امام بخش ناسخ

عبرت کی جا ہے لاکھوں ہی طفل و جواں نہیں
پیری میں بھی خیال اجل کا یہاں نہیں

انشاء اللہ خان انشا

انشاؔ سے شیخ پوچھتا ہے کیا صلاح ہے
ترغیب بادہ دی ہے مجھے اے جواں بسنت

حیدر علی آتش

بیاں خواب کی طرح جو کر رہا ہے
یہ قصہ ہے جب کا کہ آتشؔ جواں تھا
پیری میں مجھ کو عشق حسین جواں ہوا
بارِ دگر کبادے میں زور کماں ہوا
پھینکا گیا نہ پیرِ فلک نعل کی طرح
کوئی نہ طفلِ اشک ہمارا جواں ہوا
ترے کلک قدرت کے قربان آنکھیں
دکھائے ہیں خوش رو جواں کیسے کیسے

داغ دہلوی

تمہارا ہی مشتاق دیدار ہو گا
گیا جان سے اک جواں آتے آتے

مصحفی غلام ہمدانی

گو کیا ہم کو سرد پیری نے
پر ابھی طبع میں جواں ہیں ہم
چشمِ بینا ہوں تو داڑھی کی دو رنگی سمجھیں
ایک چہرے پہ ہے یہ پیر و جواں کا بہروپ
ہر چند کہ وہ جواں نہیں ہم
اتنے بھی تو ناتواں نہیں ہم
قد نوخیز نہیں آفتِ جاں اور ہی ہے
جس پہ دل اپنا گیا ہے وہ جواں اور ہی ہے

مصطفٰی خان شیفتہ

کوئی یاں لاؤ اس عیسیٰ نفس کو
کہ مرتا شیفتہؔ نام اک جواں ہے

مرزا رفیع سودا

ساقی تو نظر کیجیو ٹک صبحِ چمن کو
اس پیر کے جلوے کا بھلا کوئی جواں ہے

باقی صدیقی

مری نگاہ سے تیرا غرور روشن تھا
تری نگاہ سے دنیا مری جواں تھی کبھی
مرے خیال سے تیرا غرور روشن تھا
تری نگاہ سے دنیا میری جواں تھی کبھی

جگر مراد آبادی

جنوں کے سخت مراحل بھی تیری یاد کے ساتھ
حسیں حسیں نظر آئے جواں جواں گزرے
ہر قدم معرکۂ کرب و بلا ہے درپیش
ہر نفس سانحۂ مرگ جواں ہوتا ہے

سراج الدین ظفر

بغیر ساغر و یار جواں نہیں گزرے
ہماری عمر کے دن رائیگاں نہیں گزرے
ظفرؔ کا مشرب رندی ہے اک جہاں سے الگ
مری نگاہ سے ایسے جواں نہیں گزرے

عبدالحمید عدم

شب محبت حضور کی کاکلوں کے کھلنے کے سلسلے میں
عدمؔ کے اصرار کیا جواں تھے حضور کو کچھ تو یاد ہو گا

قمر جلالوی

یہ بچپن ہے جو پیش آتے ہو مجھ سے مہرباں ہو کر
نگاہیں کہہ رہیں ہیں آنکھ بدلو گے جواں ہو کر
خدا رکھے تمھیں رنگِ حنا سے اتنا ڈرتے ہو
ابھی تو سینکڑوں کے خوں بہانے ہیں جواں ہو کر

شکیب جلالی

ا س سے پہلے کہ ترے لمس کی خوشبو کھو جائے
تجھ کو پالینے کا ارمان جواں کیوں نہ ہوا
سر چشمہ افکار جواں ہیں تری آنکھیں
تابندہ خیالات کی جاں ہیں تری آنکھیں

عرفان صدیقی

جو سر پہ کل تھا وہی آسماں ابھی تک ہے
یہ میرے ساتھ کا بچہ جواں ابھی تک ہے

رئیس فروغؔ

عشق ہو جائے جواں ایسا ہے
شہر میں ایک مکاں ایسا ہے

اختر شیرانی

نہ تمہارا حسن جواں رہا نہ ہمارا عشق جواں رہا
نہ وہ تم رہے نہ وہ ہم رہے جو رہا تو غم کا سماں رہا
نہیں صبر ساقیا لا بھی دے قدح بہار اٹھا بھی دے
ابھی سن ہے لا کے پلا بھی دے کہ ہمیشہ کون جواں رہا
میں گل رمیدۂ رنگ و بو تو بہار مے کدۂ نمو
میں ہمیشہ خستۂ آرزو تو ہمیشہ عیش جواں رہا
یہ کس نے پیار کی نظروں سے دیکھا
کہ میرے دل کی دنیا پھر جواں ہے
تمناؤں کو زندہ آرزوؤں کو جواں کر لوں
یہ شرمیلی نظر کہہ دے تو کچھ گستاخیاں کر لوں
بر آئیں حسرتیں کیا کیا اگر موت اتنی فرصت دے
کہ اک بار اور زندہ شیوۂ عشق جواں کر لوں

اسرار الحق مجاز

کچھ نہ پوچھ اے ہم دم ان دنوں مرا عالم
مطرب حسیں اپنا ساقی جواں اپنا
جس نے برباد کیا مائل فریاد کیا
وہ محبت ابھی اس دل میں جواں ہے ساقی

ظہیر کاشمیری

مضمحل ہونے پہ بھی خود کو جواں رکھتے ہیں ہم
ایک سر ہے جس پہ ساتوں آسماں رکھتے ہیں ہم

علی سردار جعفری

پھر یہ دیکھو کہ زمانے کی ہوا ہے کیسی
ساتھ میرے مرے فردوس جواں تک آؤ

فارغ بخاری

مقتل میں بہتر بھی نہیں نکلے ہیں اب کے
درگاہوں میں سب پیر و جواں تک نکل آئے