مرزا غالب

گریہ نکالے ہے تیری بزم سے مجھ کو
ہائے کہ رونے پہ اختیار نہیں ہے

داغ دہلوی

تڑپ پھر اے دلِ ناداں کہ غیر کہتے ہیں
اخیر کچھ نہ بنی صبر اختیار کیا
ہوا ہے کوئی مگر اس کا چاہنے والا
کہ آسماں نے ترا شیوہ اختیار کیا
کوئی فتنہ تا قیامت نہ پھر آشکار ہوتا
ترے دل پہ کاش ظالم مجھے اختیار ہوتا
پوچھا جو اس نے طالب روزِ جزا ہے کون
نکلا مری زبان سے بے اختیار دل
نکلے مری بغل سے وہ ایسے تڑپ کے ساتھ
یاد آ گیا مجھے وہیں بے اختیار دل
بزمِ دشمن میں لے چلا ہے دل
کیسے بے اختیار ہم بھی ہیں

مصحفی غلام ہمدانی

وہ جو اک ٹیس سی ہے دل میں مرے
رہ کے بے اختیار پھر چمکی
کروں جو چاکِ گریباں کو اپنے ہوں مجبور
کہ میرے ہاتھ میں میرا نہ اختیار رہا

مصطفٰیٰ خان شیفتہ

وہ تو سو بار اختیار میں آئے
پر نہیں اپنے اختیار میں ہم
وہ تو سو بار اختیار میں آئے
پر نہیں اپنے اختیار میں ہم
گھبرا کے اور غیر کے پہلو سے لگ گئے
دیکھا اثر یہ نالۂِ بے اختیار کا

مومن خان مومن

چشم بے اختیار جاناں میں
کیا مرا اختیار ہونا تھا

فیض احمد فیض

انہیں کے فیض سے بازارِ عقل روشن ہے
جو گاہ گاہ جنوں اختیار کرتے رہے
نہ سوالِ وصل، نہ عرضِ غم، نہ حکایتیں نہ شکایتیں
ترے عہد میں دلِ زار کے سبھی اختیار چلے گئے

مرزا رفیع سودا

ناصح تو قسم لے ہم سے ، دل پر
اپنا کبھو اختیار ہووے

یگانہ چنگیزی

وصال جب نہیں ممکن تو دل پہ جبر اچھا
وہ کیا کرے جسے دل ہی پر اختیار نہ ہو
ہے تنک مزاج صیاد کچھ اپنا بس نہیں ہے
میں قفس کو لے کے اڑتا اگر اختیار ہوتا
چلے چلو دلِ دیوانہ کے اشارے پر
محال و ممکن تو سب اس کے اختیار میں ہے
جرم گزشتہ عفو کن و ماجرا مپرس
مارا ہوا ہوں اس دل بے اختیار کا
اگر اپنی چشمِ نم پر مجھے اختیار ہوتا
تو بھلا یہ رازِ الفت کبھی آشکار ہوتا
زمانے پر نہ سہی دل پہ اختیار رہے
دکھا وہ زور کہ دنیا میں یادگار رہے
کہاں تلک دل غم ناک پردہ دار رہے
زبانِ حال پہ جب کچھ نہ اختیار رہے
تڑپ تڑپ کے اٹھاؤں گا زندگی کے مزے
خدا نہ کردہ مجھے دل پہ اختیار رہے

باقی صدیقی

ہر سوچ کا راستہ ہے مسدود
مجبور کا اختیار ہیں ہم
تجھ پہ یا خود پہ اعتبار کریں
کوسنا رنگ اختیار کریں
دل آزاد کا خیال آیا
اپنے ہر اختیار کو دیکھا
ہجوم رنج و الم میں صبر و قرار پر غور کر رہا ہوں
ملا ہے جو اختیار اس اختیار پر غور کر رہا ہوں
تیری نظروں پہ حرف آتا ہے
ورنہ دل پر ہے اختیار ہمیں
آپ کے ساتھ ہی بہار گئی
آپ کا اختیار مان گئے
اس نے جو کچھ کہا مرے حق میں
لوگ بے اختیار مان گئے

جون ایلیا

کیوں ہمیں کر دیا گیا مجبور
خود ہی بے اختیار تھے ہم تو
اب مجھے خود اپنی باہوں پر نہیں ہے اختیار
ہاتھ پھیلائے کوئی بے اختیار آیا تو کیا

جگر مراد آبادی

کام آخر جذبۂ بے اختیار آ ہی گیا
دل کچھ اس صورت سے تڑپا ان کو پیار آ ہی گیا

سراج الدین ظفر

میری طرح انہیں بھی نہ رسوا کرے ظفرؔ
ڈرتا ہوں اپنے نالۂ بے اختیار سے

قمر جلالوی

گو بظاہر میرے افسانے پہ وہ ہنستے رہے
آنکھ میں آنسو مگر بے اختیار آ ہی گیا

احسان دانش

ترا جمال ترا حسن کامگار رہے
وہ کیا کرے نہ جسے دل پہ اختیار رہے

ادا جعفری

مگر ایک دھن تو لگی رہی نہ یہ دل دکھا نہ گلہ ہوا
کہ نگہ کو رنگ بہار پر کوئی اختیار کہاں رہا

