مرزا غالب

آپ نے مسنی الضر کہا ہے تو سہی
یہ بھی اے حضرتِ ایوب! گلا ہے تو سہی

داغ دہلوی

یہ ملی داد رنج فرقت کی
اور دل کا کہا کرے کوئی
وقت ملنے کا جو پوچھا تو کہا کہہ دیں گے
غیر کا حال جو پوچھا تو کہا کہتے ہیں

مصحفی غلام ہمدانی

میں پوچھا مرا کام کس دن کرو گے
تو یوں منہ پھرا کر کہا کر چکے ہم
پوچھا جو میں حکیم سے علت کن فکاں ہے کون
سوچ کے اس نے یہ کہا غیر خدا کوئی نہیں
کیا بے حیا ہے جو نہیں ٹلتا تو مصحفیؔ
سو بار میں نے تجھ کو دوانے کہا سرک
میرے نامے سے خوں ٹپکتا تھا
دیکھ کر اس نے کیا کہا ہو گا

مصطفٰی خان شیفتہ

کبھی شعروں سے میرے نغمہ سازی
کبھی کہنا کہ یہ تم نے کہا کیا
میں نے جو کہا ہمدم اغیار نہ ہو جے
تو چیں بہ جبیں ہو کے کہا، ہو نہیں سکتا
لبوں سے جان ہے گستاخ ذوق بے حد سے
زبانِ بوسہ مجھے تو نے کیوں کہا گستاخ

فیض احمد فیض

چاند سے ماند ستاروں نے کہا آخرِ شب
کون کرتا ہے وفا، عہدِ وفا آخرِ شب

مرزا رفیع سودا

بارہا دل کو میں سمجھا کے کہا کیا کیا کچھ
نہ سنا اور کھویا مجھ سے مرا کیا کیا کچھ
والہ و شیفتہ و زار و حزین و مجنوں
اپنے عاشق کو کل اس نے نہ کہا کیا کیا کچھ

باقی صدیقی

ہم کہیں بھی کچھ تو کیا
تو نے جو کہا ہوا
وقت کا کوئی اعتبار نہیں
ہم نے تم سے کہا تھا پہلے بھی

جون ایلیا

جانے تری نہیں کے ساتھ کتنے ہی جبر تھے کہ تھے
میں نے ترے لحاظ میں تیرا کہا نہیں کیا
آخری بات تم سے کہنا ہے
یاد رکھنا نہ تم کہا میرا

جگر مراد آبادی

جو دل کا راز تھا اسے کچھ دل ہی پا گیا
وہ کر سکے بیاں نہ ہمیں سے کہا گیا

خواجہ میر درد

قتل سے میرے وہ جو باز رہا
کسی بد خواہ نے کہا ہو گا

عرفان صدیقی

سبز موسم میں ترا کیا تھا، ہوا نے پوچھا
اڑ کے سوکھے ہوئے پتے نے کہا کچھ بھی نہ تھا

الطاف حسین حالی

چوریوں سے دیدہ و دل کی نہ شرمایا کبھی
چپکے چپکے نفس خائن کا کہا کرتا رہا
حالیؔ اٹھا ہلا کے محفل کو
آخر اپنا کہا کیا تو نے

رئیس فروغؔ

ہوا نے بادل سے کیا کہا ہے
کہ شہر جنگل بنا ہوا ہے
پھول زمین پر گرا پھر مجھے نیند آ گئی
دور کسی نے کچھ کہا پھر مجھے نیند آ گئی

ادا جعفری

آندھی میں برگِ گل کی زباں سے ادا ہوا
وہ راز جو کسی سے ابھی تک کہا نہ تھا
آندھی میں برگِ گل کی زباں سے اداؔ ہوا
وہ راز جو کسی سے ابھی تک کہا نہ تھا
جس کی باتوں کے فسانے لکھے
اس نے تو کچھ نہ کہا تھا شاید

بشیر بدر

مجھے اشتہار سی لگتی ہیں یہ محبتوں کی کہانیاں
جو کہا نہیں وہ سنا کرو جو سنا نہیں وہ کہا کرو
اک شام کے سائے تلے بیٹھے رہے وہ دیر تک
آنکھوں سے کی باتیں بہت منہ سے کہا کچھ بھی نہیں

ضیا جالندھری

پر زمانہ تو پرواز نور سے بھی ہے تیز
کہاں ہے کون تھا جس نے ابھی کہا کہ میں ہوں
اک مشتعل ہجوم سرِ رہ گزار تھا
پوچھا کہ کیا ہے میں نے کہا میرا جسم ہے

عالم تاب تشنہ

اس سے بڑھ کر اور کیا ہو گا سبوب بندگی
مجھ سے تشنہؔ اس نے جو کچھ بھی کہا میں نے کیا

جوش ملیح آبادی

عمر دراز و پختگی فکر نکتہ سنج
کہتی ہے خام کام مجھے ہاں کہا کرے

حفیظ جالندھری

مر جانے کی دھمکی ہوئی تمہید تماشا
میں نے کہا دیکھ اس نے کہا دیکھ رہا ہوں

شکیل بدایونی

ٹکرا کے وہیں ٹوٹ گئے شیشہ و ساغر
مے خواروں کے جھرمٹ میں جو ساقی نے کہا اور
دل لرز جاتا ہے سن کر ہر ستارے کا شکیلؔ
چاند سے تنہائیوں میں کچھ کہا کرتا ہوں میں

احمد فراز

کل رات ہم سخن کوئی بت تھا خدا کہ میں
میں سوچ ہی رہا تھا کہ دل نے کہا کہ میں
نصیب پھر کوئی تقریب قرب ہو کہ نہ ہو
جو دل میں ہوں وہی باتیں کہا کرو اس سے
کسی سے دل کی حکایت کبھی کہا نہیں کی
وگرنہ زندگی ہم نے بھی کیا سے کیا نہیں کی

امیر مینائی

تہِ خنجر بھی منہ موڑا نہ قاتل کی اطاعت سے
تڑپنے کو کہا تڑپے ، ٹھہرنے کو کہا ٹھہرے

کلیم عاجز

شمع خاموش بھی رہتے ہوئے خاموش کہاں
اس طرح کہہ دیا سب کچھ کہ کہا کچھ بھی نہیں

محسن نقوی

کل شب مجھے بے شکل کی آواز نے چونکا دیا
میں نے کہا تو کون ہے اس نے کہا آوارگی

ناصر کاظمی

فرصت میں سن شگفتگی غنچہ کی صدا
یہ وہ سخن نہیں جو کسی نے کہا بھی ہو