مصطفٰیٰ خان شیفتہ

تجھ کو شک الفت میں اپنی، ہم کو وہمِ ربطِ غیر
بدگماں ہم کب نہ تھے اور بے یقیں تو کب نہ تھا

باقی صدیقی

وہ مہرباں ہیں
کیونکر یقیں ہو
جیسے یہ تیری ہی رہگزر ہے
ہم بیٹھ گئے ہیں کس یقیں سے
ظاہر تھا وہ غم تری ’’نہیں‘‘ سے
ہم کچھ بھی نہ کہہ سکے یقیں سے
ہے روایات محبت کا امیں
تیرے ٹوٹے ہوئے وعدے کا یقیں

جگر مراد آبادی

عالم جب ایک حال پہ قائم نہیں رہے
کیا خاک اعتبار نگاہ یقیں رہے
ظالم اٹھا تو پردۂ وہم و گمان و فکر
کیا سامنے وہ مرحلہ ہائے یقیں رہے

عبدالحمید عدم

انساں نشے میں ہو تو وہ چھپتا نہیں کبھی
ہر چند تم یقیں نہ کرو میں نشے میں ہوں
نشہ کوئی ڈھکی چھپی تحریک تو نہیں
ہر چند تم یقیں نہ کرو ہم نشے میں ہیں

عرفان صدیقی

بہت یقیں ترے دستِ رفو پہ ہے لیکن
میں کیا کروں مرے زخمِ یقیں نہیں جاتے
میں جل رہا ہوں حقیقت کی دھوپ میں کب سے
کسی گماں کا بھی سایہ مرے یقیں پہ نہیں
ان کے نزدیک یہ ساری سخن آرائی تھی
تجھ کو دیکھا ہے تو لوگوں کو یقیں آ گیا ہے

رئیس فروغؔ

اک اپنے سلسلے میں تو اہل یقیں ہوں میں
چھ فیٹ تک ہوں اس کے علاوہ نہیں ہوں میں
کس دکاں سے لاؤں میں
اپنے ہونے کا یقیں

ادا جعفری

مجھے رنگ خواب سے زندگی کا یقیں ملا
کبھی دل دکھا تو کچھ اور بھی وہ قریں ملا

زہرا نگاہ

امکانِ ہوا کہ وہم تھا سب
اظہار ہوا کہ تم یقیں ہو

سلام مچھلی شہری

اب عیادت کو مری کوئی نہیں آئے گا
پھر ہوں بیمار کسی کو نہ یقیں آئے گا

عزیز حامد مدنی

ایسی ہوا میں گھر سے نکلنے کی جا نہ تھی
ورنہ تمام بات کا آتا یقیں بہت
ہزار نخل گماں ہیں ابھی نمود آثار
ازل کے دن سے ہے کشت یقیں دروغ دروغ
کوئی وہ شک کا اندھیرا کہ جس کی جست کے بعد
چمک سی سلسلہ ہائے یقیں میں ہوتی ہے

فانی بدایونی

جینے کی ہے امید نہ مرنے کا یقیں ہے
اب دل کا یہ عالم ہے نہ دنیا ہے نہ دیں ہے

اختر ہوشیارپوری

میں رک سکوں گا ٹھہر سکوں گا تھکن سفر کی مٹا سکوں گا
کہیں تو کوئی شجر ملے گا تمام رستے یہی یقیں تھا