بہزاد لکھنوی

ان کے ستم بھی سہہ کے نہ ان سے کیا گلہ
کیوں جبر اختیار کیا ہائے کیا کیا

علی سردار جعفری

یہ چمن کی آرزو ہے کوئی لوٹ لے چمن کو
یہ تمام رنگ و نکہت ترے اختیار میں ہے

تلوک چند محروم

کیے پہ اپنے ہو خود منفعل بشر آخر
یہی ہو جبر یہی اختیار کیا جانے

جوش ملیح آبادی

مآل ہم نے جو دیکھا سکون و جنبش کا
تو کچھ سمجھ کے تڑپنا ہی اختیار کیا

حفیظ جالندھری

وہ سامنے دھری ہے صراحی بھری ہوئی
دونوں جہاں ہیں آج مرے اختیار میں
جھوٹی تسلیوں سے نہ بہلاؤ جاؤ جاؤ
جاؤ کہ تم نہیں ہو مرے اختیار میں

رسا چغتائی

کب ہوائیں تہِ کمند آئیں
کب نگاہوں پہ اختیار رہا

سید ضمیر جعفری

غمِ جہاں! بہت اچھا انہیں بھلا دیں گے
زہ نصیب اگر دل پہ اختیار ہوا

سیماب اکبر آبادی

اللٰہ رے شامِ غم مری بے اختیاریاں
اک دل ہے پاس وہ بھی نہیں اختیار میں

شاد عظیم آبادی

جو مے کو ڈھال بھی لیں ہم تو ساقی کے اشارے پر
نہیں اس کے علاوہ مے کدے میں اختیار اپنا

شان الحق حقی

نوائے دل میں وہ آہنگ دل کشا نہ رہا
سخن نے رنگ کیا اختیار اور ہی کچھ

فانی بدایونی

بے خودی پہ تھا فانیؔ کچھ نہ اختیار اپنا
عمر بھر کیا ناحق ہم نے انتظار اپنا
مختار ہوں کہ معترف جبر دوست ہوں
مجبور ہوں کہ یہ بھی کوئی اختیار ہے
جب کسی نے لیا تمہارا نام
گریہ بے قصد و اختیار آیا
خدا کی مار جو اب دل پہ اختیار رہے
بہت قرار کے پردے میں بے قرار رہے
جو دل بچا نہ سکے جان کیا بچا لیں گے
نہ اختیار رہا ہے نہ اختیار رہے
وصال تیرا خیال تیرا جو ہو تو کیونکر نہ ہو تو کیونکر
نہ تجھ پہ کچھ اختیار دل کا، نہ دل پہ کچھ اختیار میرا
ضبط اپنا شعار تھا نہ رہا
دل پہ کچھ اختیار تھا نہ رہا

احمد فراز

وہ دور ہو تو بجا ترکِ دوستی کا خیال
وہ سامنے ہو تو کب اختیار اپنا ہے

امیر مینائی

میرے بس میں یا تو یارب وہ ستم شعار ہوتا
یہ نہ تھا تو کاش دل پر مجھے اختیار ہوتا
دل جو سینے میں زار سا ہے کچھ
غم سے بے اختیار سا ہے کچھ
پہلے اس سے تھا ہوشیار امیر
اب بے اختیار سا ہے کچھ

فراق گورکھپوری

اپنی تقدیر اپنے ہاتھ میں لے
شامل جبر اختیار بھی ہے
اس سے چھٹ کر یہ سوچتا ہوں فراقؔ
اس میں کچھ اپنا اختیار بھی ہے

قیوم نظر

وہ جبر کی لذتوں کا عالم
باز آئے اس اختیار سے ہم

کلیم عاجز

کس لیے اب جبر کی تکلیف فرماتے ہیں آپ
بندہ پرور میں تو زیر اختیار آ ہی گیا

مجروح سلطان پوری

ادائے طول سخن کیا وہ اختیار کرے
جو عرضِ حال بہ طرز نگاہِ یار کرے

محسن احسان

تجھے پکار کے چپ ہو گئے ہیں دیوانے
بس ایک نعرۂ مستانہ اختیار میں تھا

محسن نقوی

بچھڑ کے مجھ سے یہ مشغلہ اختیار کرنا
ہوا سے ڈرنا بجھے چراغوں سے پیار کرنا

میرا جی

صرف وہ ایک سب کے ہیں مختار
ان پہ کیا اختیار ہے اپنا

ناصر کاظمی

تری نگاہِ تغافل کو کون سمجھائے
کہ اپنے دل پہ مجھے اختیار بھی تو نہیں
جو زندگی ہے تو بس تیرے دردمندوں کی
یہ جبر بھی تو نہیں اختیار بھی تو نہیں
کرتا اسے بے قرار کچھ دیر
ہوتا اگر اختیار کچھ دیر
اسی لیے یہاں کچھ لوگ ہم سے جلتے ہیں
کہ جی جلانے میں کیوں اختیار اپنا ہے
نہ پوچھ کیسے گزرتی ہے زندگی ناصر
بس ایک جبر ہے یہ اختیار اگر ہے بھی