مرزا غالب

اب میں ہوں اور ماتمِ یک شہرِ آرزو
توڑا جو تو نے آئینہ، تمثال دار تھا
موجِ سراب دشتِ وفا کا نہ پوچھ حال
ہر ذرہ، مثل جوہرِ تیغ، آب دار تھا
دل مت گنوا، خبر نہ سہی سیر ہی سہی
اے بے دماغ آئینہ تمثال دار ہے

امام بخش ناسخ

ذقن ہے سیب تو عناب ہے لبِ شیریں
نہیں ہے سرو وہ خوش قد جو میوہ دار نہ ہو
دم اخیر تو کر لیں نظارہ جی بھر کے
الٰہی خنجر سفاک آب دار نہ ہو
یہی ہے قلزم غم میں مری دعا یا رب
قیام اس میں کوئی بھی حباب دار نہ ہو
ہے محبت سب کو اس کے ابروئے خم دار کی
ہند میں کیا آبرو باقی رہی تلوار کی
ہوئے رونے سے مرے دیدۂِ بے دار سفید
بلکہ اشکوں نے کیا رنگ شبِ تار سفید

انشاء اللہ خان انشا

تو ان کو چاہ چھوڑ مجھے واچھڑے چے خوش
رکھے ہیں میرے واسطے دل دار چار پانچ

بہادر شاہ ظفر

یہ رعایۂِ ہند تبہ ہوئی کہوں کیا جو ان پہ جفا ہوئی
جسے دیکھا حاکم وقت نے کہا یہ بھی قابل دار ہے

حیدر علی آتش

ہاتھ قاتل کا گریباں تک پہنچ سکتا نہیں
اور فرط شوق ہے یاں زخم دامن دار کا
فدیے بہت اس ابروئے خم دار کے لیے
چو رنگ کی کمی نہیں تلوار کے لیے
قول اپنا ہے یہ سبحہ و زنار کے لیے
دو پھندے ہیں یہ کافر و دیں دار کے لیے
افشاں سے کشتہ ابروئے خم دار نے کیا
جوہر سے کام یار کی تلوار نے کیا
دیوان حسنِ یار کی آتشؔ جو سیر کی
دیوانہ بیت ابروئے خم دار نے کیا
کعبہ و دیر میں وہ خانہ برانداز کہاں
گردش کافر و دیں دار لیے پھرتی ہے
سفر ہے شرط مسافر نواز بہتیرے
ہزار ہا شجرِ سایہ دار راہ میں ہے

داغ دہلوی

سنا ہے تیغ کو قاتل نے آب دار کیا
اگر یہ سچ ہے تو بے شبہ ہم پہ وار کیا
یہی تو چشم حقیقت نگر کا سرمہ ہے
نزاع کافر و دیں دار دیکھتے جاؤ
کس نے کہا کہ داغ وفا دار مر گیا
وہ ہاتھ مل کے کہتے ہیں کیا یار مر گیا

مصحفی غلام ہمدانی

کہے تھی یہ طفلی میں دیکھ اس کو دایہ
یہ لڑکا طرح دار پیدا ہوا ہے
یہ دل مجھ سے لڑتا ہے تیری طرف سے
کہاں کا طرف دار پیدا ہوا ہے
تمہارے ناوک مژگاں کے سامنے خوباں
کہاں تلک یہ دلِ داغ دار ٹھہرے گا
کشتۂِ تیغ ناز کیا جانے
خنجر آب دار کیسا ہے
اور تو ہیں ہی یہ تو کہہ بارے
مصحفیؔ دوست دار کیسا ہے
کیا لالے سے نسبت اس کو سچ ہے
داغِ دلِ داغ دار ہے اور
دل سینے میں بیتاب ہے دل دار کدھر ہے
کوئی مجھ کو بتا دو وہ مرا یار کدھر ہے
صلحِ کل میں مری گزرے ہے محبت کے بیچ
نہ تو تکرار ہے کافر سے نہ دیں دار سے بحث
حیراں ہوں میں کہ کس کا یہ کوچہ ہے جس کے بیچ
ٹکڑے ہوئے پڑے ہیں طرح دار ہر طرف

مصطفٰیٰ خان شیفتہ

آزاد ہے عذابِ دو عالم سے شیفتہ
جو ہے اسیر سلسلۂِ تاب دار کا!

