مرزا غالب

پھر آیا وہ زمانہ جو جہاں میں جامِ جم نکلے
ہوئی جن سے توقع خستگی کی داد پانے کی

داغ دہلوی

غمِ فراق میں ہو داغؔ اس قدر بیتاب
ذرا سے رنج میں جاں آپ کی نکلتی ہے

شیخ ابراہیم ذوق

آتے ہی تو نے گھر کے پھر جانے کی سنائی
رہ جاؤں سن نہ کیونکر یہ تو بری سنائی

یگانہ چنگیزی

مفت میں سن لی یگانہؔ کی غزل
ان سنی کر دی جو مطلب کی کہی

باقی صدیقی

جہاں ان کا سوال آیا ہے باقیؔ
وہاں اپنی کمی محسوس کی ہے
اپنی نیت پہ نہ جاؤ باقیؔ
رخ زمانے کی ہوا کی دیکھو

جون ایلیا

تیرے وصال کے لیے اپنے کمال کے لیے
حالتِ دل کہ تھی خراب اور خراب کی گئی
کام کی بات میں نے کی ہی نہیں
یہ مرا طور زندگی ہی نہیں
نشۂ شوق رنگ میں تجھ سے جدائی کی گئی
ایک لکیر خون کی بیچ میں کھینچ دی گئی
ترے عدم کو گوارا نہ تھا وجود مرا
سو اپنی بیخ کنی کی کمی نہ کی میں نے
مرے حریف مری یکہ تازیوں پہ نثار
تمام عمر حلیفوں سے جنگ کی میں نے
دوا سے فائدہ مقصود تھا ہی کب کہ فقط
دوا کے شوق میں صحت تباہ کی میں نے

جگر مراد آبادی

مے خانہ ہے اسی کا یہ دنیا اسی کی ہے
جس تشنہ لب کے ہاتھ میں جامِ شراب ہے

قمر جلالوی

مسکرا کر مجھے یوں دیکھ کے دھوکا تو دو
جانتا ہوں جو محبت کی نظر ہوتی ہے

بشیر بدر

اجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے
سیکڑوں ایسی دکانیں ہیں جہاں مل جائیں گی
دھات کی پتھر کی شیشے کی ربڑ کی عورتیں

فارغ بخاری

پاس خودداری تو ہے لیکن وفا دشمن نہیں
تم نے ہم پر ترکِ الفت کا گماں کیسے کیا

احمد راہی

یہ داستان غم دل کہاں کہی جائے
یہاں تو کھل کے کوئی بات بھی نہ کی جائے

ماجد صدیقی

ماجدؔ ترے ہونٹ چوم لوں میں
کیا بات پتے کی تو نے کی ہے
دل معطر ہے یاد حسن کے ساتھ
لب پہ ہے ذکرِ یار کی خوشبو
آنے لگتی ہے تیرے نام کے ساتھ
ہر گماں سے یقین کی خوشبو

جلیل مانک پوری

بات کرتے وہ قتل کرتا ہے
بات بھی جس سے کی نہیں جاتی
یہ جو سر نیچے کیے بیٹھے ہیں
جان کتنوں کی لیے بیٹھے ہیں

حسرت موہانی

آپ نے قدر کچھ نہ کی دل کی
اڑ گئی مفت میں ہنسی دل کی

سیف الدین سیف

مرے دشمن بھی اب تو آ رہے ہیں
تمہیں کس وقت جانے کی پڑی ہے

سیماب اکبر آبادی

مزہ آ جائے گا محشر میں کچھ سننے سنانے کا
زباں ہو گی ہماری اور کہانی آپ کی ہو گی

شکیل بدایونی

لن ترانی کہہ دیا تھا طور پر جس نے شکیلؔ
ذرے ذرے میں اسی کے حسن کی تصویر ہے

عزیز حامد مدنی

ادھر ادھر سے حدیث غمِ جہاں کہہ کر
تری ہی بات کی اور تیری بات کی بھی نہیں

اختر ہوشیارپوری

پہرے ہونٹوں پہ بٹھانے والے
بات آنکھوں سے بھی کی جاتی ہے

احمد فراز

میں اسے عہد شکن کیسے سمجھ لوں جس نے
آخری خط میں یہ لکھا تھا فقط آپ کی دوست

امیر مینائی

جلوہ گر بام پہ وہ مہرِ لقا ہے شاید
آج خورشید سے ملتی ہے قمر کی کی صورت

ناصر کاظمی

القصہ جیب چاک ہی کرنی پڑی ہمیں
گو ابتدائے غم میں بڑی احتیاط کی
بے کار بیٹھے رہنے سے بہتر ہے کوئی دن
تصویر کھینچیے کسی موجِ خیال کی
آج تو وہ بھی کچھ خموش سا تھا
میں نے بھی اس سے کوئی بات نہ کی
میں خزاں کی شام ہوں
رت بہار کی ہے تو
پھر کونجیں بولیں گھاس کے ہرے سمندر میں
رت آئی پیلے پھولوں کی تم یاد آئے

نوح ناروی

اے پیرِ مغاں مجھ کو ترے سر کی قسم ہے
توبہ تو کہاں توبہ کی نیت بھی جو کی ہو