مرزا غالب

لیتا، نہ اگر دل تمھیں دیتا، کوئی دم چین
کرتا، جو نہ مرتا، کوئی دن آہ و فغاں اور
کسی کو دے کے دل کوئی نوا سنجِ فغاں کیوں ہو
نہ ہو جب دل ہی سینے میں تو پھر منہ میں زباں کیوں ہو

انشاء اللہ خان انشا

جو پوچھا قیس سے لیلیٰ نے جنگل میں اکیلے ہو
تو بولے اے نہیں وحشت ہے اور آہ و فغاں اور ہم
پتے نہیں چمن میں کھڑکتے ترے بغیر
کرتی ہے اس لباس میں ہر دم فغاں بسنت

حیدر علی آتش

شاگرد طرز خندہ زنی میں ہے گل ترا
استادِ عندلیب ہیں سوز و فغاں میں ہم
عشق گل میں وہی بلبل کا فغاں ہے کہ جو تھا
پرتو مہ سے وہی حال کتاں ہے کہ جو تھا

داغ دہلوی

جو دل قابو میں ہو تو کوئی رسوائے جہاں کیوں ہو
خلش کیوں ہو تپش کیوں ہو قلق کیوں ہو فغاں کیوں ہو
کلیجا مرے منہ کو آئے گا اک دن
یوں ہی لب پر آہ و فغاں آتے آتے
پکارتی ہے خموشی مری فغاں کی طرح
نگاہیں کہتی ہیں سب رازِ دل زباں کی طرح

مصحفی غلام ہمدانی

مرغ بستاں کو سامنے میرے
مصحفیؔ زہرۂِ فغاں بھی تھا؟
کیا کریں جا کے گلستاں میں ہم
ہیں بہ کنجِ قفس فغاں میں ہم
دل میں مرغان چمن کے تو گماں اور ہی ہے
پر دلِ زار کا انداز فغاں اور ہی ہے
بلبلو باغباں کو کیوں چھیڑا
تم نے ساز فغاں کو کیوں چھیڑا

مصطفٰی خان شیفتہ

نا آشنا رقیب سے ہے آشنا ابھی
نا آشنا ہے لب سے ہمارے فغاں ہنوز

مومن خان مومن

عاشق تو جانتے ہیں وہ اے دل یہی سہی
ہر چند بے اثر ہے پر آہ و فغاں نہ چھوڑ

میر مہدی مجروح

گریباں چاک ہیں گل بوستاں میں
اثر کتنا ہے بلبلِ کی فغاں میں
نے کی مانند خشک ہیں اعضا
کیوں نہ سر تا بہ پا فغاں ہوں میں

فیض احمد فیض

بکھری اک بار تو ہاتھ آئی ہے کب موجِ شمیم
دل سے نکلی ہے تو کب لب پہ فغاں ٹھہری ہے
یک بیک شورشِ فغاں کی طرح
فصلِ گل آئی امتحاں کی طرح

مرزا رفیع سودا

سوداؔ جو کبھو گوش سے ہمت کے سنے تو
مضمون یہی ہے جرسِ دل کی فغاں کا

یگانہ چنگیزی

ہم دل جلوں کو حزن و الم سے ہے سوز و ساز
انداز زمزموں میں بھی آہ و فغاں کے ہیں
آتی ہے پچھلے پہر بس دل دھڑکنے کی صدا
راز داران وفا آہ و فغاں کیوں کر کریں

باقی صدیقی

اخلاص کو مجبورِ فغاں دیکھ رہے ہیں
انداز جہانِ گزراں دیکھ رہے ہیں

جگر مراد آبادی

تماشا دیدنی ہے دیکھ جاؤ
زبان شوق و گلبانگ فغاں ہے
جب ہر اک شورش غم ضبط فغاں تک پہنچے
پھر خدا جانے یہ ہنگامہ کہاں تک پہنچے

سراج الدین ظفر

ساتھ اگر بادِ سحر دے تو پس محمل یار
اک بھٹکتی ہوئی آوازِ فغاں ہو جاؤں

قمر جلالوی

قفس سے ہٹ کے ذرا سن مری فغاں صیاد
لرز رہی ہے ترے سامنے زباں صیاد
خدا کی شان تجھے یوں مری فغاں سے گریز
کہ جس طرح کسی کافر کو ہو اذاں سے گریز

عرفان صدیقی

اختر الایمان کی اک نظم سے مجھ پر کھلا
اور بھی کم گو ہیں مجبورِ فغاں میں ہی نہیں
یہ پہلی چیخ نہیں ہے ترے خرابے میں
کہ حشر اٹھے ہیں میری فغاں سے پہلے بھی