فیض احمد فیض

ہاں جرمِ وفا دیکھیے کس کس پہ ہے ثابت
وہ سارے خطا کار سرِ دار کھڑے ہیں
مقام، فیض، کوئی راہ میں جچا ہی نہیں
جو کوئے یار سے نکلے تو سوئے دار چلے
سر فروشی کے انداز بدلے گئے ، دعوتِ قتل پر مقتلِ شہر میں
ڈال کر کوئی گردن میں طوق آ گیا، لاد کر کوئی کاندھے پہ دار آ گیا
جیسے ہم بزم ہیں پھر یار طرح دار سے ہم
رات ملتے رہے اپنے در و دیوار سے ہم
پھول مسلے گئے فرشِ گلزار پر
رنگ چھڑکا گیا تختۂ دار پر

مرزا رفیع سودا

دل ترستا ہے دیکھنے کو مرا
خنجر آب دار کی صورت
جو کوئی دیکھتا ہے روتا ہے
مجھ دلِ داغ دار کی صورت
کھینچے ہے کوئی بھی تیغ پیارے
جمدھر کہ جب آب دار ہووے

یگانہ چنگیزی

لو دے رہی ہے شام سے آج آہ آتشیں
شعلہ بھڑک رہا ہے دلِ داغ دار کا
کہاں تلک دل غم ناک پردہ دار رہے
زبانِ حال پہ جب کچھ نہ اختیار رہے

باقی صدیقی

اہلِ دل فرمائیں کیا درکار ہے
جام ہے ، مے ہے ، رسن ہے ، دار ہے

جون ایلیا

شہر کی گشت میں ہیں صبح سے سارے منصور
اب تو منصور وہی ہے جو سرِ دار نہیں
پردگی ہم سے کیوں رکھا پردہ
تیرے ہی پردہ دار تھے ہم تو
وقت کی دھوپ میں تمہارے لیے
شجرِ سایہ دار تھے ہم تو
میرے تیور بجھ گئے میری نگاہیں جل گئی
اب کوئی آئینہ رو آئینہ دار آیا تو کیا
رہے نام رشتۂ رفتگاں نہ شکایتیں ہیں نہ شوخیاں
کوئی عذر خواہ تو اب کہاں کوئی عذر دار بھی اب نہیں
کیا ہو گیا ہے گیسوئے خم دار کو ترے
آزاد کر رہے ہیں گرفتار کو ترے
کل رات چوب دار سمیت آ کے لے گیا
اک غول طرحدار سرِ دار کو ترے

جگر مراد آبادی

درد نے کروٹ ہی بدلی تھی کہ دل کی آڑ سے
دفعتاً پردہ اٹھا اور پردہ دار آ ہی گیا

عبدالحمید عدم

دروغ کے امتحاں کدے میں سدا یہی کاروبار ہو گا
جو بڑھ کے تائید حق کرے گا وہی سزاوار دار ہو گا

قمر جلالوی

رہا الم سے دلِ داغ دار کیا ہو گا
جو بیڑا ڈوب چکا ہو وہ پار کیا ہو گا
اے قمر قسمت چمک اٹھی اندھیری رات میں
چاندنی چھپتے ہی کوئی پردہ دار آ ہی گیا
دفن سے پہلے اعزا ان سے جا کر پوچھ لیں
اور تو حسرت کوئی باقی نہیں بے دار کی

عرفان صدیقی

ہم کو بھی ملے معرکۂ صبر میں نصرت
کچھ ناقہ نشینوں کے نگہ دار ہیں ہم بھی

مصطفیٰ زیدی

صبح کے نکلے دیوانے اب کیا لوٹ کے آئیں گے
ڈوب چلا ہے شہر میں دن پھیل چلا ہے سایۂ دار

