بہادر شاہ ظفر

نشۂِ عشق کا گر ظرف دیا تھا مجھ کو
عمر کا تنگ نہ پیمانہ بنایا ہوتا

حیدر علی آتش

مگر اس کو فریب نرگس مستانہ آتا ہے
الٹتی ہیں صفیں گردش میں جب پیمانہ آتا ہے
شکرانۂِ ساقی ازل کرتا ہے آتشؔ
لبریز مئے شوق سے پیمانہ ہے اس کا

شیخ ابراہیم ذوق

میں وہ کیفی ہوں کہ پانی ہو تو بن جائے شراب
جوش کیفیت سے میری خاک کے پیمانہ میں

یگانہ چنگیزی

کیفیت حیات تھی دم بھر کی میہماں
لبریز پیتے ہی مرا پیمانہ ہو گیا

جگر مراد آبادی

جان کر من جملۂ خاصان مے خانہ مجھے
مدتوں رویا کریں گے جام و پیمانہ مجھے

قمر جلالوی

کچھ تو کہہ دے کیا کریں اے ساقی مے خانہ ہم
اپنی توبہ توڑ دیں یا توڑ دیں پیمانہ ہم
گرا ہے جام خود ساقی سے اس پر حشر برپا ہے
مرے ہاتھوں سے چھوتے گا پیمانہ تو کیا ہو گا
جگہ تبدیل کرنے کو تو کر لوں ساقی میں
وہاں بھی آ سکا مجھ تک نہ پیمانہ تو کیا ہو گا
جنابِ شیخ ہم تو رند ہیں چلو سلامت ہے
جو تم نے توڑ ڈالا یہ پیمانہ تو کیا ہو گا

عرفان صدیقی

اک ہوا آئی کہ برہم ہوا مے خانۂ لب
اب تک آیا بھی نہیں تھا ابھی پیمانۂ لب

مصطفی زیدی

دنیا تمام چھٹ گئی پیمانے کے لیے
وہ مے کدے میں آئے تو پیمانہ چھٹ گیا

احسان دانش

شب خمار‌‌ حسن ساقی حیرت میخانہ تھا
آپ ہی مے آپ ہی خم آپ ہی پیمانہ تھا

اختر شیرانی

بادل کے اٹھتے ہی مے و پیمانہ آ گیا
بجلی کے ساتھ ساتھ پری خانہ آ گیا
اس چشم مئے فروش کی تاثیر کیا کہوں
ہونٹوں تک آج آپ ہی پیمانہ آ گیا
مجھے مے خانہ تھراتا ہوا محسوس ہوتا ہے
وہ میرے سامنے شرما کے جب پیمانہ رکھتے ہیں
شہر سلمیٰ ہے سرِ راہ گھٹائیں ہم راہ
ساقیا آج تو دور مے و پیمانہ چلے

بہزاد لکھنوی

آج تو ساقی سے یہ بہزادؔ نے باندھا ہے عہد
لب پہ توبہ ہو مگر ہاتھوں میں پیمانہ رہے

علی سردار جعفری

مستی رندانہ ہم سیرابی مے خانہ ہم
گردشِ تقدیر سے ہیں گردش پیمانہ ہم
یا جگا دیتے ہیں ذروں کے دلوں میں مے کدے
یا بنا لیتے ہیں مہر و ماہ کو پیمانہ ہم
عشق پہلو میں ہے پھر جلوۂ جانانہ لیے
زلف اک ہاتھ میں اک ہاتھ میں پیمانہ لیے

جلیل مانک پوری

راحت نہ مل سکی مجھے مے خانہ چھوڑ کر
گردش میں ہوں میں گردش پیمانہ چھوڑ کر
آتا ہے جی میں ساقی مہ وش پہ بار بار
لب چوم لوں ترا لب پیمانہ چھوڑ کر
دو گھونٹ نے بڑھا دیے رندوں کے حوصلے
مینا و خم پہ جھک پڑے پیمانہ چھوڑ کر

جوش ملیح آبادی

کانپ اٹھے بارگہہ سر عفاف ملکوت
یوں معاصی کا لنڈھاتے ہوئے پیمانہ چلیں
پھینک کر سبحہ و سجادہ و دستار و کلاہ
بہ رباب و دف و طنبورہ و پیمانہ چلیں

حفیظ جالندھری

الٰہی دل نوازی پھر کریں وہ مے فروش آنکھیں
الٰہی اتحاد شیشہ و پیمانہ ہو جائے
اس زندگی کو چاہیے سامان زندگی
کچھ بھی نہ ہو تو شیشہ و پیمانہ چاہیے

سیماب اکبر آبادی

ہستی کو مری مستیِ پیمانہ بنا دے
اے بے خبری حاصل مے خانہ بنا دے
خود ہی ساز بے خودی کو چھیڑ دیتے ہیں کبھی
خود ہی سنتے ہیں حدیث ساغر و پیمانہ ہم

شاد عظیم آبادی

باطن کی طرح پاک ہے خم خانہ ہمارا
کیوں کر نہ اچھوتا رہے پیمانہ ہمارا
بہہ جائے گا اس بزم میں اک فیض کا دریا
آتا ہے چھلکتا ہوا پیمانہ ہمارا
بن جاتا ہے پھر شیخ کا بھی مرشد کامل
ڈگتا نہیں پیتا ہے جو پیمانہ ہمارا

شکیل بدایونی

اس کثرتِ غم پر بھی مجھے حسرت غم ہے
جو بھر کے چھلک جائے وہ پیمانہ نہیں ہوں

عزیز حامد مدنی

آتش مینا نظر آئی حریفانہ مجھے
اک تغیر کی خبر دیتا ہے پیمانہ مجھے

فانی بدایونی

دل اب دل ہے خدا رکھے ساقی کو مے خانے کو
ورنہ کسے معلوم نہیں ٹوٹا سا پیمانہ تھا

امیر مینائی

مرکزِ خاک ہے دردِ تہِ پیمانۂ عشق
آسماں ظرف بر آوردۂ میخانۂ عشق
دل مرا شیشہ ہے آنکھیں مری پیمانۂ عشق
جسم با جوشِ محبت سے ہے میخانۂ عشق
عین مستی میں ملے ہیں مجھے گوشِ شنوا
سن رہا ہوں میں صدائے لبِ پیمانۂ عشق
بختِ برگشتہ ہوں تب بھی نہیں جاتا یہ مزہ
نہ گرے بادہ جو واژوں بھی ہو پیمانۂ عشق

کلیم عاجز

خریدا جا نہیں سکتا ہے ساقی ظرف رندوں کا
بہت شیشے پگھلتے ہیں تو اک پیمانہ بنتا ہے

کیف بھوپالی

ہم نہ پییں گے بھیک کی ساقی
لے یہ ترا پیمانہ پڑا ہے

محبوب خزاں

بزم امکاں ہوئی دو گھونٹ لہو آنکھوں میں
حرص کہتی ہے کہ کونین کو پیمانہ کرو

مجروح سلطان پوری

تشنگی ہی تشنگی ہے کس کو کہیے مے کدہ
لب ہی لب ہم نے تو دیکھے کس کو پیمانہ کہیں

ناصر کاظمی

وا ہوا پھر در میخانہ گل
پھر صبا لائی ہے پیمانۂ گل