انشاء اللہ خان انشا

مجھ سے اغیار کوئی آنکھ ملا سکتے ہیں
منہ تو دیکھو وہ مرے سامنے آ سکتے ہیں

شیخ ابراہیم ذوق

تم چشم سرمگیں کو جو اپنی دکھا چلے
بیٹھے بٹھائے خاک میں ہم کو ملا چلے

مصحفی غلام ہمدانی

سر اٹھاؤں کیوں کے میں مصحفیؔ نہیں مجھ میں تاب و تواں ذری
کہ خرام اس بت شوخ کی مجھے خاک ہی میں ملا گئی
جب تلک آوے ہے تو پھر کے یہ چال
خاک میں مجھ کو ملا رکھتی ہے
یوں قدم رکھ نہ زمیں پر تری رفتار سے آہ
دل کسی کا ہے کہ ماٹی میں ملا جاتا ہے
یہ سفاکیاں ہیں تو جوں مرغِ بسمل
ہمیں خاک و خوں میں ملا کر رہیں گی

میر انیس

پکارے کہتی تھی حسرت سے نعش عاشق کی
صنم کدھر کو ہمیں خاک میں ملا کے چلے

باقی صدیقی

منزل کی پتا جس نے دیا تھا مجھے باقیؔ
اس شخص سے رستے میں کئی بار ملا ہوں
دوستی شرط نہیں ہے کوئی
بس یونہی ہم سے ملا کیجے گا
کیا پتا ہم کو ملا ہے اپنا
اور کچھ نشہ چڑھا ہے اپنا
ہر چہرے کے پیچھے کتنے چہرے ہیں
کون ہمیں کس وقت ملا معلوم نہیں

جون ایلیا

رویا ہوں تو اپنے دوستوں میں
پر تجھ سے تو ہنس کے ہی ملا ہوں
تو جو ہے جان تو جو ہے جاناں
تو ہمیں آج تک ملا ہی نہیں
ہائے جونؔ اس کا وہ پیالۂ ناف
جام ایسا کوئی ملا ہی نہیں
کون ہوں میں جو رائیگاں ہی گیا
کون تھا جو کبھی ملا ہی نہیں
وہ جو تھا وہ کبھی ملا ہی نہیں
سو گریباں کبھی سلا ہی نہیں

جگر مراد آبادی

لب تھرتھرا کے رہ گئے لیکن وہ اے جگرؔ
جاتے ہوئے نگاہ ملا کر چلے گئے

سراج الدین ظفر

سطوت قیصرانہ کو شوکت خسروانہ کو
جامِ شراب عشق سے ہونٹ ملا کے بھول جا

عبدالحمید عدم

لہرا کے جھوم جھوم کے لا مسکرا کے لا
پھولوں کے رس میں چاند کی کرنیں ملا کے لا
مجھ سے نظر نہ پھیر کہ برہم ہے زندگی
مجھ سے نظر ملا کہ طبیعت اداس ہے

عرفان صدیقی

ہو رہا ہے قید و بندِ رہزناں کا بند و بست
عاملوں کو خط ملا ہو گا علیؑ آنے کو ہیں

مجید امجد

جو خود ان کے دلوں میں تھا تہہِ سنگ
وہ خزانہ کسی کسی کو ملا

اختر حسین جعفری

ایک پردہ ہٹا ایک چہرہ کھلا رات ڈھلنے لگی رت بدلنے لگی
چاند چلتا ہوا مہر سے جا ملا رات ڈھلنے لگی رت بدلنے لگی
جمع ہونے لگی فصل صدمات کی پتھروں پر ملیں چوڑیاں ہات کی
ایک فرد سزا ایک نوحہ ملا رات ڈھلنے لگی رت بدلنے لگی

جمال احسانی

وہ ملا دے گا ہمیں بھی جس نے
آب اور گل کو ملا رکھا ہے
ہر قرض سفر چکا دیا ہے
دشت اور نگر ملا دیا ہے

رئیس فروغؔ

ہجر کی آگ میں اے ری ہواؤ دو جلتے گھر اگر کہیں
تنہا تنہا جلتے ہوں تو آگ میں آگ ملا دینا
اپنے ہی شب و روز میں آباد رہا کر
ہم لوگ برے لوگ ہیں ہم سے نہ ملا کر
سائے میں سایہ ملا نہیں
دائرہ پورا ہوا نہیں
صحرا جاتا کہاں کہاں
دریا ساتھی ملا نہیں

