مرزا غالب

لازم تھا کہ دیکھو مرا رستہ کوئی دن اور
تنہا گئے کیوں؟ اب رہو تنہا کوئی دن اور

داغ دہلوی

تری یاد ہے یا ہے تیرا تصور
کبھی داغؔ کو ہم نے تنہا نہ دیکھا

مصحفی غلام ہمدانی

مصحفیؔ تو عشق کی وادی میں آخر لٹ گیا
اس بیاباں میں کوئی نادان تنہا جائے ہے

مصطفٰی خان شیفتہ

خیر جو گزری سو گزری پر یہی اچھا ہوا
خط دیا تھا نامہ بر نے اس کو تنہا دیکھ کر

یگانہ چنگیزی

طاعت ہو یا گناہ پسِ پردہ خوب ہے
دونوں کا جب مزہ ہے کہ تنہا کرے کوئی

باقی صدیقی

راز سر بستہ ہے محفل تیری
جو سمجحھ لے گا وہ تنہا ہو گا
اس طرح محفل یہ ہے اس کی نظر
سب ہیں تنہا اور کوئی تنہا نہیں
لے اڑی دل کو نسیمِ سحری
بوئے گلکر گئی تنہا ہم کو
آج دیکھا ہے نیا رنگ ان کا
دو گھڑی چھوڑ دو تنہا ہم کو
اس طرح روح کے سناٹے سے
کبھی گزرے تھے نہ تنہا پہلے

جون ایلیا

اس سے گلے مل کر خود کو
تنہا تنہا لگتا ہوں
اب وہ گھر اک ویرانہ تھا بس ویرانہ زندہ تھا
سب آنکھیں دم توڑ چکی تھیں اور میں تنہا زندہ تھا
سلسلہ جنباں اک تنہا سے روح کسی تنہا کی تھی
ایک آواز ابھی آئی تھی وہ آواز ہوا کی تھی

جگر مراد آبادی

کوئی شائستہ و شایان غمِ دل نہ ملا
ہم نے جس بزم میں دیکھا اسے تنہا دیکھا

عرفان صدیقی

دیکھ لے ، آج تری بزم میں بھی تنہا ہوں
میں جو گزرے ہوئے ہنگاموں کا خمیازا ہوں

مجید امجد

میری مانند خودنگر، تنہا
یہ صراحی میں پھول نرگس کا
تو کہ اپنے ساتھ ہے اپنے بدن کے واسطے
کوئی تیرے ساتھ تنہا ہے ترے دل کے لیے

رئیس فروغؔ

تجھے پاس بٹھا کے دیکھوں گا
کسی روز خیال تنہا میں
ہوا نے ابرِ بہاراں سے بے وفائی کی
خبر کرو کسی آرام گاہ تنہا میں

بشیر بدر

محبت ایک خوشبو ہے ہمیشہ ساتھ چلتی ہے
کوئی انسان تنہائی میں بھی تنہا نہیں رہتا

ظہیر کاشمیری

امیدوں کے کھنڈر مایوسیوں کے دم بخود سائے
بڑی ہی رونقیں ہم اس دلِ تنہا میں رکھتے ہیں

عالم تاب تشنہ

ہے عجب طرز کا رہرو دلِ شوریدہ قدم
جب بھی نکلا سفرِ عشق پہ تنہا نکلا
میں اپنی جنگ میں تنِ تنہا شریک تھا
دشمن کے ساتھ سارا زمانہ شریک تھا

عبید اللہ علیم

تم نے بھی میرے ساتھ اٹھائے ہیں دکھ بہت
خوش ہوں کہ راہِ شوق میں تنہا نہیں ہوں میں
وحشتیں کیسی ہیں خوابوں سے الجھتا کیا ہے
ایک دنیا ہے اکیلی تو ہی تنہا کیا ہے

رسا چغتائی

ہر چند مرے ساتھ رہے اہل بصیرت
کچھ اہل بصیرت تھے کہ تنہا مجھے سمجھے

خاطر غزنوی

ایک ہم ہیں کہ تصور کہ طرح ساتھ رہے
ایک تو ہے کہ جو خلوت میں بھی تنہا نہ ہوا

سلام مچھلی شہری

شکریہ اے گردش جامِ شراب
میں بھری محفل میں تنہا ہو گیا
وہ صرف میں ہوں جو سو جنتیں سجا کر بھی
اداس اداس سا تنہا دکھائی دینے لگے

سیماب اکبر آبادی

اے حسن میرے حال میں تو بھی شریک ہو
دونوں جہاں کا بار ہوں تنہا لیے ہوئے
اپنی اس وارفتگی شوق کا ممنون ہوں
بارہا مجھ کو بھری محفل میں تنہا کر دیا

شاد عظیم آبادی

زندگی کہتی ہے ارماں کوئی اب ہے نہ امید
کب تلک ساتھ کروں میں تنِ تنہا تیرا

اختر ہوشیارپوری

لوگ اپنی کرچیاں چن چن کے آگے بڑھ گئے
میں مگر سامان اکٹھا کرتا تنہا رہ گیا
بارہا ٹھٹھکا ہوں خود بھی اپنا سایہ دیکھ کر
لوگ بھی کترائے کیا کیا مجھ کو تنہا دیکھ کر

افضل منہاس

یہ بھی شاید زندگی کی اک ادا ہے دوستو
جس کو ساتھی مل گیا وہ اور تنہا ہو گیا

اکبر حمیدی

دونوں عالم مل کے جس کو روکتے ہیں
میں نے اس طوفان کو تنہا روک لیا

احمد فراز

یوں تو کہنے کو بہت لوگ شناسا میرے
کہاں لے جاؤں تجھے اے دلِ تنہا میرے
جہاں میلہ لگا ہے قاتلوں کا
فراز اس شہر میں تنہا گئے کیا؟
اپنوں نے تج دیا ہے تو غیروں میں جا کے بیٹھ
اے خانماں خراب نہ تنہا شراب پی
ہنس نہ اتنا بھی فقیروں کے اکیلے پن پر
جا خدا میری طرح تجھ کو بھی تنہا رکھے

شاذ تمکنت

وہی مل بیٹھنا پہروں وہی احباب کی بزم
خود فریبی کا بھلا ہو کہ میں تنہا بھی نہیں
ہجوم آرزو ہم راہ جان و دل سہی لیکن
قریب کوئے جاناں کوئی تنہا ہو ہی جاتا ہے
خلوت کی انجمن ہے وفاؤں کا سلسلہ
کیا ذکر عشق حسن بھی تنہا دکھائی دے

فراق گورکھپوری

رفتہ رفتہ عشق مانوس جہاں ہوتا چلا
خود کو تیرے ہجر میں تنہا سمجھ بیٹھے تھے ہم

محسن احسان

حسن کے ہم راہ چلتا تھا جلوس تشنگاں
عشق تنہا دہر میں آیا تھا اور تنہا گیا
دریچوں سے یہ دل آویز منظر
برے لگتے ہیں تنہا دیکھنے میں

ناصر کاظمی

پھر کسی دھیان کے صد راہے پر
دلِ حیرت زدہ تنہا ہو گا
ان سے الجھ کر بھی کیا لیتا
تین تھے وہ اور میں تنہا تھا
جانے کون تھی اس کی منزل
جانے کیوں تنہا تنہا تھا
تنہائی مرے دل کی جنت
میں تنہا ہوں میں تنہا تھا
او پچھلی رت کے ساتھی
اب کے برس میں تنہا ہوں
سب کا بوجھ اٹھانے والے
تو اس دنیا میں تنہا ہے