مرزا غالب

مقدمِ سیلاب سے دل کیا نشاط آہنگ ہے !
خانۂِ عاشق مگر ساز صدائے آب تھا
شب کہ برقِ سوزِ دل سے زہرۂِ ابر آب تھا
شعلۂِ جوالہ ہر اک حلقۂِ گرداب تھا
کرے ہے قتل ، لگاوٹ میں تیرا رو دینا
تری طرح کوئی تیغِ نگہ کو آب تو دے

بہادر شاہ ظفر

اس قدر رونا نہیں بہتر بس اب اشکوں کو روک
ورنہ طوفاں دیکھ اے چشمِ پر آب آ جائے گا
دیکھ کر دستِ ستم میں تیری تیغ آب دار
میرے ہر زخمِ جگر کے منہ میں آب آ جائے گا

حیدر علی آتش

میری ایذا کے لیے مردے میں جان آتی ہے
کاٹنے دوڑتی ہے ماہی بے آب مجھے
پاتا ہوں ناف کا کمر یار میں مقام
چشمہ مگر عدم میں ہے گوہر کی آب کا

داغ دہلوی

ایک تو وعدہ اور اس پہ قسم
یہ یقیں ہے کہ اب ملیں گے آپ
غمِ عشق میں داغؔ مجبور ہو کر
کبھی جو نہ چاہا وہ اب چاہتے ہیں

شیخ ابراہیم ذوق

بجھے گا سوزِ دل اے گریہ پل میں آب تو دے
دگر ہے آگ میں دنیا یوں ہی عذاب تو دے
گزرنے گر یہ مرے سر سے اتنا آب تو دے
کہ سر پہ چرخ بھی دکھلائی جوں حباب تو دے
ہزاروں تشنہ جگر کس سے ہوئیں گے سیراب
خدا کے واسطے تیغِ ستم کو آب تو دے

مصحفی غلام ہمدانی

ترا تشنہ لب جہاں سے جو گیا لحد پہ اس کی
پسِ مرگ بھی کسی نے نہ سبوے آب الٹا
جو بوقت غسل اپنا وہ پھرا لے موج سے منہ
تو پھراتے ہی منہ اس کے لگے بہنے آب الٹا
کل تیغ نکال مجھ سے بولا
تو دیکھ تو اس کی آب کیا ہے
سرخی سے ترے لبوں کی ہم نے
آتش کو میان آب دیکھا
اے فلک اس کو تو غنیمت جان
مصحفیؔ سا نہیں ہے اب کوئی
کشتگاں کو تری شمشیر یہی کہتی ہے
کیجیے اس پہ قناعت تو دم آب ہے یاں
تھی قضا یوں ہی تیرے کشتے کی
لاش کو اس کی اب زمیں سے اٹھا
ان آنکھوں سے آب کچھ نہ نکلا
غیر از خوں ناب کچھ نہ نکلا
شاید وہ تجھ کو دیکھ کے غم کھائے مصحفیؔ
تو اس کے سامنے تو بہ چشمِ پر آب آ
موئے جز میرؔ جو تھے فن کے استاد
یہی اک ریختہ گو اب رہا ہے

مصطفٰی خان شیفتہ

دمِ سرد سے لا نہ طوفانِ باد
نہ سن ماجرا چشمِ پر آب کا
رہ جائے کیوں نہ ہجر میں جاں آ کے لب تلک
ہم آرزوئے بوسہ بہ پیغام اب تلک
مایوس لطف سے نہ کر اے دشمنی شعار
امید سے اٹھاتے ہیں ہم جور اب تلک
مجھ کو سنا کے کہتے ہیں ہمدم سے ، یاد ہے ؟
اک آدمی کو چاہتے تھے ہم بھی اب سے دور
طلبِ بوسہ پر اس لب سے شکر آب لذیذ
تند ہے ، تلخ ہے ، لیکن ہے مئے ناب لذیذ
سم کی تاثیر کرے ہجر میں آب حیواں
مے گل گوں سے سوا وصل میں ہے آب لذیذ

مومن خان مومن

گویا کہ رو رہا ہوں رقیبوں کی جان کو
آتش زبانہ زن ہوئی طوفان آب میں