شیخ ابراہیم ذوق

تم نے ٹھہرائی اگر غیر کے گھر جانے کی
تو ارادے یہاں کچھ اور ٹھہر جائیں گے

مصحفی غلام ہمدانی

کبھو تک کے در کو کھڑے رہے کبھو آہ بھر کے چلے گئے
ترے کوچے میں جو ہم آئے بھی تو ٹھہر ٹھہر کے چلے گئے
اے غم زدہ ضبط کر کے چلنا
ہر گام ٹھہر ٹھہر کے چلنا

فیض احمد فیض

یا خوف سے در گزریں یا جاں سے گزر جائیں
مرنا ہے کہ جینا ہے اک بات ٹھہر جائے

باقی صدیقی

تجھ سے آتی ہے بوئے ہمدردی
جانے والے ذرا ٹھہر جانا
آئی یہ کدھر سے تیری آواز
چلتے چلتے ٹھہر گئے ہم
چلا ہاتھوں سے دامانِ تمنا
ذرا اے س7ل رنگ و بو ٹھہر بھی
باقیؔ بس ایک دل کے سنبھلنے کی دیر تھی
ہر چیز اپنی اپنی جگہ پر ٹھہر گئی

شکیب جلالی

یہ شکستہ قدم بھی ترے ساتھ تھے
اے زمانے ٹھہر! اے زمانے ٹھہر!
بن جائیں گی منزلیں وہیں پر
بھولے سے جہاں ٹھہر گئے ہم

رئیس فروغؔ

دشت سے دور سہی سایۂ دیوار تو ہے
ہم نہ ٹھہریں گے کوئی اور ٹھہر جائے گا

بشیر بدر

عجیب رات تھی کل تم بھی آ کے لوٹ گئے
جب آ گئے تھے تو پل بھر ٹھہر گئے ہوتے

ضیا جالندھری

نہ تھا نہ ہو گا کبھی میسر سکون جو تیرے قرب میں ہے
یہ وقت کی جھیل جس میں ہر لہر جیسے تھک کر ٹھہر گئی ہے

احمد راہی

ہر دل تھا اداسیوں کا معبد
ہر گام ٹھہر ٹھہر گئے ہم

ماجد صدیقی

عمر بھر کو دے جاتا نشۂ شباب اپنا
اور بھی جو کچھ لمحے پاس وہ ٹھہر جاتا

جلیل مانک پوری

ہائے دم بھر بھی دل ٹھہر نہ سکا
ہاتھ سینے پہ کوئی دھر نہ سکا

ثروت حسین

اتنا قریب پا کے اسے دم بخود تھا میں
ایسا لگا زمین کی گردش ٹھہر گئی

رسا چغتائی

کوئی دامن کش خیال نہ تھا
ورنہ ہم بھی ٹھہر گئے ہوتے

عزیز حامد مدنی

وہ ہزار شوق کی لغزشیں مگر ایک لذت نارسی
مری آشنائے طرب نظر ترے رخ پہ آ کے ٹھہر گئی

احمد فراز

سنا ہے لوگ اسے آنکھ بھر کے دیکھتے ہیں
سو اس کے شہر میں کچھ دن ٹھہر کے دیکھتے ہیں
سنا ہے دن کو اسے تتلیاں ستاتی ہیں
سنا ہے رات کو جگنو ٹھہر کے دیکھتے ہیں
رکے تو گردشیں اس کا طواف کرتی ہیں
چلے تو اس کو زمانے ٹھہر کے دیکھتے ہیں

کلیم عاجز

چھاؤں وعدوں کی ہے بس دھوکا ہی دھوکا اے دل
مت ٹھہر گرچہ ٹھہر جانے کو جی چاہے ہے
رہنے دے جفاؤں کی کڑی دھوپ میں مجھ کو
سائے میں تو ہر شخص ٹھہر جائے ہے پیارے

محبوب خزاں

تم بہت دور ہو ہم بھی کوئی نزدیک نہیں
دل کا کیا ٹھیک ہے کم بخت ٹھہر جائے کہاں

ناصر کاظمی

بس ایک منزل ہے بوالہوس کی ہزار رستے ہیں اہلِ دل کے
یہی تو ہے فرق مجھ میں اس میں گزر گیا میں ٹھہر گیا وہ