مرزا غالب

شکوۂِ یاراں غبارِ دل میں پنہاں کر دیا
غالب ایسے گنج کو عیاں یہی ویرانہ تھا
دل میں ذوقِ وصل و یاد یار تک باقی نہیں
آگ اس گھر میں لگی ایسی کہ جو تھا جل گیا
یاد ہیں غالب ! تجھے وہ دن کہ وجدِ ذوق میں
زخم سے گرتا ، تو میں پلکوں سے چنتا تھا نمک

بہادر شاہ ظفر

دیا اپنی خودی کو جو ہم نے اٹھا وہ جو پردہ سا بیچ میں تھا نہ رہا
رہے پردے میں اب نہ وہ پردہ نشیں کوئی دوسرا اس کے سوا نہ رہا

داغ دہلوی

ان آنکھوں نے کیا کیا تماشا نہ دیکھا
حقیقت میں جو دیکھنا تھا نہ دیکھا
بہت شور سنتے تھے اس انجمن کا
یہاں آ کے جو کچھ سنا تھا نہ دیکھا

مصطفٰی خان شیفتہ

دیا کیوں ہونے اس بد خو پہ عاشق
ہمارا دوست کوئی بھی نہ تھا کیا

مومن خان مومن

ضبط فغاں گو کہ اثر تھا کیا
حوصلہ کیا کیا نہ کیا کیا کیا
کس کو دیتے تھے گالیاں لاکھوں
کس کا شب ذکرِ خیر تھا صاحب
خدنگ یار کے ہم راہ نکلی جان سینے سے
یہی ارمان اک مدت سے جی میں تھا نکل آیا
وہ جو ہم میں تم میں قرار تھا تمہیں یاد ہو کہ نہ یاد ہو
وہی یعنی وعدہ نباہ کا تمہیں یاد ہو کہ نہ یاد ہو

میر مہدی مجروح

انجام ہوا اپنا آغازِ محبت میں
اس شغل کو جاں فرسا ایسا تو نہ تھا جانا

باقی صدیقی

آنکھ کھلتے ہی سامنے باقیؔ
ایک سنسان دشت تھا دل کا
سفر گل کا پتا تھا پہلے
یہی رستہ تھا صبا کا پہلے
لوگ آباد تو ہوتے تھے مگر
اس قدر شور کہاں تھا پہلے
اب تو سینے کا ہے چھالا دنیا
دور سے شور سنا تھا پہلے

جون ایلیا

جو ہوا جونؔ وہ ہوا بھی نہیں
یعنی جو کچھ بھی تھا وہ تھا بھی نہیں
جز گماں اور تھا ہی کیا میرا
فقط اک میرا نام تھا میرا
کام مجھ سے کوئی ہوا ہی نہیں
بات یہ ہے کہ میں تو تھا ہی نہیں

عرفان صدیقی

ہم نے اب تک یہ تماشا نہ کیا تھا سو کیا
شاعری میں ترا چرچا نہ کیا تھا سو کیا
منزلیں آنکھ سے اوجھل نہ ہوئی تھیں سو ہوئیں
تو نے روشن مرا رستہ نہ کیا تھا سو کیا

مجید امجد

اتنی شمعیں تھیں تیری یادوں کی
اپنا سایہ بھی اپنا سایہ نہ تھا
میرے نزدیک تیری دوری تھی
کوئی منزل تھی، کوئی عالم تھا
گھنگھروؤں کی جھنک منک میں بسی
تیری آہٹ، میں کس خیال میں تھا
وقت کی سرحدیں سمٹ جاتیں
تیری دوری سے کچھ بعید نہ تھا
لاکھ قدریں تھیں زندگانی کی
یہ محیط اک عجیب زاویہ تھا

جمال احسانی

جمالؔ اب تو یہی رہ گیا پتہ اس کا
بھلی سی شکل تھی اچھا سا نام تھا اس کا
مجھے تباہ کیا اور سب کی نظروں میں
وہ بے قصور رہا یہ کمال تھا اس کا

