فیض احمد فیض

پھر نکلا ہے دیوانہ کوئی پھونک کے گھر کو
کچھ کہتی ہے ہر راہ ہر اک راہگزر سے
ایسے ناداں بھی نہ تھے جاں سے گزرنے والے
ناصحو، پندگرو، راہگزر تو دیکھو

باقی صدیقی

قدم اٹھتے نہیں منزل کی طرف
کیا سرِ راہگزر یاد آیا
کس کاروانِ شوق کا باقیؔ ہے انتظار
کیوں زندگی کی راہگزر مطمئن نہیں
چل سکے دل کے نہ ہمراہ نظر کے ساتھی
راہگزر ہی میں رہے راہگزر کے ساتھی
خورشید و قمر بھی دیکھ لیں گے
یہ راہگزر بھی دیکھ لیں گے

قمر جلالوی

ہو ایک راستہ تو کوئی ڈھونڈے انہیں
کتنی ہے ان کی راہگزر کچھ نہ پوچھیے

ماجد صدیقی

تو مدعا ہو اور ترا غم ہم سفر ملے
پھر کیوں نہ ہر قدم پہ نئی راہگزر ملے
پرتو کاہکشاں ٹھہرے گی
پیار کی راہگزر آخرِ شب
زندگی ہے کہ آلام کی گرد سے
ہانپتی ہے کوئی راہگزر سامنے
پہروں رہے خیال ترا ہمکنار دل
دن رات تیری راہگزر دیکھتا رہوں

سید ضمیر جعفری

منزل پا لینے کے بعد
جھگڑے راہگزر کے ہیں

شکیل بدایونی

کچھ سہل نہ پائے ہیں محبت کے مراتب
چھانی ہے بہت خاک تری راہگزر کی

اختر ہوشیارپوری

کچھ نقش ہویدا ہیں خیالوں کی ڈگر سے
شاید کبھی گزرا ہوں میں اس راہگزر سے

ناصر کاظمی

ہم جہاں روز سیر کرتے تھے
آج سنسان ہے وہ راہگزر