مرزا غالب

یہ مسائلِ تصوف یہ ترا بیان غالب
تجھے ہم ولی سمجھتے ،جو نہ بادہ خوار ہوتا
غیر یوں کرتا ہے میری پرسش اس کے ہجر میں
بے تکلف دوست ہو جیسے کوئی غم خوارِ دوست
اپنے دل ہی سے میں احوال گرفتاری دل
جب نہ پاؤں کوئی غم خوار کہوں یا نہ کہوں
کیا شمع کے نہیں ہیں ہوا خواہ اہلِ بزم؟
ہو غم ہی جاں گداز تو غم خوار کیا کریں؟

امام بخش ناسخ

لغزش نہ ہو کیوں کر رہ دیں میں مجھے زاہد
یاد آ گئی اس کافر مے خوار کی رفتار
قدح لیے ہوئے گل مثل بادہ خوار آیا
خزاں چمن سے گئی موسمِ بہار آیا
وہ بیزار مجھ سے ہوا زار میں ہوں
وہ مے خوار غیروں میں ہے خوار میں ہوں

انشاء اللہ خان انشا

خیال ان کا پرے ہے عرشِ اعظم سے کہیں ساقی
غرض کچھ اور دھن میں اس گھڑی مے خوار بیٹھے ہیں

بہادر شاہ ظفر

پان کی سرخی نہیں لب پر بت خوں خوار کے
لگ گیا ہے خون عاشق منہ کو اس تلوار کے

حیدر علی آتش

کھا گئی آخر مجھے چشمِ سیاہ سرمگیں
زرق قسمت نے کیا ہے زنگی آدم خوار کا
لطف چمن ہے بلبل گل زار کے لیے
کیفیت شراب ہے مے خوار کے لیے
حسرت ہی بوسۂِ لبِ شیریں کی رہ گئی
میٹھا نہ منہ کو تیرے نمک خوار نے کیا
بے اپنے بہلتی تھی طبیعت نہ کسی سے
دل سوز ہمیں تھے ترے غم خوار ہمیں تھے

داغ دہلوی

گئے ہوش تیرے زاہد جو وہ چشمِ مست دیکھی
مجھے کیا الٹ نہ دینے جو نہ بادہ خوار ہوتا
شہر خالی کیے دکاں کیسی
ایک ہی بادہ خوار ہم بھی ہیں

شیخ ابراہیم ذوق

سب کو دنیا کی ہوس خوار لیے پھرتی ہے
کون پھرتا ہے یہ مردار لیے پھرتی ہے

مصحفی غلام ہمدانی

سدا پان کھا کھا کے نکلے ہے باہر
زمانے میں خوں خوار پیدا ہوا ہے

مصطفٰی خان شیفتہ

واقفِ اسرار آسمانی سے
جز حریفان بادہ خوار نہیں

مومن خان مومن

کیوں نہ ہوتے عزیز غیر تمہیں
میری قسمت میں خوار ہونا تھا
خاک میں حیف یہ شراب ملے
محتسب بادہ خوار ہونا تھا

