مرزا غالب

داغہائے دل چراغِ خانۂِ تاریک تھے
تا مغاکِ قبر پیدا روشنی کرتے رہے

داغ دہلوی

یہ دل کی آگ ہے یا دل کے نور کا ہے ظہور
نفس نفس میں مرے روشنی نکلتی ہے

باقی صدیقی

راہ کچھ اور ہو گئی تاریک
جب بھی گزرے ہیں روشنی سے ہم
ابھی ے ان کے آنے کی توقع
ابھی راہوں میں کچھ کچھ روشنی ہے

جون ایلیا

ہاں فضا یاں کی سوئی سوئی سی ہے
تو بہت تیز روشنی ہو کیا

جگر مراد آبادی

خیالِ یار سلامت تجھے خدا رکھے
ترے بغیر کبھی گھر میں روشنی نہ ہوئی

قمر جلالوی

اگر صیاد یہ بجلی نشیمن پہ گری ہو گی
دھواں تنکوں سے اٹھے گا چمن میں روشنی ہو گی
بلا سے ہو شام کی سیآ ہی کہیں تو منزل مری ملے گی
ادھر اندھیرے میں چل پڑوں گا جدھر مجھے روشنی ملے گی

عرفان صدیقی

چمک ہے عشق کی تیرہ شبی میں پہلے سے
میں جل رہا ہوں اسی روشنی میں پہلے سے

مجید امجد

میری سیہ شبی نے اک عمرآرزو کی
لرزے کبھی افق پر تاگا سا روشنی کا

احسان دانش

ہم جو غولِ بیاباں سے واقف نہیں
چل دیے دور کی روشنی کی طرف
اپنے ماحول میں کیوں اندھیرا کریں
دیر تک دیکھ کر روشنی کی طرف

اختر شیرانی

انہی غم کی گھٹاؤں سے خوشی کا چاند نکلے گا
اندھیری رات کے پردے میں دن کی روشنی بھی ہے

عبید اللہ علیم

جس میں بھی ڈھل گئی اسے مہتاب کر گئی
میرے لہو میں ایسی بھی اک روشنی تو ہے

فارغ بخاری

یہ تیرگی تو بہر حال چھٹ ہی جائے گی
نہ راس آئی ہمیں روشنی تو کیا ہو گا

ماجد صدیقی

ظلمت ہی جہاں نظر نظر ہو
چاہے کوئی کیسے روشنی کو

اختر امام رضوی

جنگل کی دھوپ چھاؤں ہی جنگل کا حسن ہے
سایوں کو بھی قبول کرو روشنی کے ساتھ
تھکا ہوا ہوں کسی سائے کی تلاش میں ہوں
بچھڑ گیا ہوں ستاروں سے روشنی کی طرح

سید ضمیر جعفری

بجھ رہی ہیں گھر کی دیواریں مگر
مقبروں پر روشنی کرتے ہیں ہم

سلام مچھلی شہری

اور بھی درخشاں ہو اے مرے نئے سورج
اب بھی میرے آنگن میں روشنی نہیں آئی

شان الحق حقی

سمجھ میں خاک یہ جادوگری نہیں آتی
چراغ جلتے ہیں اور روشنی نہیں آتی

شکیل بدایونی

داغِ دل بن جائے گا فرقت میں تیری رشکِ ماہ
یوں بھی میرے غم کدے میں روشنی ہو جائے گی
جل رہی ہے دل میں شمع آرزو
غم کدے میں روشنی ہے آج کل
ترے بغیر عجب بزمِ دل کا عالم ہے
چراغ سینکڑوں جلتے ہیں روشنی کم ہے

اختر ہوشیارپوری

یارو شگفت گل کی صدا پر چلے چلو
دشت جنوں کے موڑ پہ کچھ روشنی بھی ہے

شاذ تمکنت

اجالا چھن رہا ہے روشنی تقسیم ہوتی ہے
تری آواز ہے یا زندگی تقسیم ہوتی ہے
کبھی کبھی تو اندھیرا بھی خوبصورت ہے
ترا خیال کہیں روشنی نہ بن جائے

فراق گورکھپوری

دوستو کافی نہیں چشم خرد
عشق کو بھی روشنی درکار ہے

قابل اجمیری

سیاہ خانۂ دل میں ہے ظلمتوں کا ہجوم
چراغ شوق جلاؤ کہ روشنی ہو جائے

کیف بھوپالی

مری صبح کے ستارے تجھے ڈھونڈتی ہیں آنکھیں
کہیں رات ڈس نہ جائے تری روشنی سے پہلے

کیفی اعظمی

لبوں سے اڑ گیا جگنو کی طرح نام اس کا
سہارا اب مرے گھر میں نہ روشنی کا رہا

محبوب خزاں

نہا رہی ہے دھنک زندگی کے سنگم پر
پرانے رنگ نئی روشنی سے کھیلتے ہیں