مرزا غالب

کس پردے میں ہے آئینہ پرداز اے خدا
رحمت کہ عذر خواہ لبِ بے سوال ہے
بے طلب دیں تو مزہ اس میں سوا ملتا ہے
وہ گدا جس کو نہ ہو خوئے سوال اچھا ہے

انشاء اللہ خان انشا

زلف کو تھا خیال بوسے کا
خط نے لکھا سوال بوسے کا
ہے ترا گال مال بوسے کا
کیوں نہ کیجے سوال بوسے کا
ہے ترا گال مال بوسہ کا
کیوں نہ کیجے سوال بوسہ کا

حیدر علی آتش

کمی نہیں تری درگاہ میں کسی شے کی
وہی ملا ہے جو محتاج کا سوال ہوا
کرتی ہے یاں زبان کمر یار میں کلام
معدوم ہے جواب ہمارے سوال کا

فیض احمد فیض

چلو فیض دل جلائیں کریں پھر سے عرضِ جاناں
وہ سخن جو لب تک آئے پہ سوال تک نہ پہنچے

مرزا رفیع سودا

بوسہ کی تو ہے خواہش پر کہیے کیوں کہ اس سے
جس کا مزاج لب پر حرف سوال باندھے
بخشش پہ دو جہاں کے آئی تھی ہمت دہر
لیکن نہ یاں زباں تک حرف سوال آیا

باقی صدیقی

کس رنگ میں وہ ملے تھے باقیؔ
دل ہی میں رہا سوال تیرا
زیست کس مرحلے پہ آ پہنچی
وضعداری کا بھی سوال گیا
دیتے ہیں کوئی جواب باقیؔ
کھوئے ہیں ابھی سوال میں ہم
جھک گئی آنکھ عرضِ حال کے ساتھ
بات جاتی رہی سوال کے ساتھ
لازمی ہے سماعت احساس
لوگ کرتے ہیں زیرلب بھی سوال
بسایک ان کے اشارے کی دیر ہے باقیؔ
نفس نفس ہے تمنا، نظر نظر ہے سوال
ہمہ تن عرضِ حال ہیں ہم لوگ
اک مجسم سوال ہیں ہم لوگ

جون ایلیا

جادۂ شوق میں پڑا قحط غبارِ کارواں
واں کے شجر تو سر بسر دست سوال ہو گئے
میں تو خود میں کہیں نہ تھا موجود
میرے لب پر سوال کس کا تھا
کب دل کو جواب سے غرض تھی
ہونٹوں کو سوال چاہیے تھا
کب بھلا آئے گی جواب کو راس
جو بھی حالت سوال کی ہو گی
گماں ہوا ہے یہ انبوہ سے جوابوں کے
سوال خود ہی جواب سوال ہے شاید
میں بھی اب خود سے ہوں جواب طلب
وہ مجھے بے سوال چھوڑ گیا

عبدالحمید عدم

کچھ نہ دیں گے تو کیا زیاں ہو گا
حرج کیا ہے سوال کر چلئے

عرفان صدیقی

عقدۂ جاں بھی رمزِ جفر ہے ‘ جتنا جتنا غور کیا
جو بھی جواب تھا میرا پنہاں میرے حرف سوال میں تھا
کہا تھا تم نے کہ لاتا ہے کون عشق کی تاب
سو ہم جواب تمہارے سوال ہی کے تو ہیں
تمہارے ساتھ ہے دل کا مکالمہ کچھ اور
کہ دوسروں سے ہمارے سوال دوسرے ہیں
موجِ ہوا سے خاک کو تاب وصال کچھ نہیں
بانوئے کشور جمال میرا سوال کچھ نہیں

اختر حسین جعفری

سب خیال اس کے لیے ہیں سب سوال اس کے لیے
رکھ دیا ہم نے حساب ماہ و سال اس کے لیے
وصل کے بدلے میں کیا داغ ستارہ مانگنا
اس شب بے خانماں سے کر سوال اس کے لیے

جمال احسانی

گر امتحان جنوں میں نہ کرتے قیس کی نقل
جمالؔ سب سے ضروری سوال رہ جاتا

رئیس فروغؔ

کہاں سے اٹھتے ہیں بادل کہاں برستے ہیں
ہمارے شہر کی آنکھوں میں اک سوال سا ہے

اختر شیرانی

انہیں ضد ہے عرض وصال سے مجھے شوق عرض وصال ہے
وہی اب بھی ان کا جواب ہے وہی اب بھی میرا سوال ہے

بشیر بدر

تو نے مجھ سے کوئی سوال کیا
کاروان حیات رفتہ کیا

عالم تاب تشنہ

تری بخششوں میں ہے سروری مرے عشق کو دے قلندری
جو اٹھے تو دستِ دعا لگے مجھے ایسا دست سوال دے

غلام محمد قاصر

بس اشتیاق تکلم میں بارہا ہم لوگ
جواب دل میں زباں پر سوال رکھتے تھے
وہ بولتی آنکھیں ملتے ہی جھک جاتی ہیں خاموشی سے
ہم ان کے جواب سے پھر اپنا اک اور سوال بناتے ہیں

احمد راہی

کئی سوال تھے جو میں نے سوچ رکھے تھے
وہ آ گیا تو مجھے بھول ہر سوال گیا

ماجد صدیقی

رکھا بٹن پہ ہاتھ تو گھنٹی بجی ادھر
در کھل کے بھنچ گیا ہے مگر کس سوال پر

تلوک چند محروم

شرمسار جواب ہو نہ سکا
بسکہ خوددار تھا سوال اپنا
خدا سے وقت دعا ہم سوال کر بیٹھے
وہ بت بھی دل کو ذرا اب سنبھال کر بیٹھے

جلیل مانک پوری

آنکھیں لڑا کے ان سے ہم آفت میں پڑ گئے
پلکوں کی ہر زبان پہ دل کا سوال ہے

رسا چغتائی

دیکھتی کیا ہے اے نگاہِ کرم
میرے دست سوال میں کیا ہے

سیف الدین سیف

بولے وہ کچھ ایسی بے رخی سے
دل ہی میں رہا سوال اپنا

عزیز حامد مدنی

جرأت شوق کے سوا خلوتیان خاص کو
اک ترے غم کی آ گہی تا بہ سوال لے گئی

فانی بدایونی

موت بھی تو نہ مل سکی فانیؔ
کس سے پورا ہوا سوال اپنا

احمد فراز

کیا توقع کریں زمانے سے
ہو بھی گر جرأتِ سوال ہمیں
میں نے پوچھا تھا کہ آخر یہ تغافل کب تک؟
مسکراتے ہوئے بولے کہ سوال اچھا ہے
فراز اس نے وفا کی بے وفائی کی
جوابدہ تو ہمیں ہیں سوال جو بھی ہو

امیر مینائی

تجھ سے مانگوں میں تجھی کو کہ سبھی کچھ مل جائے
سو سوالوں سے یہی ایک سوال اچھا ہے

شاذ تمکنت

بہت دنوں سے ہے جی میں سوال پوچھوں گا
میں تیرے آئنے سے تیرا حال پوچھوں گا

محسن نقوی

یہ نقدِ جاں کہ اس کا لٹانا تو سہل ہے
گر بن پڑے تو اس سے بھی مشکل سوال کر