الطاف حسین حالی

خوبروئی کے لیے زشتی خو بھی ہے ضرور
سچ تو یہ ہے کہ کوئی تجھ سا طرح دار نہیں
دلوں میں ڈالنا ذوقِ اسیری
کمند گیسوئے خم دار سے پوچھ

ادا جعفری

ابھی تو بے نیازی میں تخاطب کی سی خوشبو تھی
ہمیں اچھا لگا تھا درد کا دل دار ہو جانا
ہر غنچہ بڑے چاؤ سے کھلتا ہے چمن میں
ہر دور کا منصور سرِ دار چلے ہے

اکبر معصوم

ترے غرور کی عصمت دری پہ نادم ہوں
ترے لہو سے بھی دامن ہے داغ دار مرا

زہرا نگاہ

ویراں ہے نظر میری ترے رخ کے مقابل
آوارہ ہیں غم کوچۂ دل دار کے ہوتے
جینا ہے تو جی لیں گے بہر طور دوانے
کس بات کا غم ہے رسن و دار کے ہوتے

ظہیر کاشمیری

جن کا جمال جنتِ قلب و نظر رہا
وہ ہم نشیں وہ یار طرح دار کیا ہوئے
وہ دور تھے نظر پہ حجاب غرور تھا
وہ چل دیے میں دیدۂ بے دار بن گیا
ہم نے اپنے عشق کی خاطر زنجیریں بھی دیکھیں ہیں
ہم نے ان کے حسن کی خاطر رقص بھی زیر دار کیا

عبید اللہ علیم

صدیاں گزر رہی ہیں مگر روشنی وہی
یہ سر ہے یا چراغ سرِ دار دیکھنا

علی سردار جعفری

غازے سے سفید مے سے رنگیں
اس دور کے داغ دار چہرے
یاد آئے ہیں عہد جنوں کے کھوئے ہوئے دل دار بہت
ان سے دور بسائی بستی جن سے ہمیں تھا پیار بہت
شفق صبحِ شہادت سے ہے تابندہ جبیں
ورنہ آلودۂ خوں تھا افق دار کا رنگ

احمد راہی

عام ہے کوچہ و بازار میں سرکار کی بات
اب سر راہ بھی ہوتی ہے سر دار کی بات

ماجد صدیقی

کل تھا کس رنگ میں اور آج سرِ بزم وفا
کیا نظر آیا ہے وہ حسن طرح دار ہمیں

تلوک چند محروم

لاکھوں ہیں دل ربا کوئی دل دار بھی تو ہو
غم دے چکے بہت کوئی غم خوار بھی تو ہو

ثروت حسین

کہاں وہ پیرہن سرخ اور کہاں وہ بدن
کہ عکس ماہ سے بے دار اک سمندر ہے

جوش ملیح آبادی

سینے میں خطائیں مضطر ہیں انعام کا وہ اقرار کریں
منصور ہزاروں اب بھی ہیں اے جوشؔ صلے میں دار تو ہو

رسا چغتائی

ساتھ اپنے غموں کی دھوپ رہی
ساتھ اک سرو سایہ دار رہا

سیف الدین سیف

حسرتِ دید پسِ مرگ نہ پوچھ
رہ گئے دیدۂ بے دار کھلے
ہم بھی قسمت کا لکھا دیکھیں گے
سیفؔ چل نامۂ دل دار کھلے

سلام مچھلی شہری

ان غزالان طرح دار کو کیسے چھوڑوں
جلوۂ وادی تاتار کو کیسے چھوڑوں

شکیل بدایونی

یہ اہلِ قلم یہ اہلِ ہنر دیکھو تو شکیلؔ ان سب کے جگر
فاقوں سے ہیں دل مرجھائے سوئے دار کی باتیں کرتے ہیں