رئیس فروغؔ

گرمیوں کی دوپہر کا ذکر ہے
ہم تھے گھر میں اور گھر تھا دھوپ میں

بشیر بدر

وہ اپنے گھر چلا گیا افسوس مت کرو
اتنا ہی اس کا ساتھ تھا افسوس مت کرو

بیان میرٹھی

سنی کسی نے صدائے طوطی نہ حالت عندلیب دیکھی
جو کور تھی اس چمن میں نرگس تو گل بھی اے ہم صفیر تھا کر

ضیا جالندھری

میں شہر شہر خوابوں کی گٹھری لیے پھرا
بے دام تھا یہ مال پہ گاہک کوئی نہ تھا
تری نگہ سے اسے بھی گماں ہوا کہ میں ہوں
وگرنہ دل تو مرا مانتا نہ تھا کہ میں ہوں

عبید اللہ علیم

تم ہم سفر ہوئے تو ہوئی زندگی عزیز
مجھ میں تو زندگی کا کوئی حوصلہ نہ تھا

فارغ بخاری

جلتے رہے ہیں اپنے ہی دوزخ میں رات دن
ہم سے زیادہ کوئی ہمارا عدو نہ تھا
جوئے نشاط بن کے بہا لے گئی مجھے
آواز تھی کہ ساز جوانی کا عکس تھا

ماجد صدیقی

تو پھول تھا، مہک تھا صدا کی ادا بھی تھا
میں پھر بھی تجھ سے تیرا پتہ پوچھتا رہا
شب بھر ترے جمال سے چنتا رہا وہ پھول
پھوٹی سحر تو میں بھی سحر کی مثال تھا
وہ تو وہ اس کے ہونے کا احساس بھی
تھا مہک ہی مہک، رنگ ہی رنگ تھا
کیسے بخشے گا آئین گلشن ہمیں
ہم نے مسلا اسے، دل کہ اک پھول تھا
ہر لمحہ اک بند کلی اور بول مرے تھے بادِ صبا
جس کا کھلنا یا مرجھانا بس سے مرے باہر بھی نہ تھا

سیماب اکبر آبادی

جو کہتے ہیں اب اس میں کچھ نہیں ہے
کوئی ان سے یہ پوچھے مجھ میں تھا کیا

فانی بدایونی

لو مبارک لذتِ غم بھی ہے اب تو ناگوار
دل محبت میں جو بننا چاہیے تھا بن گیا
وہ التفات کہ تھا اس کی انتہا بھی ہے
خدا کی مار کہ دل کو یہی نہ تھا معلوم
زیست کا حاصل بنایا دل جو گویا کچھ نہ تھا
غم نے دل کو دل بنایا ورنہ کیا تھا کچھ نہ تھا

احمد فراز

مزاج ہم سے زیادہ جدا نہ تھا اس کا
جب اپنے طور یہی تھے تو کیا گلہ اس کا
ہمیں نے ترکِ تعلق میں پہل کی کہ فرازؔ
وہ چاہتا تھا مگر حوصلہ نہ تھا اس کا
جو بھی دکھ یاد نہ تھا یاد آیا
آج کیا جانیے کیا یاد آیا
جب دوست اپنے اپنے چراغوں کے غم میں تھے
تب آندھیوں کی زد پہ کوئی اور تھا کہ میں

شاذ تمکنت

کون دیتا رہا صحرا میں صدا میری طرح
آج تنہا ہوں مگر کوئی تو تھا میری طرح

کلیم عاجز

جانتا تھا کہ ستم گر ہے مگر کیا کیجے
دل لگانے کے لیے اور کوئی تھا بھی نہیں

محسن احسان

تم نے تو چھین لی مجھ سے مری گویائی بھی
میں تو اک کاغذ آتش زدہ تھا کیا کرتا