مرزا غالب

گلشن میں بند وبست بہ رنگِ دگر ہے آج
قمری کا طوق حلقۂِ بیرونِ در ہے آج

بہادر شاہ ظفر

رہزنوں میں ناز و غمزہ کی یہ جنس دین و دل
جوں متاع بردہ آخر ہم دگر بٹ جائے گی

داغ دہلوی

تسلی مجھے دے کے جاتے تو ہو
مبادا جو جوع دگر ہو گئی

مصحفی غلام ہمدانی

اس کے کوچے میں ہے نت صورت بیداد نئی
قتل ہر خستہ بانداز دگر ہوتا ہے

فیض احمد فیض

وفا سے وعدہ نہیں، وعدہ دگر بھی نہیں
وہ مجھ سے روٹھے تو تھے لیکن اس قدر بھی نہیں
کچھ دن سے انتظار سوال دگر میں ہے
وہ مضمحل حیا جو کسی کی نظر میں ہے

باقی صدیقی

تجھ سے مل کر بھی نہ تجھ کو پایا
غم بہ اندازِ دگر لے آئے

عرفان صدیقی

دیکھنے میں وہی تصویر ہے سیرابی کی
اور دل پر ہے کوئی نقش دگر پانی کا
بدایوں تیری مٹی سے بچھڑ کر جی رہا ہوں میں
نہیں اے جانِ من، بارِ دگر ایسا نہیں ہو گا
یہ درد رات مرے بے خبر کے نام تمام
اسی چراغِ جہانِ دگر کے نام تمام
مجھے اداس نہ کر اے زوالِ عمر کی رات
میں اس کے وعدۂ شام دگر پہ راضی ہوں
جس کو ہونا ہے وہ فریاد میں شامل ہو جائے
بے نوا شہر میں بارِ دگر آنے کا نہیں
پل بھر کا تماشا ہے سو دیکھو ہمیں اس بار
ایک آئنے میں بارِ دگر ہم نہیں ہوتے
شعاعِ نور نہیں ہے حصار کی پابند
سو اے چراغ مکان دگر سلام تجھے
ہو چکا جو کچھ وہی بارِ دگر کرنا مجھے
پانیوں میں راستہ شعلوں میں گھر کرنا مجھے

جمال احسانی

چشمِ حیراں کو تماشائے دگر پر رکھا
اور اس دل کو تری خیر خبر پر رکھا

ماجد صدیقی

سانس کی نے سے پکارے گا تجھے
غم بہ اندازِ دگر آخرِ شب
گہ تجھ کو، گاہ نورِ سحر دیکھتا رہوں
جلوہ ترا برنگِ دگر دیکھتا رہوں

تلوک چند محروم

افسانۂ غم سینۂ بلبل میں ہے فریاد
اوراقِ گلِ تر میں بعنوان دگر ہے

حفیظ ہوشیارپوری

حفیظ کب انہیں دیکھا نہیں بہ رنگِ دگر
حفیظؔ کب وہ بہ رنگِ دگر نہیں آئے
خود فروشانہ ادا تھی میری صورت دیکھنا
اپنے ہی جلوے بہ اندازِ دگر دیکھا کیے

فانی بدایونی

آئینہ اب نہیں دیکھا جاتا
میں بعنوان دگر یاد آیا

احمد فراز

نوحہ گروں میں دیدۂ تر بھی اسی کا تھا
مجھ پر یہ ظلم بارِ دگر بھی اسی کا تھا

شاذ تمکنت

جانے والے تجھے کب دیکھ سکوں بارِ دگر
روشنی آنکھ کی بہہ جائے گی آنسو بن کر

فراق گورکھپوری

مٹا کر دل نگاہ اولیں سے
تقاضائے دگر ہے اور میں ہوں
نگاہ اولیں سے ہو کے برباد
تقاضائے دگر ہے اور میں ہوں
دم حشر ازل کی بھی یاد کر یہ زبان کیا یہ نگاہ کیا
جو کسی سے آج نہ ہو سکا وہ سوال بارِ دگر بھی ہے