مرزا غالب

جاں در ’’ہوائے یک نگہِ گرم‘‘ ہے اسدؔ
پروانہ ہے وکیل ترے داد خواہ کا

امام بخش ناسخ

وصل کیا ہم خاکساروں کو ہو اس دل خواہ کا
خاک میں آلودہ ہونا کب ہے ممکن ماہ کا

حیدر علی آتش

مل بٹھانا ہے فلک منظور کس دل خواہ کا
برج میزان میں نہیں بے وجہ آنا ماہ کا
بس کہ پھرتا ہے خیال آنکھوں میں اس دل خواہ کا
رنگ رو کے اڑنے میں عالم ہے گردِ راہ کا
طاق ابرو ہیں پسند طبع اک دل خواہ کے
عمر ہوتی ہے بسر گنبد میں بسمِ اللہ کے
جاؤں کیوں کر بن بلائے اس بت دل خواہ کے
بے طلب کوئی نہیں پہونچا حضور اللہ کے
تیری جو یاد اے دل خواہ بھولا
باللہ بھولا واللہ بھولا
دونوں بندے اسی کے ہیں آتشؔ
خواہ ہم اس میں ہوویں خواہ ہو تم

داغ دہلوی

وہ روزِ حشر ہے دنیا نہیں کہ راہ ملے
کہاں چھپوگے جو دو چار داد خواہ ملے

مصحفی غلام ہمدانی

کچھ رحم بھی ہے تری جفا سے
اک خلق ہے داد خواہ ظالم

مومن خان مومن

کون ایسا کہ اس سے پوچھے کیوں
پرسشِ حال داد خواہ نہ کی

مرزا رفیع سودا

کیا مصرف بے جا سے فلک کو ہے سروکار
وہ شے کسو کو دے جو ہو دل خواہ کسو کی

یگانہ چنگیزی

چلتا نہیں فریب کسی عذر خواہ کا
دل ہے بغل میں یا کوئی دفتر گناہ کا

جون ایلیا

راہ میں اس کی چلنا ہے تو عیش کرا دیں قدموں کو
چلتے جائیں چلتے جائیں یعنی خاطر خواہ چلیں

عبدالحمید عدم

زک اسی سے بہت پہنچتی ہے
جو مرا خیر خواہ ہوتا ہے

ضیا جالندھری

دشمنوں سے جو غم نہ دیکھا تھا
کوشش خیر خواہ سے دیکھا

حفیظ جالندھری

دل سا گواہ حشر میں آ کر پھسل گیا
اب رحم پر معاملہ ہے داد خواہ کا

شکیل بدایونی

عشق کا کوئی خیر خواہ تو ہے
تو نہیں ہے تری نگاہ تو ہے