مجید امجد

وہی دورِ زماں ہے اور میں ہوں
وہی رسمِ فغاں ہے اور میں ہوں

اختر شیرانی

نہ نشاں ہے ساقی و جام کا نہ وہ بادہ ہائے چمن ادا
نہ مغنیہ رہی محو ساز نہ ساز مست فغاں رہا
تو متاع گل کدۂ نظر گل نو بہار بہشت اثر
میں وہ عندلیب شکستہ پر کہ ہمیشہ محوِ فغاں رہا
ہے فلک کی بدلی ہوئی نظر کہیں کسی سے اخترؔ نالہ گر
کہ میں اس کے جور الم اثر سے ہمیشہ محوِ فغاں رہا

ادا جعفری

خامشی سے ہوئی فغاں سے ہوئی
ابتدا رنج کی کہاں سے ہوئی

اسرار الحق مجاز

ہر چمن دامنِ گل رنگ ہے خونِ دل سے
ہر طرف شیون و فریاد و فغاں ہے ساقی

سدرشن فاکر

بنوگے دوست مرے تم بھی دشمنو اک دن
مری حیات کی آہ و فغاں سنو تو سہی

ضیا جالندھری

جن کے گیتوں میں ہے نکہت کی لپک پھول کا رس
سالہا سال سنی ان کی فغاں بھی ہم نے

احمد راہی

طویل راتوں کی خامشی میں مری فغاں تھک کے سو گئی ہے
تمہاری آنکھوں نے جو کہی تھی وہ داستاں تھک کے سو گئی ہے

تلوک چند محروم

ہم جو آہ و فغاں نہیں کرتے
آپ کا امتحاں نہیں کرتے
محوِ فریاد ہم ہیں آج کہ پھر
فرصتِ یک فغاں ملے نہ ملے

حفیظ جالندھری

خدا حافظ کسی کے رازِ الفت کا خدا حافظ
خیال آتے ہی اب تو دل دھڑکتا ہے فغاں ہو کر
ہمیشہ کے لیے خاموش ہو کر
نئی طرزِ فغاں والے نے مارا

خاطر غزنوی

دسترس کس کی مداوا کیسا
درد کو صرف فغاں تک سوچوں

سیماب اکبر آبادی

سحر تک سعی نالہ رائیگاں معلوم ہوتی ہے
یہ دنیا تو بقدر یک فغاں معلوم ہوتی ہے
نہ وہ فریاد کا مطلب نہ منشائے فغاں سمجھے
ہم آج اپنی شبِ غم کی غلط سامانیاں سمجھے
جرس ہے کاروان اہل عالم میں فغاں میری
جگا دیتی ہے دنیا کو صدائے الاماں میری

شان الحق حقی

نغمہ یوں ساز میں تڑپا مری جاں ہو جیسے
میرا دم ہو مرے سینے کی فغاں ہو جیسے
کس طرح لب پہ ہنسی بن کے فغاں آتی ہے
مجھ سے پوچھو مجھے پھولوں کی زباں آتی ہے

شکیل بدایونی

فغاں نصیب کی وارفتگی ارے توبہ
فغاں نصیب کو وجۂ فغاں نہیں معلوم
اک سمت جشن شادی و ہنگامۂ نشاط
اک سمت حشر آہ و فغاں دیکھتا ہوں میں
مظلوم دل کی تلخ نوائی تو دیکھنا
نغمے جو لب تک آئے فغاں بن کے رہ گئے

کلیم عاجز

زندگی مائل فریاد و فغاں آج بھی ہے
کل بھی تھا سینے پہ اک سنگِ گراں آج بھی ہے

مجروح سلطان پوری

رفتہ رفتہ منقلب ہوتی گئی رسم چمن
دھیرے دھیرے نغمۂ دل بھی فغاں بنتا گیا

محسن احسان

خمار ہجر تھا ایسا اکھڑ گئیں سانسیں
گرفت درد تھی ایسی فغاں ہوا ہے یہ دل
یہ حکم مجھ کو ملا قصر خسروی سے کہ میں
فغاں سنوں مگر اندازۂ فغاں نہ کروں

ناصر کاظمی

مری بربادیوں پر رونے والے
تجھے محوِ فغاں دیکھا نہ جائے
ہم نے بخشی ہے خموشی کو زباں
درد مجبورِ فغاں تھا پہلے
دنیا کو نہیں تاب مرے درد کی یارب
دے مجھ کو اسالیبِ فغاں اور طرح کے