مرزا غالب

تکلف بر طرف ، نظارگی میں بھی سہی ، لیکن
وہ دیکھا جائے ، کب یہ ظلم دیکھا جائے ہے مجھ سے
وفائے دلبراں ہے اتفاقی ورنہ اے ہمدم
اثر فریادِ دل ہائے حزیں کا کس نے دیکھا ہے
دیکھنا قسمت کہ آپ اپنے پہ رشک آ جائے ہے
میں اسے دیکھوں، بھلا کب مجھ سے دیکھا جائے ہے
دشمنی نے میری ، کھویا غیر کو
کس قدر دشمن ہے ، دیکھا چاہیے
منحصر مرنے پہ ہو جس کی امید
ناامیدی اس کی دیکھا چاہیے
چاہتے ہیں خوبروؤں کو اسدؔ
آپ کی صورت تو دیکھا چاہیے

بہادر شاہ ظفر

ہے بہت دشوار مرنا یہ سنا کرتے تھے ہم
پر جدائی میں تری ہم نے جو دیکھا سہل ہے

داغ دہلوی

تجھے دیکھ کر وہ دوئی اٹھ گئی ہے
کہ اپنا بھی ثانی نہ دیکھا نہ دیکھا
وہ تھا جلوہ آرا مگر تو نے موسیٰ
نہ دیکھا نہ دیکھا نہ دیکھا نہ دیکھا

مصحفی غلام ہمدانی

تیغِ ابرو تیرِ مژگاں سب رکھے ہیں سان پر
ان دنوں اس کی طرف کب ہم سے دیکھا جائے ہے
روز کے وعدے روز بہانے روز یہ کہنا آؤں گا کل
فائدہ کیا ان باتوں کا ہے ہم نے میاں بس تم کو دیکھا
جاتے جاتے راہ میں اس نے منہ سے اٹھایا جوں ہی پردا
راہ کے جانے والوں نے بھی منہ اس کا پھر پھر کے دیکھا

مومن خان مومن

دیدۂ حیراں نے تماشا کیا
دیر تلک وہ مجھے دیکھا کیا

یگانہ چنگیزی

کس دل سے ترک لذت دنیا کرے کوئی
وہ خوابِ دل فریب کہ دیکھا کرے کوئی
حسن یگانہؔ آپ ہی اپنا حجاب ہے
حسن حجاب دور سے دیکھا کرے کوئی
دیوانہ وار دوڑ کے کوئی لپٹ نہ جائے
آنکھوں میں آنکھیں ڈال کے دیکھا نہ کیجیے

باقی صدیقی

منزلیں راستہ بن جاتی ہیں
ڈھونڈنے والوں نے دیکھا ہو گا
ابھی کر دیں تجھے دنیا کے سپرد
ابھی جی بھر کے تو دیکھا بھی نہیں
ہم کہ شعلہ بھی ہیں اور شبنم بھی
تو نے کس رنگ میں دیکھا ہم کو
اب ہحے وہ زخم نظر کا عالم
تیری جانب بھی نہ دیکھا جائے

خواجہ میر درد

تجھی کو جو یاں جلوہ فرما نہ دیکھا
برابر ہے دنیا کو دیکھا نہ دیکھا
تغافل نے تیرے یہ کچھ دن دکھائے
ادھر تو نے لیکن نہ دیکھا نہ دیکھا

شکیب جلالی

کوئی بھولا ہوا چہرہ نظر آئے شاید
آئینہ غور سے تو نے کبھی دیکھا ہی نہیں

مجید امجد

ہے جو یہ سر پہ گیان کی گٹھڑی
کھول کر بھی اسے کبھی دیکھا؟

الطاف حسین حالی

حشر تک یاں دل شکیبا چاہیے
کب ملیں دلبر سے دیکھا چاہیے
ہے تجلی بھی نقاب روئے یار
اس کو کن آنکھوں سے دیکھا چاہیے
دوستوں کی بھی نہ ہو پروا جسے
بے نیازی اس کی دیکھا چاہیے

رئیس فروغؔ

بوجھل آنکھیں کب تک آخر نیند کے وار بچائیں گی
پھر وہی سب کچھ دیکھنا ہو گا صبح سے جو کچھ دیکھا ہے

اختر شیرانی

وہ کبھی مل جائیں تو کیا کیجیے
رات دن صورت کو دیکھا کیجیے

اسرار الحق مجاز

یا تو کسی کو جرأت دیدار ہی نہ ہو
یا پھر مری نگاہ سے دیکھا کرے کوئی
میری نظروں میں حشر بھی کیا ہے
میں نے ان کا جلال دیکھا ہے
جلوۂ طور خواب موسیٰ ہے
کس نے دیکھا ہے کس کو دیکھا ہے
کیوں جوانی کی مجھے یاد آئی
میں نے اک خواب سا دیکھا کیا تھا

بشیر بدر

دل محبت دین دنیا شاعری
ہر دریچے سے تجھے دیکھا کریں

زہرا نگاہ

ہر کونے میں اپنے آپ سے باتیں کیں
ہر پہچل پر آئینے میں دیکھا تھا

حسرت موہانی

دیکھنا بھی تو انہیں دور سے دیکھا کرنا
شیوۂ عشق نہیں حسن کو رسوا کرنا
ہم نہ کہتے تھے بناوٹ ہے یہ سارا غصہ
ہنس کے لو پھر وہ انھوں نے ہمیں دیکھا دیکھو
شکیبائی کا دم رکھتے تو حسرتؔ
انہیں یوں شوق سے دیکھا نہ کرتے

