مرزا غالب

تماشائے گلشن تماشائے چیدن
بہار آفرینا! گنہ گار ہیں ہم
وفا جفا کی طلب گار ہوتی آی ہے
ازل کے دن سے یہ اے یار ہوتی آی ہے

امام بخش ناسخ

کج ایسی نہ تھی آگے مرے یار کی رفتار
سیکھا ہے مگر چرخِ ستم گار کی رفتار
ہوئی جمع بے دردی دردمندی
دل آزار وہ ہے ستم گار میں ہوں

انشاء اللہ خان انشا

او جانے والے شخص ٹک اک مڑ کے دیکھ لے
یاں بھی تڑپ رہے ہیں گناہ گار چار پانچ

حیدر علی آتش

ناز و ادا کو ترک مرے یار نے کیا
غمزہ نیا یہ ترک ستم گار نے کیا
بیداد کی محفل میں سزا وار ہمیں تھے
تقصیر کسی کی ہو گنہ گار ہمیں تھے

داغ دہلوی

احسان عفو جرم سے وہ شرمسار ہوں
بخشا گیا میں تو بھی گنہ گار ہی رہا
اے فلک کہہ تو کیا ارادہ ہے
عیش کے خواست گار ہم بھی ہیں

مصحفی غلام ہمدانی

میں آیا ہوں مدت میں کوئی اس سے کہہ دو
تمہارا گنہ گار پیدا ہوا ہے
شکوہ کبھی نہ یار کا لاویں گے منہ پہ ہم
ہم پر جفائے چرخِ ستم گار ہو سو ہو
کچھ ہم نے تیرے ہاتھ تو پکڑے نہیں میاں
گر جانتا ہے ہم کو گنہ گار مار ڈال

مصطفٰی خان شیفتہ

کیا تجاہل سے یہ کہتا ہے ۔ کہاں رہتے ہو؟
ترے کوچے میں ستم گار! ترے کوچے میں

مومن خان مومن

قتل اس نے جرم صبر جفا پر کیا مجھے
یہ ہی سزا تھی ایسے گنہ گار کے لیے

فیض احمد فیض

نہ رہا جنونِ رخِ وفا، یہ رسن یہ دار کرو گے کیا
جنہیں جرمِ عشق پہ ناز تھا وہ گناہ گار چلے گئے

مرزا رفیع سودا

تجھ بن عجب معاش ہے سوداؔ کا ان دنوں
تو بھی ٹک اس کو جا کے ستم گار دیکھنا
عالم کی گفتگو سے تو آتی ہے بوئے خوں
بندہ ہے اک نگہ کا گنہ گار کچھ کہو
سوداؔ کو جرمِ عشق سے کرتے ہیں آج قتل
پہچانتا ہے تو یہ گنہ گار کون ہے
تو مست شب اندھیری اور اغیار ساتھ ہے
جو دل میں آوے کہہ یہ گنہ گار ساتھ ہے

یگانہ چنگیزی

برنگ سبزۂ بیگانہ روند ڈالے فلک
مجھے بہار بھی آئے تو ساز گار نہ ہو
ہنسی میں لغزشِ مستانہ اڑ گئی واللہ
تو بے گناہوں سے اچھے گناہ گار رہے
ابھارتی ہے ہوس توبۂ رہائی کی
کہ دل کے ساتھ زباں کیوں گناہ گار رہے

باقی صدیقی

آزمائش سے بھی جاں جاتی ہے
اور ہم تیرے طلب گار بھی ہیں

قمر جلالوی

دل انہیں کیا دیا قرار نہیں
عشق کو حسن ساز گار نہیں