنکھوں میں
ساحل کی خامشی کا فسوں ٹوٹنے لگے
دریا کا اضطراب اگر آئنہ بنے
اک اداسی بزم پر چھا جائے گی
ہم بھی اے باقیؔ اگر چپ ہو گئے

جون ایلیا

اب یہاں ہوش میں کبھی اپنے
نہیں آؤں گا میں اگر آیا

قمر جلالوی

آہ کو سمجھے ہو کیا دل سے اگر ہو جائے گی
وہ تو وہ ان کے فرشتوں کو خبر ہو جائے گی
تم سرہانے سے گھڑی بھر کے لیے منہ پھیر لو
دم نہ نکلے گا مری صورت اگر دیکھا کیے

شکیب جلالی

زنجیر بپا اگر گئے ہم
نغموں کی طرح بکھر گئے ہم

عرفان صدیقی

یہ کون چیختا ہے اگر مر گیا ہوں میں
یہ کیا تڑپ رہا ہے اگر کچھ نہیں بچا
یہ کون چیختا ہے اگر مر چکا ہوں میں
یہ کیا تڑپ رہا ہے اگر کچھ نہیں بچا
یہ شہرِ ذات بہت ہے ‘ اگر بنایا جائے
تو کائنات کو کیوں دردِ سر بنایا جائے