مرزا غالب

شکوۂِ یاراں غبارِ دل میں پنہاں کر دیا
غالب ایسے گنج کو عیاں یہی ویرانہ تھا

امام بخش ناسخ

جان ہم تجھ پہ دیا کرتے ہیں
نام تیرا ہی لیا کرتے ہیں
کل نہ دے گا کوئی مٹی بھی انہیں
آج زر جو کہ دیا کرتے ہیں

داغ دہلوی

بے طلبِ جو ملا ملا مجھ کو
بے غرض جو دیا دیا تو نے

مصطفٰی خان شیفتہ

یہ سب طول اس نے سن کر بے تکلف
جواب اک مختصر مجھ کو دیا کیا
ذکر وصال غیر و شب ماہ و بادہ سے
ایسے لیے گئے ہمیں طعنے دیا کیے

باقی صدیقی

زندگی تیرگی میں ڈوب گئی
ہم جلاتے رہے دیا دل کا
خود ہی دروازے پہ دستک دی ہے
خود ہی در کھول دیا ہے اپنا

جگر مراد آبادی

جب دل میں آ گیا ہے اک جنبش نظر نے
دیوانہ کہہ دیا دیوانہ کر دیا ہے

خواجہ میر درد

جگ میں کوئی نہ ٹک ہنسا ہو گا
کہ نہ ہنستے میں رو دیا ہو گا
حال مجھ غم زدہ کا جس تس نے
جب سنا ہو گا رو دیا ہو گا

عبدالحمید عدم

حشر کی صبح تک تو جاگوں گا
رات کا آخری دیا ہوں میں

قمر جلالوی

کیا کوئی باغ میں ہم مفت رہا کرتے ہیں
ایک گھر برق کو ہر سال دیا کرتے ہیں

شکیب جلالی

ہوا نے توڑ کے پتہ زمیں پہ پھینکا ہے
کہ شب کی جھیل میں پتھر گرا دیا ہے کوئی!

عرفان صدیقی

ایک لڑکا شہر کی رونق میں سب کچھ بھول جائے
ایک بڑھیا روز چوکھٹ پر دیا روشن کرے

جمال احسانی

اپنے ہمراہ جلا رکھا ہے
طاق دل پر جو دیا رکھا ہے

احسان دانش

اک ضیق اک عذاب اک اندوہ اک تڑپ
تم نے یہ دل کے نام سے کیا دے دیا مجھے

آنس معین

ہے کون کہ جو خود کو ہی جلتا ہوا دیکھے
سب ہاتھ ہیں کاغذ کے دیا دیں تو کسے دیں

بشیر بدر

اک معصوم سے پیار کا تحفہ گھر کے آنگن میں پایا تھا
اس کو غم کے پاگل پن میں کوٹھے کوٹھے بانٹ دیا ہے
آنسو تارے رنگ گلاب سبھی پردیس چلے جاتے ہیں
آخر آخر تنہائی ہے کس نے کس کا ساتھ دیا ہے

بیان میرٹھی

شعلۂ رشک غیر سے جل کے اٹھانا جائے تھا
دور چراغ بزم نے اٹھ کے بتا دیا کہ یوں

ضیا جالندھری

شب کی دبیز تیرگیوں کے جواب میں
یہ ایک ٹمٹماتا دیا میرا جسم ہے

ظہیر کاشمیری

ہجر کی رات عجب رنگ ہے پیمانے کا
دست مے خوار میں بجھتا سا دیا ہو جیسے
ظلمت کا دور کچھ بھی سہی ستر‌ پوش تھا
کب روشنی نے جیب و گریباں دیا ہمیں

عبید اللہ علیم

ویران سرائے کا دیا ہے
جو کون و مکاں میں جل رہا ہے
خورشید مثال شخص کل شام
مٹی کے سپرد کر دیا ہے
اندر بھی اس زمیں کے روشنی ہو
مٹی میں چراغ رکھ دیا ہے
بس ایک لو میں اسی لو کے گرد گھومتے ہیں
جلا رکھا ہے جو اس نے دیا ہمارے لیے

غلام محمد قاصر

وقت کے محراب میں جو بے سبب جلتا رہا
رات نے مجھ کو بتایا وہ دیا بھی میں ہی تھا