مرزا غالب

ہر ایک ذرۂِ عاشق ہے آفتاب پرست
گئی نہ خاک ہوئے پر ہوائے جلوۂِ ناز
وہ بھی دن ہو، کہ اس ستم گر سے
ناز کھینچوں، بجائے حسرت ناز
رنگِ شکستہ صبحِ بہارِ نظارہ ہے
یہ وقت ہے شگفتنِ گل ہائے ناز کا

داغ دہلوی

بلے چتون تری غضب ری نگاہ
کیا کریں گے یہ ناز کیا جانیں

شیخ ابراہیم ذوق

ناساز ہے جو ہم سے اسی سے یہ ساز ہے
کیا خوب دل ہے واہ ہمیں جس پہ ناز ہے
شبنم کی جائے گل سے ٹپکتی ہیں شوخیاں
گلشن میں کس کی خاک شہیدان ناز ہے

مصحفی غلام ہمدانی

گھر میں باشندے تو اک ناز میں مر جاتے ہیں
اور جو ہم سایے ہیں آواز میں مر جاتے ہیں
بے نیازی کرے جو تو ہی تو پھر
اے ہمہ ناز کون ہے اپنا
آتا ہے کس انداز سے ٹک ناز تو دیکھو
کس دھج سے قدم پڑتا ہے انداز تو دیکھو
بچا گر ناز سے تو اس کو پھر انداز سے مارا
کوئی انداز سے مارا تو کوئی ناز سے مارا
ہزاروں رنگ اس کے خون نے یاروں کو دکھلائے
جب اس نے مصحفیؔ کو اپنی تیغ ناز سے مارا
بایک نیاز اس سے کیونکر کوئی بر آوے
آتا ہو سو طرح سے جس کو کہ ناز کرنا

مصطفٰی خان شیفتہ

جورِ اجل کو شوخی بے جا کہا کیا
تھا مست شیفتہ جو کسی مستِ ناز کا

مومن خان مومن

تا نہ پڑے خلل کہیں آپ کے خواب ناز میں
ہم نہیں چاہتے کمی اپنی شب دراز میں
آنکھوں سے حیا ٹپکے ہے انداز تو دیکھو
ہے بو الہوسوں پر بھی ستم ناز تو دیکھو
میری نگاہ خیرہ دکھاتے ہیں غیر کو
بے طاقتی پہ سرزنش ناز دیکھنا

فیض احمد فیض

حسن مرہون جوش بادۂ ناز
عشق منت کش فسون نیاز
لطف کا انتظار کرتا ہوں
جور تا حد ناز ہو جائے
بے حرص و ہوا، بے خوف و خطر، اس ہاتھ پہ سر، اس کف پہ جگر
یوں کوئے صنم میں وقتِ سفر نظارہء بام ناز کیا

یگانہ چنگیزی

زیر دیوار صنم قبر میں سوتا ہوں فلک
کیوں نہ ہو طالعِ بیدار پر اب ناز مجھے

باقی صدیقی

خار چن لے گا بہارِ ناز سے
ہم ہیں واقف قلب دشت انداز سے
جب دیکھو برہم برہم
کون اٹھائے اتنے ناز

سراج الدین ظفر

خوش ہیں کہ نہیں اس ستم آرا کا ستم عام
نازاں ہیں کہ اس کے ہدف ناز ہمیں ہیں

قمر جلالوی

شکوہ شکستِ دل کا ہو کیا دستِ ناز سے
آئینے ٹوٹ جاتے ہیں آئینہ ساز سے

الطاف حسین حالی

تشنۂ خوں میں بھوکے شیروں کے
حیلہ گر رہوں بہو کے عشوۂ ناز

احسان دانش

اب سو چکی امیدیں اب تھک چکیں نگاہیں
جان نیاز مندی مصروف ناز ہو جا
سوز نظر سے چھلکیں نغمات رازِ ہستی
اے عقدۂ تغافل روداد ناز ہو جا

اسرار الحق مجاز

ہاں ذرا جرأت دکھا اے جذبِ دل
حسن کو پردے پہ اپنے ناز ہے
بے سبب التفات کیا معنی
کچھ تو اے چشم ناز ہیں ہم لوگ

عبید اللہ علیم

مٹی تھا میں خمیر ترے ناز سے اٹھا
پھر ہفت آسماں مری پرواز سے اٹھا
اے شہسوار حسن یہ دل ہے یہ میرا دل
یہ تیری سر زمیں ہے قدم ناز سے اٹھا