مرزا رفیع سودا

شبنم سے بھرے ہے ساغر گل
گردوں تو خراب و خوار ہووے

یگانہ چنگیزی

یگانہؔ حال تو دیکھو زمانہ سازوں کا
ہوا میں جیسے بگولا خراب و خوار رہے

جگر مراد آبادی

وہی مے خوار ہے جو اس طرح مے خوار ہو جائے
کہ شیشہ توڑ دے اور بے پیے سرشار ہو جائے

عبدالحمید عدم

ہوش میں ہو تو مے کدے سے عدمؔ
کب کوئی بادہ خوار اٹھتا ہے

عرفان صدیقی

ہم کو بھی مصاف لب دریا کی اجازت
کچھ تشنہ دہاں بچوں کے غم خوار ہیں ہم بھی

الطاف حسین حالی

حقیقت محرمِ اسرار سے پوچھ
مزا انگور کا مے خوار سے پوچھ

احسان دانش

پچھتاؤ گے دیکھو ہمیں بیگانہ سمجھ کر
مانو گے کسی وقت کہ غم خوار ہمیں تھے

بہزاد لکھنوی

بہزادؔ کی نہ قدر کوئی تم کو ہو سکی
تم نے ذلیل و خوار کیا ہائے کیا کیا

بیخود بدایونی

یوں ہی رہا جو بتوں پر نثار دل میرا
کرے گا مجھ کو زمانے میں خوار دل میرا

ظہیر کاشمیری

ہم اس طرح تو یوسف بے کارواں نہ تھے
اے دل تو ہی بتا ترے غم خوار کیا ہوئے

عبید اللہ علیم

لگتا ہے جیسے کوئی ولی ہے ظہور میں
اب شام کو کہیں کوئی مے خوار دیکھنا

علی سردار جعفری

وہ مری دوست وہ ہمدرد وہ غم خوار آنکھیں
ایک معصوم محبت کی گنہ گار آنکھیں

احمد راہی

غنچے دل تنگ ہوا بند نشیمن ویراں
باعث مرگ ہے میرے لیے غم خوار کی بات

تلوک چند محروم

لاکھوں ہیں دل ربا کوئی دل دار بھی تو ہو
غم دے چکے بہت کوئی غم خوار بھی تو ہو

جوش ملیح آبادی

معاذ اللہ اب یہ رنگ ہے دنیا کی محفل کا
خدا کا نام لینا اور ذلیل و خوار ہو جانا
صبح بالیں پہ یہ کہتا ہوا غم خوار آیا
اٹھ کہ فریاد رس عاشق بیمار آیا
خوش ہو اے پیر مغاں جوشؔ ہوا نغمہ فروش
مژدہ اے دختر رز رند قدح خوار آیا

رسا چغتائی

لوگ ہم ایسے نادانوں کو آئیں گے سمجھانے بھی
تیرا غم پھر تیرا غم ہے غم ہے تو غم خوار بہت

سلام مچھلی شہری

ہائے دردِ دل بیزار کہ ہنگام خمار
دوست کہتے ہیں کہ مے خوار کو کیسے چھوڑوں

شاد عظیم آبادی

نظر میں پھر گئی چال آپ کی جوانی کی
جو لڑکھڑاتا ہوا کوئی بادہ خوار آیا

شکیل بدایونی

بدلے بدلے مرے غم خوار نظر آتے ہیں
مرحلے عشق کے دشوار نظر آتے ہیں
وقت کے پوجنے والے ہیں پجاری ان کے
کوئی مطلب ہو تو غم خوار نظر آتے ہیں
جائزہ دل کا اگر لو تو وفا سے خالی
شکل دیکھو تو نمک خوار نظر آتے ہیں

فانی بدایونی

آتے ہیں عیادت کو تو کرتے ہیں نصیحت
احباب سے غم خوار ہوا بھی نہیں جاتا

اکبر حمیدی

پاک بازوں کی یہ بستی ہے فرشتوں کا نگر
کوئی اس شہر میں مے خوار نہیں ہے بھائی

احمد فراز

وحشتیں بڑھتی گئیں ہجر کے آزار کے ساتھ
اب تو ہم بات بھی کرتے نہیں غم خوار کے ساتھ
بات بن آئی ہے پھر سے کہ مرے بارے میں
اس نے پوچھیں مرے غم خوار سے باتیں کیا کیا
چشمِ گریاں میں وہ سیلاب تھے اے یار کہ بس
گرچہ کہتے رہے مجھ سے میرے غم خوار کہ بس
اب وہ پہلے سے بلا نوش و سیہ مست کہاں
اب تو ساقی سے یہ کہتے ہیں قدح خوار کہ بس
ہوئے جاتے ہیں کیوں غم خوار قاتل
نہ تھے اتنے بھی دل آزار قاتل
یہ طبیعت ہے تو خود آزار بن جائیں گے ہم
چارہ گر روئیں گے اور غم خوار بن جائیں گے ہم
کل پرسشِ احوال جو کی یار نے میرے
کس رشک سے دیکھا مجھے غم خوار نے میرے
کیا دل کا بھروسا ہے یہ سنبھلے کہ نہ سنبھلے
کیوں خود کو پریشاں مرا غم خوار کرے ہے
ہے ترکِ تعلق ہی مداوائے غمِ جاں
پر ترکِ تعلق تو بہت خوار کرے ہے
سبھی کہیں مرے غم خوار کے علاوہ بھی
کوئی تو بات کروں یار کے علاوہ بھی

امیر مینائی

مرے اتقا کا باعث تو ہے مری ناتوانی
جو میں توبہ توڑ سکتا تو شراب خوار ہوتا

فراق گورکھپوری

اے عشق قسم تجھ کو معمورۂ عالم کی
کوئی غمِ فرقت میں غم خوار نظر آیا

قتیل شفائی

بے زاری سے اپنا اپنا جام لیے
بیٹھا ہے محفل میں ہر مے خوار جدا
اس میں بھی کچھ راز ہے ورنہ دیارِ حسن میں
درد مندوں کا کوئی غم خوار پہلے تو نہ تھا

محسن احسان

اتنی مے بھی نہ ملی ہونٹ ذرا تر کرتے
اپنی تقدیر پہ وہ روئے ہیں مے خوار کہ بس

نوح ناروی

حسرت اپنی ارماں اپنا آزار اپنا تکلیف اپنی
ہم درد بنی ہم درد بنا غم خوار ہوئی غم خوار ہوا