عزیز حامد مدنی

شیشہ کہیں سے لاؤ شراب فرنگ کا
باقی جو تھی حکایت دل دار کچھ کہو

فانی بدایونی

اک یہ وفا کہ ننگ غمِ دوست ہے ہنوز
اک وہ ستم کہ حسن کا آئینہ دار ہے

افضل منہاس

اس پیڑ کو چھوا تو ثمر دار ہو گیا
پھر جانے کیا ہوا وہ شرر بار ہو گیا

احمد فراز

کوئے جاناں میں بھی خاصا تھا طرح دار فرازؔ
لیکن اس شخص کی سج دھج تھی سرِ دار جدا
شامِ اسیری و شبِ غربت تو ہو چکی
اک جاں کی بات ہے تو لبِ دار ہی سہی
کیا خبر تھی اے نگار شعر تیرے عشق میں
دلبران شہر کے دل دار بن جائیں گے ہم
پھر نعرۂ مستانہ فراز آؤ لگائیں
اہل رسن و دار بڑی دیر سے چپ ہیں
سنا ہے دیر و حرم میں تو وہ نہیں‌ ملتا
سو اب کے اس کو سرِ دار چل کے دیکھتے ہیں
سب قرینے اسی دل دار کے رکھ دیتے ہیں
ہم غزل میں بھی ہنر یار کے رکھ دیتے ہیں
سرِ مقتل شبِ آرزو رہے کچھ تو عشق کی آبرو
جو نہیں عدو تو فرازؔ تو کہ نصیب دار کوئی تو ہو
ملے کوئی بھی ترا ذکر چھیڑ دیتے ہیں
کہ جیسے سارا جہاں راز دار اپنا ہے
جو سر بھی کشیدہ ہو اسے دار کرے ہے
اغیار تو کرتے تھے سو اب یار کرے ہے

قتیل شفائی

تمام شہر میں کیا ایک بھی نہیں منصور
کہیں گے کیا رسن و دار آؤ سچ بولیں
آخرِ شب نہ کوئی آئے گا
میرے شبِ زندہ دار سونے دے
روز و شب اپنے لیے ہیں قتل کے فتوے قتیلؔ
مفتیِ شہر اس قدر دین دار پہلے تو نہ تھا
ایک تم ہو کہ خدا بن کے چھپے بیٹھے ہو
ایک ہم ہیں کہ لبِ دار تک آ پہنچے ہیں
کبھی کبھی جو رگِ جاں سے پھوٹ پڑتا ہے
وہ نغمۂ رسن و دار بھی نہیں باقی
ہمیں تو کفر کا طعنہ دیا تھا واعظ نے
حرم میں اب کوئی دیں دار بھی نہیں باقی
گدائے ذات کیا جانیں نوائے کائنات اے دل
یہ وہ منصور ہیں جو دار سے آگے نہیں جاتے

محبوب خزاں

اسی دل کو بھری دنیا کے جھگڑے جھیلنے ٹھہرے
یہی دل جس کو دنیا دار بھی کرتے نہیں بنتا

مجروح سلطان پوری

دیار جور میں رستہ ہے اک یہی ورنہ
کسے پسند ہے اے دل کہ سیر دار کرے

محسن احسان

ذرا رسائی‌ منزل گہ مراد تو دیکھ
چلے تھے شہرِ وفا سے پہنچ گئے سرِ دار
صبا میں تھا نہ دل آویزی بہار میں تھا
وہ اک اشارہ کہ اس چشم وضع دار میں تھا
محسنؔ احسان مشقت کی بھی حد ہوتی ہے
تم تو مر جاؤ گے بارِ غمِ دل دار کے ساتھ
عجیب مجلس اہل کمال ہے کہ یہاں
ہر ایک اپنا طرف دار ڈھونڈنے نکلا

محسن نقوی

سنگ دل احباب کے دامن میں رسوائی کے پھول
میں نے دیکھا ہے نیا منظر فرازِ دار پر

ناصر کاظمی

تو ہی بتا ترے بے خانماں کدھر جائیں
کہ راہ میں شجرِ سایہ دار بھی تو نہیں