امام بخش ناسخ

رفعت کبھی کسی کی گوارا یہاں نہیں
جس سر زمیں کے ہم ہیں وہاں آسماں نہیں
عبرت کی جا ہے لاکھوں ہی طفل و جواں نہیں
پیری میں بھی خیال اجل کا یہاں نہیں

انشاء اللہ خان انشا

صد برگ گہہ دکھائی ہے گہہ ارغواں بسنت
لائی ہے ایک تازہ شگوفہ یہاں بسنت

داغ دہلوی

شریک دور مے بزمِ عدو میں خاک ہوتے ہم
کسی نے رات بھر اتنا نہ پوچھا تم یہاں کیوں ہو
پھرے راہ سے وہ یہاں آتے آتے
اجل مر رہی تو کہاں آتے آتے
نتیجہ نہ نکلا تھکے سب پیامی
وہاں جاتے جاتے یہاں آتے آتے
کسی نے کچھ ان کو ابھارا تو ہوتا
نہ آتے نہ آتے یہاں آتے آتے

مصحفی غلام ہمدانی

چاند تارے ہیں یہ کیسے یہ شب و روز ہے کیا
کچھ سمجھ میں نہیں آتا ہے یہاں کا بہروپ
نہیں بیٹھنے کی تمہارے وہ جا
ادھر آئیے اب یہاں بیٹھیے
یار ہیں چیں بر جبیں سب مہرباں کوئی نہیں
ہم سے ہنس کر بولنے والا یہاں کوئی نہیں

مصطفٰی خان شیفتہ

دل کا گلہ فلک کی شکایت یہاں نہیں
وہ مہرباں نہیں تو کوئی مہرباں نہیں

باقی صدیقی

ہر یاد، ہر خیال ہے لفظوں کا سلسلہ
یہ محفل نوا ہے یہاں بولتے رہو

جون ایلیا

تھا اب تک معرکہ باہر کا درپیش
ابھی تو گھر بھی جانا ہے یہاں سے
جانے کہاں گیا ہے وہ وہ جو ابھی یہاں تھا
وہ جو ابھی یہاں تھا وہ کون تھا کہاں تھا
تھا اب تک معرکہ باہر کا درپیش
ابھی تو گھر بھی جانا ہے یہاں سے
اس گلی نے یہ سن کے صبر کیا
جانے والے یہاں کے تھے ہی نہیں
مل کر تپاک سے نہ ہمیں کیجیے اداس
خاطر نہ کیجیے کبھی ہم بھی یہاں کے تھے
اے وصل کچھ یہاں نہ ہوا کچھ نہیں ہوا
اس جسم کی میں جاں نہ ہوا کچھ نہیں ہوا
میں تو پہلے ہی جا چکا ہوں کہیں
تو بھی جاناں نہیں یہاں چپ رہ
وہ جو دفتر ہے آسمانی تر
وہ میاں جی یہاں کا دفتر ہے

قمر جلالوی

انہیں دیرو حرم میں جب کبھی آواز دیتا ہوں
پکار اٹھتی ہے خاموشی نہیں رہتا یہاں کوئی
بہارِ گل میں مجھے تو کہیں چین نہیں
مرے خلاف وہاں باغباں یہاں صیاد
کیے جو سجدے تو دیر و حرم پکار اٹھے
خدا کی ذات مقید یہاں نہیں رہتی

عرفان صدیقی

کوئے قاتل کو تماشا گاہ سمجھا ہے حریف
کشتنی میری رقابت میں یہاں بھی آ گیا
ان کمندوں سے زیادہ ہو مری وحشتِ جاں
اور میں صید نہ ہو پاؤں یہاں بھی شاید
سروں کو ربط رہا ہے سناں سے پہلے بھی
گزر چکے ہیں یہ لشکر یہاں سے پہلے بھی
ہم کسے اپنے سوا عشق میں گردانتے ہیں
دل بے مایہ یہاں کس کی طرف دیکھتا ہے

جمال احسانی

کس کے یہ نقشِ قدم ہیں خاک پر
کون ایسے میں یہاں آباد ہے

احسان دانش

لرز رہے ہیں جگر جس سے کوہساروں کے
اگر وہ لہر یہاں آ گئی تو کیا ہو گا

ثروت حسین

ہجر نژادوں کا ہے ایک الگ ہی جہاں
اس سے نہ ملنا یہاں خوب ہے اپنی جگہ

حفیظ ہوشیارپوری

تری منزل پہ پہنچنا کوئی آسان نہ تھا
سرحد عقل سے گزرے تو یہاں تک پہنچے
نہ پتہ سنگِ نشاں کا نہ خبر رہبر کی
جستجو میں ترے دیوانے یہاں تک پہنچے

رسا چغتائی

کہاں جاتے ہیں آگے شہرِ جاں سے
یہ بل کھاتے ہوئے رستے یہاں سے

خاطر غزنوی

بستیاں ہو گئیں بے نام و نشاں راتوں رات
ایسے طوفان بھی آئے ہیں یہاں راتوں رات

شکیل بدایونی

اٹھا جو مینا بدست ساقی رہی نہ کچھ تابِ ضبط باقی
تمام مے کش پکار اٹھے یہاں سے پہلے یہاں سے پہلے

فانی بدایونی

خوشی سے رنج کا بدلا یہاں نہیں ملتا
وہ مل گئے تو مجھے آسماں نہیں ملتا

اکبر حمیدی

میں جانتا ہوں مجھے کیا بنانا ہے لیکن
وہاں بنانے سے پہلے یہاں بنانا ہے

کیفی اعظمی

کھڑا ہوں کب سے میں چہروں کے ایک جنگل میں
تمہارے چہرے کا کچھ بھی یہاں نہیں ملتا

ناصر کاظمی

سو گیا پچھلی رات کا جادو
کوئی اب لے چلے یہاں سے دور