مرزا غالب

آئے ہے بے کسی عشق پہ رونا غالب
کس کے گھر جائے گا سیلابِ بلا میرے بعد
خو نے تری افسردہ کیا وحشتِ دل کو
معشوقی و بے حوصلگی طرفہ بلا ہے

انشاء اللہ خان انشا

سمجھانے کی جو باتیں کیں میں نے دلا تجھ سے
اے عقل کی دشمن سو تیری تو بلا سمجھے

بہادر شاہ ظفر

روبرو اس زلف کے دام بلا کیا چیز ہے
اس نگہ کے سامنے تیرِ قضا کیا چیز ہے
ترے رخ کے خیال میں کون سے دن اٹھے مجھ پہ نہ فتنۂِ روزِ جزا
تری زلف کے دھیان میں کون سی شب مرے سر پہ ہجوم بلا نہ رہا
کیا کہوں دل مائل زلفِ دوتا کیونکر ہوا
یہ بھلا چنگا گرفتارِ بلا کیونکر ہوا

داغ دہلوی

کیا غرض کیوں ادھر توجہ ہو
حالِ دل آپ کی بلا جانے
ڈرتے ہیں چشم و زلف و نگاہ و ادا سے ہم
ہر دم پناہ مانگتے ہیں ہر بلا سے ہم

شیخ ابراہیم ذوق

نہیں مژگاں کی دو صفیں گویا
اک بلا اک بلا سے لڑتی ہے

مصحفی غلام ہمدانی

بالوں کا گھرس رکھنا ہے پگڑی ہی میں بہتر
کیا فائدہ اک خلق گرفتارِ بلا ہو
جھک پڑے ہے تیری پا بوسی کا
زلف بھی شوق بلا رکھتی ہے
تفتہِ دل سوختہ جاں چاکِ جگر خاک بسر
کیا کہیں مصدر صد گونہ بلا ہم ہی ہیں
دل کو کھینچے ہے تری زلفِ سیاہ
سحر جادو کی بلا تجھ میں ہے
ہمیں نت اسیر بلا چاہتا ہے
ہماری خوشی کب خدا چاہتا ہے

مصطفٰی خان شیفتہ

کیا جانتے تھے صبح وہ محشر قد آئے گا
شامِ شبِ فراق نہ مرتے بلا سے ہم
ملا کے دیکھیں کہ ہے خوب کون دونوں میں
ہم اس کو لاتے ہیں تو حور کو بلا واعظ

مومن خان مومن

دل بستگی سی ہے کسی زلفِ دوتا کے ساتھ
پالا پڑا ہے ہم کو خدا کس بلا کے ساتھ
قہر ہے موت ہے قضا ہے عشق
سچ تو یوں ہے بری بلا ہے عشق
کہا میں نے بات وہ کوٹھے کی مرے دل سے صاف اتر گئی
تو کہا کہ جانے مری بلا تمہیں یاد ہو کہ نہ یاد ہو

باقی صدیقی

رنگِ محفل ہے ادا سے تیری
کوئی اٹھ جائے بلا سے تیری

جون ایلیا

اپنی منزل کا راستہ بھیجو
جان ہم کو وہاں بلا بھیجو

خواجہ میر درد

وہ بلائے سے بھاگتا تھا اور
دردؔ تجھ تک بلا دیا کن نے

عبدالحمید عدم

عجیب خلق سے اک اجنبی مسافر نے
ہمیں خلاف توقع بلا کے مار دیا

عرفان صدیقی

زرد دھرتی سے ہری گھاس کی کونپل پھوٹی
جیسے اک خیمہ سر دشتِ بلا لگتا ہے
ہم اپنے ذہن کی آب و ہوا میں زندہ ہیں
عجب درخت ہیں‘ دشتِ بلا میں زندہ ہیں
مری طرف تری موج نوا چلی ہی نہیں
ہوا کبھی سر دشتِ بلا چلی ہی نہیں
وہ خدا ہے کہ صنم، ہاتھ لگاکر دیکھیں
آج اس شخص کو نزدیک بلا کر دیکھیں
اس خرابے میں بھی ہو جائے گی دنیا آباد
ایک معمورہ پسِ سیلِ بلا چلتا ہے

الطاف حسین حالی

کہہ دو کوئی ساقی سے کہ ہم مرتے ہیں پیاسے
گر مے نہیں دے زہر ہی کا جام بلا سے
جال جب تک ہے یہ پھیلا ہوا دینداری کا
فکرِ دنیا کا کرے تیری بلا اے زاہد

