مرزا غالب

درد منت کشِ دوا نہ ہوا
میں نہ اچھا ہوا، برا نہ ہوا
کی وفا ہم سے تو غیر اس کو جفا کہتے ہیں
ہوتی آئی ہے کہ اچھوں کو برا کہتے ہیں
نہ سنو اگر برا کہے کوئی
نہ کہو گر برا کرے کوئی
خوب تھا پہلے سے ہوتے جو ہم اپنے بد خواہ
کہ بھلا چاہتے ہیں اور برا ہوتا ہے
میں نے مانا کہ کچھ نہیں غالب
مفت ہاتھ آئے تو برا کیا ہے

بہادر شاہ ظفر

نہ تھی حال کی جب ہمیں خبر رہے دیکھتے اوروں کے عیب و ہنر
پڑی اپنی برائیوں پر جو نظر تو نگاہ میں کوئی برا نہ رہا

داغ دہلوی

جو بھلے ہیں وہ بروں کو بھی بھلا کہتے ہیں
نہ برا سنتے ہیں اچھے نہ برا کہتے ہیں
پہلے تو داغ کی تعریف ہوا کرتی تھی
اب خدا جانے وہ کیوں اس کو برا کہتے ہیں
ناروا کہیے ناسزا کہیے
کہیے کہیے مجھے برا کہیے
جو ہو اچھا ہزار اچھوں کا
واعظ اس بت کو تو برا جانے

شیخ ابراہیم ذوق

دل کہاں سیر تماشے پہ مرا لگتا ہے
جی کے لگ جانے سے جینا بھی برا لگتا ہے

مصحفی غلام ہمدانی

وہ کرتا ہے اپنے ہی جی میں برائی
کسی کا کوئی گر برا چاہتا ہے

مومن خان مومن

ذکر اغیار سے ہوا معلوم
حرف ناصح برا نہیں ہوتا
اب تو دل عشق کا مزا چکھا
ہم نہ کہتے تھے کیوں برا ہے عشق

میر مہدی مجروح

غیروں کو بھلا سمجھے اور مجھ کو برا جانا
سمجھے بھی تو کیا سمجھے جانا بھی تو کیا جانا

باقی صدیقی

تم مٹے کہ ہم مٹے
جو ہوا برا ہوا

جون ایلیا

کوئی بھی نہیں ہے مجھ سے نادم
بس طے یہ ہوا کہ میں برا ہوں
مرے وجود کا اب کیا سوال ہے یعنی
میں اپنے حق میں برا بھی نہیں رہا اب تو

قمر جلالوی

انسان کسی فطرت پہ تو قائم ہو کم از کم
اچھا ہو تو اچھا ہو برا ہو تو برا ہو

الطاف حسین حالی

ٹھہرتے جاتے ہیں جتنے چشم عالم میں بھلے
حال نفس دوں کا اتنا ہی برا پاتے ہیں ہم

رئیس فروغؔ

میں بھی ہوں دشمن بنا ہوا
موسم بھی کچھ برا نہیں
کسی کسی کی طرف دیکھتا تو میں بھی ہوں
بہت برا نہیں اتنا برا تو میں بھی ہوں
میں نے سیکھا نہیں اچھوں کو برا کہہ دینا
کہیں مل جائے تو بے بی کو دعا کہہ دینا

اختر شیرانی

یاد آتا ہے لکھنٔو اخترؔ
خلد ہو آئیں تو برا کیا ہے

سدرشن فاکر

سامنے ہے جو اسے لوگ برا کہتے ہیں
جس کو دیکھا ہی نہیں اس کو خدا کہتے ہیں

عالم تاب تشنہ

یہ کہنا ہم نے ہی طوفاں میں ڈال دی کشتی
قصور اپنا ہے دریا کو کیا برا کہنا

عبید اللہ علیم

ابھی خرید لیں دنیا کہاں کی مہنگی ہے
مگر ضمیر کا سودا برا سا لگتا ہے

غلام محمد قاصر

سب سے اچھا کہہ کے اس نے مجھ کو رخصت کر دیا
جب یہاں آیا تو پھر سب سے برا بھی میں ہی تھا

ماجد صدیقی

ہاں بجا ہے وہ اچھا نہ ہو گا مگر
تیرا ماجدؔ کچھ ایسا برا بھی نہ تھا
حضور! آپ نے جو کچھ کہا، درست کہاں
مرا مقام ہی کیا ہے جو میں برا مانوں

حسرت موہانی

عجب کیا جو ہے بدگماں سب سے واعظ
برا سنتے سنتے برا کہتے کہتے

شکیل بدایونی

تمہیں کہہ دیا ستمگر یہ قصور تھا زباں کا
مجھے تم معاف کر دو مرا دل برا نہیں ہے

فانی بدایونی

ترے دل کو درد آشنا چاہتا ہوں
بھلا چاہتا ہوں برا چاہتا ہوں

احمد فراز

کیا تعجب ہے کہ ہم اہل تمنا کو فراز
وہ جو محرومِ تمنا ہیں‌ برا کہتے ہیں

شاذ تمکنت

حشر تک بے گنہی ناز کرے گی مجھ پر
وہ مرا تیری نگاہوں میں برا ہو جانا
اس کو ہمراہ لیے آتے تھے میری خاطر
میرے غم خوار مرے حق میں برا کرتے تھے

کلیم عاجز

تو رئیس شہرِ ستم گراں میں گدائے کوچۂ عاشقاں
تو امیر ہے تو بتا مجھے میں غریب ہوں تو برا ہے کیا؟
تو رئیس شہرِ ستم گراں میں گدائے کوچۂ عاشقاں
تو امیر ہے تو بتا مجھے میں غریب ہوں تو برا ہے کیا

ناصر کاظمی

دکھاؤں داغِ محبت جو ناگوار نہ ہو
سناؤں قصۂ فرقت اگر برا نہ لگے
کون اچھا ہے اس زمانے میں
کیوں کسی کو برا کہے کوئی