مرزا غالب

ہندوستان سایۂِ گل پائے تخت تھا
جاہ و جلال عہدِ وصالِ بتاں نہ پوچھ

امام بخش ناسخ

دل میں پوشیدہ تپ عشقِ بتاں رکھتے ہیں
آگ ہم سنگ کی مانند نہاں رکھتے ہیں

انشاء اللہ خان انشا

لاہوت پر نہ دیکھیں جو قدسیاں تماشا
سو ہم کو ہے دکھاتا عشقِ بتاں تماشا

حیدر علی آتش

عالم حسن خدا داد بتاں ہے کہ جو تھا
ناز و انداز بلائے دل و جاں ہے کہ جو تھا

داغ دہلوی

کعبہ کی ہے ہوس کبھی کوئے بتاں کی ہے
مجھ کو خبر نہیں مری مٹی کہاں کی ہے

مصحفی غلام ہمدانی

پہنے جاتے ہیں کئی رنگ کے کپڑے دن میں
کیا کہوں ہائے غضب ہے یہ بتاں کا بہروپ
سائے سے ہمارے اتنی نفرت
کافر بھی تو اے بتاں نہیں ہم
لاکھوں پامال ناز ہیں ان کے
کون سمجھے ہے ان بتاں کی چال
قصہ خواں اور لاکھ قصے تھے
تو نے ذکر بتاں کو کیوں چھیڑا

مومن خان مومن

مومنؔ خدا کے واسطے ایسا مکاں نہ چھوڑ
دوزخ میں ڈال خلد کو کوئے بتاں نہ چھوڑ

فیض احمد فیض

ہے خبر گرم کہ پھرتا ہے گریزاں ناصح
گفتگو آج سرِ کوئے بتاں ٹھہری ہے

مرزا رفیع سودا

ٹک دیکھ صنم خانۂ عشق آن کے اے شیخ
جوں شمع حرم رنگ جھلکتا ہے بتاں کا

خواجہ میر درد

پڑی جس طرف کو نگاہ یاں نظر آ گیا ہے خدا ہی واں
یہ ہیں گو کہ آنکھوں کی پتلیاں مرے دل میں جائے بتاں نہیں

سراج الدین ظفر

میں نے کہا کہ تجزیۂ جسم و جاں کرو
اس نے کہا یہ بات سپرد بتاں کرو

قمر جلالوی

مژگاں کہاں ہیں ابروئے چشمِ بتاں سے دور
یہ تیر وہ ہیں جو نہیں ہوتے کماں سے دور

عرفان صدیقی

راہ میں اور بھی قاتل ہیں اجازت لیجے
جیتے رہیے گا تو پھر کوئے بتاں دیکھئے گا
آج تک جو نہ کیا اس کی تلافی کے لیے
اب یہ ذکر لب و رخسار بتاں ہے جاناں
کچھ عرض کریں گے تب و تاب خس و خاشاک
آ جا‘ کہ ذرا برقِ بتاں عیش کریں گے
خوب ہے سلسلۂ شوق، مگر یاد کرو
دوستو! ہم بھی تو شیدائے بتاں تھے کتنے