احسان دانش

جتنے تھے جاں نثار چمن بعد صبحِ نو
کچھ اجر بھی کسی کو ملا دیکھتے چلو

اختر شیرانی

عشق کی چاندنی راتیں مجھے یاد آتی ہیں
عمرِ رفتہ کو مری مجھ سے ملا دے آ کر

ادا جعفری

گھر کا رستہ بھی ملا تھا شاید
راہ میں سنگ وفا تھا شاید

بشیر بدر

کوئی ہاتھ بھی نہ ملائے گا جو گلے ملو گے تپاک سے
یہ نئے مزاج کا شہر ہے ذرا فاصلہ سے ملا کرو
یہ خدا کی دین عجیب ہے کہ اسی کا نام نصیب ہے
جسے تو نے چاہا وہ مل گیا جسے میں نے چاہا ملا نہیں
بہت سے اجلے اجلے پھول لے کر
کوئی تم سے ملا تھا یاد ہوگا
پی مرے یار تجھے اپنی قسم دیتا ہوں
بھول جا شکوہ گلہ ہاتھ ملا جام اٹھا

بیخود بدایونی

رنج و ملال و حسرت و ارمان و آرزو
جانے سے ایک دل کے بہت کچھ ملا مجھے

ضیا جالندھری

واں شب گزیدہ سینوں کو سورج عطا ہوئے
تم بھی وہاں گئے تھے ضیاؔ تم کو کیا ملا

عبید اللہ علیم

یا میرے دیے کی لو بڑھا دے
یا رات کو صبح سے ملا دے
مجھ سے مرا کوئی ملنے والا
بچھڑا تو نہیں مگر ملا دے
جو ہے خدا کا آدمی اس کی ہے سلطنت الگ
ظلم نے ظلم سے اگر ہاتھ ملا لیا تو کیا

فارغ بخاری

اپنے ہی سائے میں تھا میں شاید چھپا ہوا
جب خود ہی ہٹ گیا تو کہیں راستہ ملا

احمد راہی

تنہائیوں کے دشت میں اکثر ملا مجھے
وہ شخص جس نے کر دیا مجھ سے جدا مجھے

ماجد صدیقی

لے ہاتھ سے ہاتھ اب ملا بھی
کھل جائے گا حرفِ مدعا بھی
اجنبی تھا وہ مجھ سے ملا بھی نہ تھا
اس سا لیکن کوئی آشنا بھی نہ تھا

حسرت موہانی

قسمت شوق آزما نہ سکے
ان سے ہم آنکھ بھی ملا نہ سکے
حسرتؔ یہ وہ غزل ہے جسے سن کے سب کہیں
مومنؔ سے اپنے رنگ کو تو نے ملا دیا

حفیظ جالندھری

شوق وصال ہے یہاں لب پہ سوال ہے یہاں
کس کی مجال ہے یہاں ہم سے نظر ملا سکے
مشروب جم ہی تلخی غم کا علاج ہے
شیرینی کلام ذرا سی ملا کے پی

سیف الدین سیف

اس کی مرضی ہے وہ ہر راحت میں
رنج تھوڑا سا ملا دیتا ہے

سیماب اکبر آبادی

جب تک غمِ الفت کا عنصر نہ ملا ہو گا
انسان کے پہلو میں دل بن نہ سکا ہو گا

عزیز حامد مدنی

اس کی نظر تغیر حالات پر گئی
کوئی مزاج دان محبت ملا نہیں

فانی بدایونی

دعا گدائے اثر ہے گدا پہ تکیہ نہ کر
کہ اعتماد اثر کیا ملا ملا نہ ملا

اختر ہوشیارپوری

چہرے پہ اجالا تھا گریباں میں سحر تھی
وہ شخص عجب تھا جسے رستے میں ملا ہوں

احمد فراز

زندگی سے یہی گلہ ہے مجھے
تو بہت دیر سے ملا ہے مجھے
کوہ کن ہو کہ قیس ہو کہ فرازؔ
سب میں اک شخص ہی ملا ہے مجھے
دشتِ افسردہ میں اک پھول کھلا ہے سو کہاں
وہ کسی خوابِ گریزاں میں ملا ہے سو کہاں
فرازؔ ترکِ تعلق تو خیر کیا ہو گا
یہی بہت ہے کہ کم کم ملا کرو اس سے

شاذ تمکنت

کچھ عجب آن سے لوگوں میں رہا کرتے تھے
ہم خفا ہو کے بھی آپس میں ملا کرتے تھے

قتیل شفائی

لوٹا ہے سدا جس نے ہمیں دوست بنا کر
ہم خوش ہیں اسی شخص سے پھر ہاتھ ملا کر
دیر سے آج مرا سر ہے ترے زانو پر
یہ وہ رتبہ ہے جو شاہوں کو ملا کرتا ہے

قیوم نظر

انسان دوستی کے تقاضوں کا سلسلہ
انسان دشمنی کی حدوں سے ملا ہوا
وہ کہاں مجھ پہ جفا کرتا تھا
جو مقدر تھا ملا کرتا تھا

محبوب خزاں

تھے دوسرے بھی تیری محبت کے آس پاس
دل کو مگر سکون ملا کم بہت ہی کم

ناصر کاظمی

ہڈی ہڈی صاف عیاں تھی
پیٹ کمر سے آن ملا تھا
نئے دیس کا رنگ نیا تھا
دھرتی سے آکاش ملا تھا
تنہائی کو کیسے چھوڑوں
برسوں میں اک یار ملا ہے