رئیس فروغؔ

کتنی ہی بارشیں ہوں شکایت ذرا نہیں
سیلانیوں کو خطرۂسیل بلا نہیں
اک شور ہے بدن میں کہ اب وصل بھی کرو
کیسی یہ میرے عشق کے پیچھے بلا لگی
ہوا جانے کیا کہہ رہی ہے ہوا سے
جہاں شہر ملتا ہے دشتِ بلا سے
وہ راستوں کو سجاتے رہے انھوں نے کبھی
گھروں میں ناچنے والی بلا سے کچھ نہ کہا
صبح کو شہرِ طرب ہو مشہور
شام کو دشتِ بلا کہلائے
گھر میں صحرا ہے تو صحرا کو خفا کر دیکھو
شاید آ جائے سمندر کو بلا کر دیکھو

احسان دانش

رواں دواں نہیں بے وجہ کاروان حیات
مجھے ضرور کہیں سے بلا رہا ہے کوئی
نہ جانے کون سی منزل میں عشق ہے کہ مجھے
مرے حدود سے باہر بلا رہا ہے کوئی

بیخود بدایونی

دعا کو نہیں راہ ملتی فلک کی
کچھ ایسا ہجوم بلا ہو رہا ہے

تلوک چند محروم

وہ آئی شامِ غم وقف بلا ہونے کا وقت آیا
تڑپنے لوٹنے کا دم فنا ہونے کا وقت آیا

ثروت حسین

اک سمندر ہے دل عشاق میں
جس میں ہر موج بلا موجود ہے
کہاں گئے وہ خدایان درہم و دینار
کہ اک دفینۂ دشت بلا کو جاتا ہوں

جوش ملیح آبادی

جو بہت دور جا چکا تھا اسے
پاس اپنے بلا رہا ہے یہ کون

حسرت موہانی

ہو گئے ختم مجھ پہ جورِ فلک
اب کوئی مورد بلا نہ رہا
ہر حال میں رہا جو ترا آسرا مجھے
مایوس کر سکا نہ ہجوم بلا مجھے
غضب کا سامنا ہے عاشقوں کو
دیار حق میں افواج بلا کا
کیا کام انہیں پرسش ارباب وفا سے
مرتا ہے تو مر جائے کوئی ان کی بلا سے
خوشنودۂ فجار کے پیرو ہیں یزیدی
تقلید شہ کرب و بلا میرے لیے ہے

حفیظ جالندھری

یہ زندگی فریب مسلسل نہ ہو کہیں
شاید اسیرِ دام بلا ہو گیا ہوں میں

سیماب اکبر آبادی

نصیب ذوق ہو سیمابؔ قسمت موسیٰ
ہمیں بھی طور کی جانب بلا رہا ہے کوئی
ہو کتنی ہی خوش گوار پھر بھی
ہے دل کے لیے بلا تمنا

شاد عظیم آبادی

دنیا میں کچھ تو روح کو اس جسم سے ہے کام
ملتا ہے ورنہ کون کسی سے بلا غرض
کہتا ہے دل سنا مجھے گیسو کی داستاں
آج اس نے سر پہ ڈال دیا ہے بلا کا کام

شکیل بدایونی

اے فطرت غم زیست ہی کیا کم تھی مصیبت
نازل ہوئی اس پر یہ محبت کی بلا اور

فانی بدایونی

پھر آداب فرقت ہیں ملحوظ یعنی
ہجوم بلا در بلا چاہتا ہوں

افضل منہاس

دودھیا نازک گلے میں باندھ لے تعویذ کو
آج سنتا ہوں کہ بستی میں بلا بھی آئے گی

احمد فراز

کبھی خود کو ٹوٹتے پھوٹتے بھی جو دیکھتے تو حزیں‌ نہ تھے
مگر آج خود پہ نظر پڑی تو شکستِ جاں نے بلا دیا
تیرے چرچے ہیں جفا سے تیری
لوگ مر جائیں بلا سے تیری

امیر مینائی

لٹکاؤ نہ گیسوئے رسا کو
پیچھے نہ لگاؤ اس بلا کو
خیالِ یار آ نکلا مرے دل میں تو یوں بولا
یہ دیوانوں کی بستی ہے یہاں میری بلا ٹھہرے

شاذ تمکنت

شاذؔ کانپ اٹھے مرے ترکِ محبت کے قدم
وہ کسی پرسش پنہاں کا بلا ہو جانا

قتیل شفائی

میں سمندر بھی ہوں موتی بھی ہوں غوطہ زن بھی
کوئی بھی نام مرا لے کے بلا لے مجھ کو

مجروح سلطان پوری

وہ ایک حرف ہے کہیے اسے حکایت زلف
کہ شکوۂ رسن و بندش بلا کہیے

محسن احسان

ہم اب غبار مہ و سال کی لپیٹ میں ہیں
ہمارے چہرے پہ رونق کبھی بلا کی تھی

ناصر کاظمی

ہر نفس دامِ گرفتاری ہے
نو گرفتارِ بلا غور سے سن