مرزا غالب

خوش حال اس حریفِ سیہ مست کا، کہ جو
رکھتا ہو مثلِ سایۂِ گل ، سر بہ پائے گل
قیدِ حیات و بندِ غم اصل میں دونوں ایک ہیں
موت سے پہلے آدمی غم سے نجات پائے کیوں؟
بہار راہ رو جادۂِ فنا ہے اسدؔ
گلِ شگفتہ ہیں گویا کہ نقش پائے چمن

داغ دہلوی

لطف وہ عشق میں پائے ہیں کہ جی جانتا ہے
رنج بھی ایسے اٹھائے ہیں کہ جی جانتا ہے

شیخ ابراہیم ذوق

پارۂِ مصحف دل تھے ترے کوچہ میں پڑے
آتے پاؤں کے تلے شکر کہ پائے تو سہی
گر پڑے تھے کئی اس کوچے میں دل کے ٹکڑے
آتے پاؤں کے تلے شکر کہ پائے تو سہی

مصحفی غلام ہمدانی

ہاتھوں سے اس کے شیشۂِ دل چور ہے مرا
یارب کیے کی اپنے سزا پائے محتسب
یہ کوئے مے فروش میں رولا ہوا کہ رات
دہشت سے واں ٹھہر نہ سکا پائے محتسب
خوش خرامی ہے صنم! تجھ پر ختم
کبک و طوطی نے یہ کب پائے پاؤں

مصطفٰی خان شیفتہ

کس کس طرح سے کھوئے گئے غیر کیا کہوں
روز جزاً بھی سینے پہ میرے جو پائے گل
اس تیرہ روزگار میں مجھ سا جگر گداز
مشعل جلا کے ڈھونڈے اگر تو نہ پائے شمع

میر مہدی مجروح

تذکرہ وصل کا نہیں خالی
وہ بھی کچھ لطف پائے بیٹھے ہیں
کھوئے جانے کا اپنے دھیان نہیں
کچھ تو ایسا ہی پائے بیٹھے ہیں

مرزا رفیع سودا

سوداؔ بسر ہو خوبی سے اوقات ہر طرح
پر درمیاں نہ ہووے بشرطیکہ پائے حرص

باقی صدیقی

جس جگہ کھوئے ہیں اپنوں کی تمنا میں ہم
وہیں غیروں کی روایات میں ہم پائے گئے

جگر مراد آبادی

دل پہ کچھ ایسا وقت پڑا ہے
بھاگے لیکن راہ نہ پائے
جھوٹی ہے ہر ایک مسرت
روح اگر تسکین نہ پائے
میں اپنی آہ کے صدقے کہ میری آہ میں بھی
تری نگاہ کے انداز پائے جاتے ہیں

قمر جلالوی

تو نے تڑپایا مجھے دشمن تجھے تڑپائے ہے
میں تو یہ جانوں ہوں جو جیسے کرے ہے پائے ہے
لحد اور حشر میں یہ فرق کم پائے نہیں جاتے
یہاں دھوپ آ نہیں سکتی وہاں سائے نہیں جاتے
کسی محفل میں بھی ایسے چلن پائے نہیں جاتے
کہ بلوائے ہوئے مہماں اٹھوائے نہیں جاتے
زمیں پر پاؤں رکھنے دے انہیں اے ناز یکتائی
کہ اب نقشِ قدم ان کے کہیں پائے نہیں جاتے

شکیب جلالی

یہ کائنات ہے میری ہی خاک کا ذرہ
میں اپنے دشت سے گزارا تو بھید پائے بہت
حسنِ فردا‘ غمِ امروز سے ضو پائے گا
چاند ڈوبا ہے تو سورج بھی ابھر آئے گا

عرفان صدیقی

یہ اس کا دل ہے کہ گم گشتگاں کی بستی ہے
کہاں چھپا ہوں کہ وہ بھی نہ ڈھونڈ پائے مجھے

رئیس فروغؔ

تیری تصویر جو دیکھی اس بار
رنگ پھیلے ہوئے پائے میں نے
اس ہری شاخ نے بازو تو بہت پھیلائے
ابر آوارہ تلک ہاتھ نہ جانے پائے

احسان دانش

ان کی زلفوں کی مہک لے دانشؔ
اس دھندلکے کو کہاں پائے گا

اسرار الحق مجاز

اللہ ری کامیابی آوارگان عشق
خود گم ہوئے تو کیا اسے پائے ہوئے تو ہیں

آنس معین

کیا پھر یوں ہی دی جائے گی اجرت پہ گواہی
کیا تیری سزا اب کے بھی پائے گا کوئی اور

زہرا نگاہ

کچھ کہنا جرم ہے تو خطا وار میں بھی ہوں
یہ اور بات میرا کہا وہ سمجھ نہ پائے

ماجد صدیقی

تم بھول گئے کہ یاد آئے
ہم اتنا بھی سوچنے نہ پائے

جوش ملیح آبادی

بیعت کو آئے جس کو ہو تحقیق کا خیال
کون و مکاں کے راز کو پائے ہوئے ہیں ہم

حفیظ جالندھری

دل کو خدا کی یاد تلے بھی دبا چکا
کم بخت پھر بھی چین نہ پائے تو کیا کروں

حفیظ ہوشیارپوری

غرور جادہ شناسی بجا سہی لیکن
سراغ منزلِ مقصود بھی کوئی پائے

رسا چغتائی

روشنی شمع کی خود گلو گیر ہے ہنسنا تہذیب ہے جلنا تقدیر ہے
وہ مگر قطرۂ اشک شبنم جسے صبح کی سب سے پہلی کرن پائے گی

خاطر غزنوی

نہ کچھ نشاں کی صدا ہے نہ آہٹوں کے نشاں
چمن میں ڈھونڈتے پھرتے ہیں نقش‌ پائے صبا

سیماب اکبر آبادی

جو عمر تیری طلب میں گنوائے جاتے ہیں
کچھ ایسے لوگ بھی دنیا میں پائے جاتے ہیں

شاد عظیم آبادی

راہرو تجھ سا کہاں اے خضر شوق
کون تیری خاکِ پا کو پائے گا

فانی بدایونی

مزاجِ دہر میں ان کا اشارہ پائے جا
جو ہو سکے تو بہرحال مسکرائے جا
سکوت میت فانیؔ ہے اک فسانۂ شوق
لب خموش سے ہر مدعا کو پائے جا

قتیل شفائی

چل پڑی رسم جو کج فہمی کی
بات کیا پھر کوئی کر پائے گا
کائنات اس کی مری ذات میں ہے
مجھ کو کھو کر وہ کسے پائے گا

کلیم عاجز

محبت میں دل جائے گر جائے ہے
جو کھوئے نہیں ہے وہ کیا پائے ہے

کیفی اعظمی

پتھر کے خدا وہاں بھی پائے
ہم چاند سے آج لوٹ آئے