امام بخش ناسخ

خانہ برباد ہوں صحرا میں بگولوں کی طرح
سقف و دیوار و در و بام سے کچھ کام نہیں

انشاء اللہ خان انشا

یہ بلا دھواں نشہ ہے مجھے اس گھڑی تو ساقی
کہ نظر پڑے ہے سارا در و صحن و بام الٹا

بہادر شاہ ظفر

اے ظفرؔ چرخ پہ خورشید جو یوں کانپے ہے
جلوہ گر آج کہیں یار لبِ بام نہ ہو

حیدر علی آتش

کوچۂِ یار میں اپنا جو گزر ہوتا ہے
نگراں رہتے ہیں حسرت سے در و بام کو ہم
چاندنی رات میں وہ ماہ جو یاد آتا ہے
کاٹنے دوڑتے ہیں مجھ کو در و بام سفید
مثل کمند اپنی رسائی ہوئی اگر
اے قصر یار بوسے لبِ بام کے لیے

داغ دہلوی

اگرچہ دیکھنے والے ترے ہزاروں تھے
تباہ حال بہت زیر بام کس کا تھا

مصطفٰی خان شیفتہ

جب مری آہِ فلک پر پہنچی
تب وہ مغرور سرِ بام آیا
واں یہ قدغن کہ نہ آوازِ فغاں بھی پہنچے
یاں یہ شورش کہ گزارا ہو لبِ بام اپنا

مومن خان مومن

تھی نوحہ زنی دل کی جنازے پہ ضروری
شاید کہ وہ گھبرا کے سرِ بام نکلتا

فیض احمد فیض

تم آ رہے ہو کہ بجتی ہیں میری زنجیریں
نہ جانے کیا مرے دیوار و بام کہتے ہیں
آخر تو ایک روز کرے گی نظر وفا
وہ یار خوش خصال سرِ بام ہی تو ہے
وہ تیرگی ہے رہِ بتاں میں چراغِ رخ ہے نہ شمعِ وعدہ
کرن کوئی آرزو کی لاؤ کہ سب در و بام بجھ گئے ہیں

باقی صدیقی

چشم نظارہ پہ کیا کوئی بھی الزام نہ تھا
چاندنی رات تھی اور کوئی لبِ بام نہ تھا
کتنے فسانوں کا عنواں
میری نظریں تیرا بام

جگر مراد آبادی

احباب مجھ سے قطع تعلق کریں جگرؔ
اب آفتاب زیست لبِ بام آ گیا

عرفان صدیقی

شہر نے امید کی چادر اوڑھی دور اذان شام ہوئی
سوچ کی کہنہ سرائے میں روشن مشعل بام ہوئی
میں ان کا حرف ثنا اپنی دھڑکنوں میں سنوں
وہی صدا مرے دیوار و بام سے آئے