مصحفی غلام ہمدانی

ہے صبح سے کچھ آج مرے دل کو بشاشت
اس کوچے سے قاصد تو نہ خط لے کے چلا ہو
یہی رہتا ہے اب تو دھیان مجھے
واں سے قاصد مرا چلا ہو گا

مومن خان مومن

دمِ آخر بھی تم نہیں آتے
بندگی اب کہ میں چلا صاحب
ضد سے وہ پھر رقیب کے گھر میں چلا گیا
اے رشک میری جان گئی تیرا کیا گیا
یہ ضعف ہے تو دم سے بھی کب تک چلا گیا
خود رفتگی کے صدمے سے مجھ کو غش آ گیا

مرزا رفیع سودا

کیفیت چشم اس کی مجھے یاد ہے سوداؔ
ساغر کو مرے ہاتھ سے لیجو کہ چلا میں

باقی صدیقی

زخمِ دل منزل جاں تک آئے
سنگ رہ ساتھ چلا ہے کہ نہیں
منزلوں خود سے بڑھ گئے آگے
دو قدم ساتھ جب چلا کوئی
کس کا ہاتھ ہے کس مہرے پہ کیا جانیں
کون اور کیسی چال چلا معلوم نہیں
دل کو باتوں سے ناپتے ہیں لوگ
ذکر اپنا چلا تھا پہلے بھی

جون ایلیا

دل کی دنیا کچھ اور ہی ہوتی
کیا کہیں اپنا بس چلا ہی نہیں

جگر مراد آبادی

مبارک مبارک مری یہ فنائیں
دوعالم پہ چھایا چلا جا رہا ہوں
نگاہوں میں منزل مری پھر رہی ہے
یوں ہی گرتا پڑتا چلا جا رہا ہوں
نہ اور اک ہستی نہ احساس مستی
جدھر چل پڑا ہوں چلا جا رہا ہوں

سراج الدین ظفر

حلقہ بگوش عشق ہو پھر نہ زوال ہے نہ موت
پیک قضا پہ آخری تیر چلا کے بھول جا

رئیس فروغؔ

تو صبحِ بہاراں کا حسیں خواب ہے پھر بھی
آہستہ ذرا اوس کی بوندوں پہ چلا کر
کالے بادل الجھے رہے
ہوا کا جادو چلا نہیں
ایک عجب فراق سے ایک عجب وصال تک
اپنے خیال میں چلا پھر مجھے نیند آ گئی

بشیر بدر

کبھی حسن پردہ نشیں بھی ہو ذرا عاشقانہ لباس میں
جو میں بن سنور کے کہیں چلوں مرے ساتھ تم بھی چلا کرو

بیخود بدایونی

اس بزم میں نہ ہوش رہے گا ذرا مجھے
اے شوق ہرزہ تاز کہاں لے چلا مجھے

ضیا جالندھری

حیات خود ہے دہان نہنگ لا یعنی
جو ہے عدم کا مسافر ہے میں چلا کہ میں ہوں
مجھ ایسے ذروں کا ہونا نہ ہونا ایک سا ہے
بگولے ان سے اٹھے تو پتہ چلا کہ میں ہوں

ماجد صدیقی

جس شخص سے جی بہل چلا تھا
وہ شخص تو شہر سے چلا بھی
آگے کا سلوک جانے کیا ہو
غنچہ سا چمن میں کھل چلا ہوں

جوش ملیح آبادی

عقل کے قصر بے نیازی پر
ناز کے گھن چلا رہا ہے یہ کون

رسا چغتائی

وہ بھی اک حلقۂ گرداب میں تھا
اور بس ڈوب چلا تھا میں بھی

عزیز حامد مدنی

مثالِ برق جو خواب جنوں میں چمکی تھی
اس آ گہی کے تعاقب میں ہوں چلا جاتا
میری وفا برائے وفا اتفاق تھی
میرے سوا کسی پہ یہ افسوں چلا نہیں

اختر ہوشیارپوری

ان راستوں کی گرد مری زندگی پہ ہے
جن راستوں پہ میں کبھی اخترؔ چلا نہیں

فراق گورکھپوری

منزل کی یوں تو مجھ کو کوئی خبر نہیں ہے
دل میں کسی طرف کو کچھ سوچتا چلا ہوں

قتیل شفائی

پیار دلار کے سائے سائے چلا کرو
جلتے لوگو کچھ تو اپنا بھلا کرو
کوئی منظر پاؤں کی زنجیر نہیں
وادی وادی آزادی سے چلا کرو

قیوم نظر

میں پڑا رہتا تھا افتادگی سے
جادۂ شوق چلا کرتا تھا
منزلوں تک ہے کڑی دھوپ کھڑی
میں بھی سائے میں چلا کرتا تھا

ناصر کاظمی

دل کی کہانی کہتے کہتے
رات کا آنچل بھیگ چلا تھا
تیرا رستہ تکتے تکتے
کھیت گگن کا سوکھ چلا ہے
وہ دوستی تو خیر اب نصیبِ دشمناں ہوئی
وہ چھوٹی چھوٹی رنجشوں کا لطف بھی چلا گیا
یہ صبح کی سفیدیاں یہ دوپہر کی زردیاں
اب آئنے میں دیکھتا ہوں میں کہاں چلا گیا