حفیظ جالندھری

زندگی کا لطف بھی آ جائے گا
زندگانی ہے تو دیکھا جائے گا
مسکرا کر منہ چڑا کر گھور کر
جا رہے ہو خیر دیکھا جائے گا

رسا چغتائی

ہے لیکن اجنبی ایسا نہیں ہے
وہ چہرہ جو ابھی دیکھا نہیں ہے

شان الحق حقی

سنتے ہیں اس میں وہ جادہ ہے کہ دل چیز ہے کیا
سنتے ہیں اس پہ وہ عالم ہے کہ دیکھا نہ سنا

شبلی نعمانی

واہ کاہیدگی جسم بھی کیا کام آئی
بزم میں تھے پہ رقیبوں نے نہ دیکھا ہم کو

شکیل بدایونی

ہائے اس مجبوری ذوقِ نظر کو کیا کروں
وہ مجھے دیکھیں نہ دیکھیں میں انہیں دیکھا کروں

فانی بدایونی

دل رہے آلودہ دامن اور ہم دیکھا کریں
آج اے اشکِ ندامت آ تجھے دریا کریں
تاکید ہے کہ دیدۂ دل وا کرے کوئی
مطلب یہ ہے کہ دور سے دیکھا کرے کوئی

اختر ہوشیارپوری

میں نے یوں دیکھا اسے جیسے کبھی دیکھا نہ تھا
اور جب دیکھا تو آنکھوں پر یقیں آتا نہ تھا
میں اپنے گھر میں نہیں تھا مگر کہیں بھی نہ تھا
ادھر سے مجھ کو گزرتے کسی نے دیکھا کیا
یہ جہان گزراں ہاتھ کسے آیا ہے
پیچھے مڑ مڑ کے کسی شخص کو دیکھا نہ کرو
پیچھے پیچھے کوئی سایہ سا چلا آتا تھا
ہائے وہ کون تھا مڑ کر اسے دیکھا ہوتا
قریۂ جاں سے گزر کر ہم نے یہ دیکھا بھی ہے
جس جگہ اونچی چٹانیں ہیں وہاں دریا بھی ہے

شاذ تمکنت

وجہِ بے رنگی ہر شام و سحر کیا ہو گی
میں نے شاید تجھے ہر رنگ میں دیکھا ہو گا

فراق گورکھپوری

ارے صیاد ہمیں گل ہیں ہمیں بلبل ہیں
تو نے کچھ آہ سنا بھی نہیں دیکھا بھی نہیں
تجھ کو ہو جائیں گے شیطان کے درشن واعظ
ڈال کر منہ کو گریباں میں کبھی دیکھا ہے
یہ کہہ کے کل کوئی بے اختیار روتا تھا
وہ اک نگاہ سہی کیوں کسی کو دیکھا تھا
وصال اس سے میں چاہوں کہاں یہ دل میرا
یہ رو رہا ہوں کہ کیوں اس کو میں نے دیکھا تھا

قیوم نظر

خاک اڑتی ہے کہ روشن حسن کا آنچل ہوا
چہرۂ ِ گیتی بہ صد بیم و رجا دیکھا کرو

کلیم عاجز

ہم تو کچھ چاہے ہیں تم چاہو ہو کچھ
وقت کیا چاہے ہے دیکھا چاہیے

کیف بھوپالی

صرف اتنے جرم پر ہنگامہ ہوتا جائے ہے
تیرا دیوانہ تری گلیوں میں دیکھا جائے ہے

محسن احسان

عجب بے خوابیوں میں عمر گزری
جسے سوچا اسے دیکھا کہاں ہے

محسن نقوی

میں بھی اپنے کو بھلائے ہوئے پھرتا ہوں بہت
آئنہ اس نے بھی کچھ روز نہ دیکھا ہو گا

ناصر کاظمی

تجھ کو ہر پھول میں عریاں سوتے
چاندنی رات نے دیکھا ہو گا
یوں گزری وہ رات بھی جیسے
سپنے میں سپنا دیکھا تھا
دھوپ تھی اور بادل چھایا تھا
دیر کے بعد تجھے دیکھا تھا
بالی رادھا بالا موہن
ایسا ناچ کہاں دیکھا تھا
یاد آئی وہ پہلی بارش
جب تجھے ایک نظر دیکھا تھا
صبح ہوئی تو سب سے پہلے
میں نے تیرا منہ دیکھا تھا
شام کی گہری اونچائی سے
ہم نے دریا کو دیکھا تھا
جنت تو دیکھی نہیں لیکن
جنت کا نقشہ دیکھا تھا
موسمِ گلزارِ ہستی ان دنوں کیا ہے نہ پوچھ
تو نے جو دیکھا سنا کیا میں نے دیکھا ہے نہ پوچھ

نوح ناروی

محبت کا اچھا نتیجہ نہ دیکھا
نہ دیکھا نہ دیکھا نہ دیکھا نہ دیکھا