مرزا غالب

کس سے محرومی قسمت کی شکایت کیجیے
ہم نے چاہا تھا کہ مر جائیں، سو وہ بھی نہ ہوا
نہ ہوئی گر مرے مرنے سے تسلی نہ سہی
امتحاں اور بھی باقی ہو تو یہ بھی نہ سہی
تغافل دوست ہوں میرا دماغِ عجز عالی ہے
اگر پہلو تہی کیجے تو جا میری بھی خالی ہے

شیخ ابراہیم ذوق

شکوہ کیا جو ہم نے گالی کا آج اس سے
شکوے کے ساتھ اس نے اک اور بھی سنائی

مصحفی غلام ہمدانی

دیکھیو نفرت کہ میرا نام گر لیوے کوئی
روبرو اس کے ، تو پھر وہ اس سے بھی ملتا نہیں

یگانہ چنگیزی

آپ سے آپ عیاں شاہد معنی ہو گا
ایک دن گردشِ افلاک سے یہ بھی ہو گا
شوق میں دامنِ یوسف کے اڑیں گے ٹکڑے
دست گستاخ سے کیا دور ہے یہ بھی ہو گا
ایک چلو سے بھی کیا یاسؔ رہو گے محروم
بزمِ مے ہے تو کوئی صاحبِ دل بھی ہو گا

باقی صدیقی

حادثات جہاں نے راہ نہ دی
آپ کا نام بھی لیا ہم نے

جون ایلیا

بعد بھی تیرے جانِ جاں دل میں رہا عجب سماں
یاد رہی تری یہاں پھر تری یاد بھی گئی
کہنی ہے مجھ کو ایک بات آپ سے یعنی آپ سے
آپ کے شہر وصل میں لذت ہجر بھی گئی
بات کوئی امید کی مجھ سے نہیں کہی گئی
سو مرے خواب بھی گئے سو میری نیند بھی گئی
جب میں تھا شہرِ ذات کا تھا مرا ہر نفس عذاب
پھر میں وہاں کا تھا جہاں حالت ذات بھی گئی
کیا وہ گماں نہیں رہا ہاں وہ گماں نہیں رہا
کیا وہ امید بھی گئی ہاں وہ امید بھی گئی
میں اب ہر شخص سے اکتا چکا ہوں
فقط کچھ دوست ہیں اور دوست بھی کیا
میں اب ہر شخص سے اکتا چکا ہوں
فقط کچھ دوست ہیں اور دوست بھی کیا
یاد ہیں اب بھی اپنے خواب تمہیں
مجھ سے مل کر اداس بھی ہو کیا

جگر مراد آبادی

کہاں وہ شوخ ملاقات خود سے بھی نہ ہوئی
بس ایک بار ہوئی اور پھر کبھی نہ ہوئی
ادھر سے بھی ہے سواِ کچھ ادھر کی مجبوری
کہ ہم نے آہ تو کی ان سے آہ بھی نہ ہوئی
گئے تھے ہم بھی جگرؔ جلوہ گاہ جاناں میں
وہ پوچھتے ہی رہے ہم سے بات بھی نہ ہوئی

قمر جلالوی

قاصد انہیں کو جا کہ دیا تھا ہمارا خط
وہ مل گئے تھے ، ان سے کوئی بات بھی ہوئی
جلتے رہتے ہیں تری محفل میں
یہ پتنگے بھی، شمع بھی، ہم بھی

شکیب جلالی

بے نغمہ و صدا ہے وہ بت خانہِ خیال
کرتے تھے گفتگو جہاں پتھر کے ہونٹ بھی
رعنائیاں چمن کی تو پہلے بھی کم نہ تھیں
اب کے مگر سجائی گئی شاخ دار بھی

بشیر بدر

محبتوں میں دکھاوے کی دوستی نہ ملا
اگر گلے نہیں ملتا تو ہاتھ بھی نہ ملا

ظہیر کاشمیری

شبِ مہتاب بھی اپنی بھری برسات بھی اپنی
تمہارے دم قدم سے زندگی تھی زندگی اپنی

احمد راہی

یہ رات دن کا تڑپنا بھی کیا قیامت ہے
جو تم نہیں تو تمہارا خیال بھی جائے

جلیل مانک پوری

یوں تو آتی ہیں سیکڑوں باتیں
وقت پر ایک بھی نہیں آتی
اٹھا ہے ابر جوش کا عالم لیے ہوئے
بیٹھا ہوں میں بھی دیدۂ پر نم لیے ہوئے

حسرت موہانی

مر مٹے ہم نہ ہو سکی پوری
آرزو تم سے ایک بھی دل کی

حفیظ جالندھری

بے تعلق زندگی اچھی نہیں
زندگی کیا موت بھی اچھی نہیں

شان الحق حقی

ہجوم عیش تو ان تیرہ بستیوں میں کہاں
کہیں سے آہ کی آواز بھی نہیں آتی

شبلی نعمانی

پھینک دینے کی کوئی چیز نہیں فضل و کمال
ورنہ حاسد تری خاطر سے میں یہ بھی کر لوں

شکیل بدایونی

آنکھوں آنکھوں میں جو صلح باہمی ہو جائے گی
بات بھی رہ جائے گی اور بات بھی ہو جائے گی

اختر ہوشیارپوری

یہ درمیاں کا خلا ہی مرا نہیں ورنہ
یہ آسمان بھی میرا زمین بھی میری
کبھی کبھی تو زمانہ رہا نگاہوں میں
کبھی کبھی نظر آئی نہ شکل بھی میری

احمد فراز

کچھ سر بھی کٹ گرے ہیں پہ کہرام تو مچا
یوں قاتلوں کے ہاتھ سے تلوار بھی گری
کیسا موسم ہے کچھ نہیں کھلتا
بوندا باندی بھی دھوپ بھی ہے ابھی
وفا کے باب میں الزام عاشقی نہ لیا
کہ تیری بات کی اور تیرا نام بھی نہ لیا
فرازؔ ظلم ہے اتنی خود اعتمادی بھی
کہ رات بھی تھی اندھیری چراغ بھی نہ لیا

فراق گورکھپوری

ادھر پچھلے سے اہل‌‌ مال و زر پر رات بھاری ہے
ادھر بیداری جمہور کا انداز بھی بدلا

قتیل شفائی

شب آخر فلک پر ٹمٹما کر ڈوبتے تارے
میں اپنے ساتھ تیرا درد بھی محسوس کرتا ہوں

محسن نقوی

تری ہتھیلی پہ کس نے لکھا ہے قتل میرا
مجھے تو لگتا ہے میں ترا دوست بھی رہا ہوں

ناصر کاظمی

کون ہے تو کہاں سے آیا ہے
کہیں دیکھا ہے تجھ کو پہلے بھی
میں اسی غم میں گھلتا جاتا ہوں
کیا مجھے چھوڑ جائے گا تو بھی
میری رات کا چراغ
میری نیند بھی ہے تو
کہاں سے لاؤ گے ناصر وہ چاند سی صورت
گر اتفاق سے وہ رات بھی پلٹ آئی