مرزا غالب

کتنے شیریں ہیں تیرے لب ،کہ رقیب
گالیاں کھا کے بے مزا نہ ہوا
عشق سے طبیعت نے زیست کا مزا پایا
درد کی دوا پائی، درد بے دوا پایا
شورِ پندِ ناصح نے زخم پر نمک چھڑکا
آپ سے کوئی پوچھے تم نے کیا مزا پایا
ہوس کو ہے نشاطِ کار کیا کیا
نہ ہو مرنا تو جینے کا مزا کیا

حیدر علی آتش

عناب لب کا اپنے مزا کچھ نہ پوچھئے
کس درد کے ہیں آپ دوا کچھ نہ پوچھئے

شیخ ابراہیم ذوق

زخمِ دل بولے مرے دل کے نمک خواروں سے
لو بھلا کچھ تو محبت کا مزا یاد رہے

مصحفی غلام ہمدانی

ہزار حرف زباں سوز درمیاں آئے
ہے سچ تو یہ کہ محبت میں وہ مزا نہ رہا
ساتھ فہمیدگی گر ہووے تو پھر
بت پرستی بھی مزا رکھتی ہے
دلا بیٹھ رہ رکھ کے دنداں جگر پر
توکل کا گر تو مزا چاہتا ہے
نہ پیارے اوپر اوپر مال ہر صبح مسا چکھو
ہمارے پاس بھی اک رات تو سو کر مزا چکھو

مصطفٰی خان شیفتہ

کچھ نشۂ مے سے نہیں کم نشۂ نخوت
تقویٰ میں بھی صہبا کا اٹھاتے ہیں مزا ہم
وحشت تھی مجھ کو پہلے بھی، پر یہ تپش نہ تھی
شورش تھی مجھ کو پہلے بھی، پر یہ مزا نہ تھا

مومن خان مومن

کس کو ہے ذوق تلخ کامی لیک
جنگ بن کچھ مزا نہیں ہوتا

میر مہدی مجروح

محفل میں مجھے دیکھا تو ہنس کے لگے کہنے
آنے سے ہر اک کے ہے صحبت کا مزا جاتا

فیض احمد فیض

ہو چکا ختم عہد ہجرو وصال
زندگی میں مزا نہیں باقی

یگانہ چنگیزی

وائے ناکامی کہاں سفاک نے روکا ہے ہاتھ
زخم ہائے شوق جب کچھ کچھ مزا دینے لگے

جگر مراد آبادی

کون یہ ناصح کو سمجھائے بہ طرز دل نشیں
عشق صادق ہو تو غم بھی بے مزا ہوتا نہیں

الطاف حسین حالی

دور ہو اے دل مآل اندیش
کھو دیا عمر کا مزا تو نے
کرتے ہیں طاعت تو کچھ خواہاں نمائش کے نہیں
پر گنہ چھپ چھپ کے کرنے میں مزا پاتے ہیں ہم

عالم تاب تشنہ

یہ کہنا چاند اترتا ہے بام پر اب بھی
مگر نہیں وہ شب ماہ کا مزا کہنا
میں نے ایوانوں میں پھینکے سنگ جرأت آفریں
نشۂ طاقت اثر کو بے مزا میں نے کیا

عبید اللہ علیم

دکھ دہر کے اپنے نام لکھوں
ہر دکھ مجھے ذات کا مزا دے

تلوک چند محروم

عاشق کی موت وہ ہے کہ قرباں ہو جس پہ زیست
اور زیست وہ کہ موت کا جس میں مزا ملے

ثروت حسین

یہ کیسے دن ہیں ہماری زمین پر ثروتؔ
گلوں کا رنگ نمک کا مزا بدلنے لگا

حسرت موہانی

جب سے دیکھی ابوالکلام کی نثر
نظم حسرتؔ میں بھی مزا نہ رہا
رہتا ہوں غرق ان کے تصور میں روز و شب
مستی کا پڑ گیا ہے کچھ ایسا مزا مجھے
محروم ہوں مجبور ہوں بے تاب و تواں ہوں
مخصوص ترے غم کا مزا میرے لیے ہے

حفیظ جالندھری

لہو کے گھونٹ پینا اور جینا
مسلسل اک مزا ہے اور میں ہوں

شکیل بدایونی

تہمید ستم اور ہے تکمیل جفا اور
چکھنے کا مزا اور ہے پینے کا مزا اور

فانی بدایونی

مذاق تلخ پسندی نہ پوچھ اس دل کا
بغیر مرگ جسے زیست کا مزا نہ ملا

امیر مینائی

ایک دل ہمدم، مرے پہلو سے ، کیا جاتا رہا
سب تڑپنے تلملانے کا مزا جاتا رہا

قابل اجمیری

تیرے اخلاص کے افسوں ترے وعدوں کے طلسم
ٹوٹ جاتے ہیں تو کچھ اور مزا دیتے ہیں

کلیم عاجز

تو جفا میں مست ہے روز و شب میں کفن بہ دوش و غزل بہ لب
ترے رعب حسن سے چپ ہیں سب میں بھی چپ رہوں تو مزا ہے کیا؟
تلخیاں اس میں بہت کچھ ہیں مزا کچھ بھی نہیں
زندگی دردِ محبت کے سواِ کچھ بھی نہیں
تو جفا میں مست ہے روز و شب میں کفن بہ دوش غزل بہ لب
ترے رعب حسن سے چپ ہیں سب میں بھی چپ رہوں تو مزا ہے کیا
بلاتے کیوں ہو عاجزؔ کو بلانا کیا مزا دے ہے
غزل کم بخت کچھ ایسی پڑھے ہے دل ہلا دے ہے
کلیجا تھام کر سنتے ہیں لیکن سن ہی لیتے ہیں
مرے یاروں کو میرے غم کی تلخی بھی مزا دے ہے

نوح ناروی

وہ جو انکار بھی کرتے ہیں تو کس ناز کے ساتھ
مجھ کو ملنے میں نہ ملنے کا مزا ملتا ہے