مومن خان مومن

گر نہ تھی اے دل اس کے رنج کی تعب
کیوں شکایت گزار ہونا تھا

فیض احمد فیض

دونوں جہان تیری محبت میں ہار کے
وہ جارہا ہے کوئی شبِ غم گزار کے

باقی صدیقی

دنیا تو اپنی بات کبھی چھوڑتی نہیں
جس طرح تم گزار سکو دن گزار لو

جون ایلیا

وہ تو اب بھی خواب ہے بے دار بینائی کا خواب
زندگی میں خواب میں اس کے گزار آیا تو کیا

سراج الدین ظفر

آہستہ اے نسیم کہ یہ زندگی مری
ملتی ہوئی ہے شمع سرِ رہ گزار سے

عبدالحمید عدم

عدمؔ کی شب خیزیوں کے احوال یوں سناتے ہیں اس کے محرم
کہ سننے والے یہ مان جائیں کوئی تہجد گزار ہو گا

شکیب جلالی

آخر کو تھک کے بیٹھ گئی اک مقام پر
کچھ دور میرے ساتھ چلی رہ گزار بھی
جو ابرِ رحمت سے ہو نہ پایا‘ کیا ہے وہ کام آندھیوں نے
نہیں ہے خار و گیاہ باقی‘ چمک اٹھا رہ گزار‘ دیکھو

عرفان صدیقی

یہ چراغ کشتہ نہ جانے کب سے پڑے ہیں راہ گزار میں
مگر آج تک کوئی شہ سوار چھپا ہواہے غبار میں
مجھ کو مل جائے اگر سلطنت تکیہ دل
میں تو پل بھر نہ رہوں باج گزار دنیا

مصطفی زیدی

تھا جس پہ وعدۂ فردوس و عاقبت کا مدار
وہ رات ہم سرِ کوئے بتاں گزار آئے

ادا جعفری

مری طلب کی یہ معراج ہے کہ عجز اداؔ
جدھر سے گزروں وہی ایک رہ گزار ملے
ہمیں کو بہ کو جو لیے پھری کسی نقشِ پا کی تلاش تھی
کوئی آفتاب تھا ضو فگن سرِ رہ گزار کہاں رہا

بشیر بدر

میں تمام دن کا تھکا ہوا تو تمام شب کا جگا ہوا
ذرا ٹھہر جا اسی موڑ پر تیرے ساتھ شام گزار لوں

بیان میرٹھی

ہر ایک ذرہ نے ایجاد صد بہار کیا
یہ میری خاک کو کس گل نے رہ گزار کیا

علی سردار جعفری

منزلیں دوڑ کے رہرو کے قدم لیتی ہیں
بوسۂ پا کے لیے راہ گزار آتے ہیں

فارغ بخاری

جو عرش و فرش پر کبھی آیا نہیں نظر
دیکھا ہے اس کو ہم نے سرِ رہ گزار بھی