انشاء اللہ خان انشا

چلے تھے حرم کو رہ میں ہوئے اک صنم کے عاشق
نہ ہوا ثواب حاصل یہ ملا عذاب الٹا
ہے وہ دل کی دھڑک سو جوں کی توں
جی پر اس کا عذاب باقی ہے

بہادر شاہ ظفر

جگر کے ٹکڑے ہوئے جل کے دل کباب ہوا
یہ عشق جان کو میرے کوئی عذاب ہوا

داغ دہلوی

نہ دل ہی ٹھہرا، نہ آنکھ جھپکی، نہ چین پایا، نہ خواب آیا
خدا دکھائے نہ دشمنوں کو، جو دوستی میں عذاب دیکھا

شیخ ابراہیم ذوق

بجھے گا سوزِ دل اے گریہ پل میں آب تو دے
دگر ہے آگ میں دنیا یوں ہی عذاب تو دے

مصحفی غلام ہمدانی

قسمت میں ہماری مصحفیؔ ہائے
کیا جانے ثواب عذاب کیا ہے
مہندی نہ لگا کہ جان میری
ہاتھوں سے ترے عذاب میں ہے
کیا ہو گی فلاح بعد مردن
جیتے تو سدا عذاب دیکھا
منہ چھپاؤ نہ تم نقاب میں جان
یوں ہی عاشق کی ہے عذاب میں جان
جوں سی چٹکی میں لے کے مل ڈالی
ہم سے عاشق کی ہے عذاب میں جان

مومن خان مومن

جلتا ہوں ہجر شاہد و یاد شراب میں
شوق ثواب نے مجھے ڈالا عذاب میں

فیض احمد فیض

آئے کچھ ابر، کچھ شراب آئے
اس کے بعد آئے جو عذاب آئے

مرزا رفیع سودا

کچھ ہووے تو ہو عدم میں راحت
ہستی میں تو ہم عذاب دیکھا

باقی صدیقی

جتنا جتنا خلوص ہو جس کا
اتنا اتنا عذاب ملتا ہے

جون ایلیا

کیا یہ آفت نہیں عذاب نہیں
دل کی حالت بہت خراب نہیں
یادوں کا حساب رکھ رہا ہوں
سینے میں عذاب رکھ رہا ہوں
میری فریاد نے سکوت کے ساتھ
اپنے لب کے عذاب بیچے ہیں

جگر مراد آبادی

سرمایۂ فراق جگرؔ آہ کچھ نہ پوچھ
اب جان ہے سو اپنے لیے خود عذاب ہے
ہم کو دعوائے عشق بازی ہے
مستحق عذاب ہیں ہم لوگ
ہر نفس موج اضطراب ہوا
زندگی کیا ہوئی عذاب ہوا

عبدالحمید عدم

لوگ کچھ مطمئن بھی تھے پھر بھی
جس کو دیکھا عذاب میں دیکھا

مجید امجد

ان دوریوں میں قرب کا جادو عذاب تھا
ورنہ تمہارے ہجر کا غم بھی گوارا تھا

احسان دانش

بھری ہوئی ہے کئی دن سے دھند گلیوں میں
نہ جانے شہر سے کب یہ عذاب نکلے گا

اختر شیرانی

غمِ زمانہ نہیں اک عذاب ہے ساقی
شراب لا مری حالت خراب ہے ساقی
شباب کے لیے توبہ عذاب ہے ساقی
شراب لا مجھے پاس شباب ہے ساقی

ظہیر کاشمیری

مرنا عذاب تھا کبھی جینا عذاب تھا
میرا مشیر عشق سا خانہ خراب تھا

شان الحق حقی

ڈرا نہ نار جہنم سے مجھ کو اے واعظ
مرے جنم میں لکھے ہیں عذاب اور ہی کچھ

فانی بدایونی

ہر گھڑی انقلاب میں گزری
زندگی کس عذاب میں گزری

اختر ہوشیارپوری

مراجعت کا سفر تو ممکن نہیں رہا ہے
میں چلتا جاؤں کہ موسموں کا عذاب دیکھوں

احمد فراز

نہ سہہ سکا جب مسافتوں کے عذاب سارے
تو کر گئے کوچ میری آنکھوں سے خواب سارے

امیر مینائی

اسے جو شوقِ سزا ہے مجھے ضرور ہے جرم
کہ کوئی یہ نہ کہے قابلِ عذاب نہ تھا
ڈالی ہیں نفسِ شوم نے کیا کیا خرابیاں
موذی کو پال کر میں پڑا کس عذاب میں

فراق گورکھپوری

یہ آ گیا ہے یہاں کون کافر معصوم
کہ ٹھنڈی پڑ گئی دوزخ کے بھی عذاب کی آنچ

محسن نقوی

ترے ہجر میں ذہن پگھلتا تھا ترے قرب میں آنکھیں جلتی ہیں
تجھے کھونا ایک قیامت تھا ترا ملنا اور عذاب ہوا