مرزا غالب

ہے بس کہ ہر اک ان کے اشارے میں نشاں اور
کرتے ہیں محبت تو گزرتا ہے گماں اور
کہتے ہو کیا لکھا ہے تری سرنوشت میں
گویا جبیں پہ سجدۂِ بت کا نشاں نہیں

حیدر علی آتش

قد محبوب کو شاعر کہیں سرو
قیامت کا یہ اے آتشؔ نشاں ہے
معدوم داغ عشق کا دل سے نشاں ہوا
افسوس بے چراغ ہمارا مکاں ہوا
پیوند خاک ہو گئے اک بت کی راہ میں
پتھر ہماری قبر کا سنگِ نشاں ہوا
قاتل کی تیغ سے رہ ملکِ عدم ملی
آہن ہمارے واسطے سنگِ نشاں ہوا
راہ میں تیری شب و روز بسر کرتا ہوں
وہی میل اور وہی سنگِ نشاں ہے کہ جو تھا
دولت عشق کا گنجینہ وہی سینہ ہے
داغِ دل زخمِ جگر مہر و نشاں ہے کہ جو تھا
نہ گور سکندر نہ ہے قبر دارا
مٹے نامیوں کے نشاں کیسے کیسے
مرے صنم کا کسی کو مکاں نہیں معلوم
خدا کا نام سنا ہے نشاں نہیں معلوم

داغ دہلوی

ایسا خط ان کو راہ میں‌ ملتا ہے روز ایک
جس میں‌کسی کا نام کسی کا نشاں نہیں

مصحفی غلام ہمدانی

بدن آغشتہ بخوں ہونے پہ موقوف نہیں
زخمی ناوک مژگاں کا نشاں اور ہی ہے
آتا ہے مصحفیؔ تو یہ کس کے زخم کھائے
تیرِ جفا کا کس نے تجھ کو نشاں بنایا
ناقہ گر گم نہ کرے راہ تو خود ریگِ رواں
استخواں ریزۂِ مجنوں کا نشاں دیتا ہے

مصطفٰی خان شیفتہ

نشان پائے غیر اس آستاں پر
نہیں ہے میرے مرقد کا نشاں ہے
ہم بے نشان اور وفا کا نشاں ہنوز
ہے خاکِ تن ہوا و ہوا خوں فشاں ہنوز
آشفتہ زلف، چاکِ قبا، نیم باز چشم
ہیں صحبتِ شبانہ کے ظاہر نشاں ہنوز

مرزا رفیع سودا

اس عشق کے ہے تو ہی سزا وار کہ ہر ایک
دل دے کے ترے نام کو جویائے نشاں ہے
سوداؔ کا ترے دشت میں طفلاں سے ہے یہ حال
جیدھر وہ کھڑا ہووے تو جوں سنگِ نشاں ہے
راست کیشوں کی تف آہ سے ڈر اے سرکش
تیر پھرتا نہیں جس وقت نشاں پر آیا

باقی صدیقی

جہاں تیری نطر ہو کار فرما
وہاں باقیؔ رہے میرا نشاں کیوں
ہم زیست کی راہوں میں دیے غم کے جلا کر
گزرے ہوئے لمحوں کے نشاں دیکھ رہے ہیں
بے نشاں رہتے بے نشاں ہوتے
تم نہ ہوتے تو ہم کہاں ہوتے
زندگی چال نہ چل جائے کہیں
کوئی بھی اپنا نشاں یاد نہیں
دل کے مٹنے لگے نشاں دیکھو
سود دیکھا ہے اب زیاں دیکھو
داغ آئینہ بن گئے فرسنگ
سفرِ شوق کے نشاں دیکھو
کبھی تیری تلاش میں نکلے
کبھی بن کر ترا نشاں ٹھہرے
جوش جنوں میں زیست کے سارے نشاں جلے
منزل جلی، مقام جلے ، کارواں جلے
کچھ اس طرح بھی کیا ہم نے طے سفر باقیؔ
نشان بن کے ہر اک بے نشاں کے ساتھ چلے

جون ایلیا

گم ہو کے جان تو مری آغوش ذات میں
بے نام و بے نشاں نہ ہوا کچھ نہیں ہوا
میرے اندر ہی تو کہیں غم ہے
کس سے پوچھوں ترا نشاں جاناں

سراج الدین ظفر

نقوشِ پا سے ہمارے اگے ہیں لالہ و گل
رہ بہار سے ہم بے نشاں نہیں گزرے
ایسا انداز غزل ہو کہ زمانے میں ظفرؔ
دورِ آئندہ کی قدر وں کا نشاں ہو جاؤں

قمر جلالوی

چلے آؤ یہاں گورِ غریباں میں نہیں کوئی
فقط اک بے کسی ہے جو بتاتی ہے نشاں میرا
مٹا کر رکھ دیے ہیں یوں ہزاروں بے زباں تو نے
نہ رکھا اپنے عہدِ ظلم کا کوئی نشاں تو نے

شکیب جلالی

اجنبی پر تو یہاں لطف سوا ہوتا ہے
میں بھی اس شہر میں بے نام و نشاں کیوں نہ ہوا
باقی ہے یہی ایک نشاں موسمِ گل کا
جاری رہے گلشن میں بیاں موسمِ گل کا

عرفان صدیقی

سیر غرناطہ و بغداد سے فرصت پاکر
اس خرابے میں بھی خوابوں کے نشاں دیکھئے گا
اے ہوا‘ کل تیری راہوں پر نشاں میرا بھی تھا
کارواں میں کچھ غبارِ کارواں میرا بھی تھا
کوئی دلدار نہیں تھا تو جتاتے کیا ہو
کیا چھپاتے ہو اگر اس کا نشاں لکھتے ہو
بہت ہے یہ بھی کہ موجوں کے روبرو کچھ دیر
رہا ہے ریگِ رواں پر نشاں ہمارا بھی
وقت کے ہاتھ میں دیکھا تو کوئی تیر نہ تھا
روح کے جسم پہ زخموں کے نشاں تھے کتنے
بانوئے ناقہ نشیں دیکھ کے چہرہ تیرا
بندۂ خاک نشاں کس کی طرف دیکھتا ہے

جمال احسانی

اک دریچہ اس گلی میں آج تک
بے چراغ و بے نشاں آباد ہے

اختر شیرانی

نہ وہ دل ہے اب نہ جوانیاں نہ وہ عاشقی کی کہانیاں
نہ وہ غم نہ اشک فشانیاں نہ وہ دردِ دل کا نشاں رہا
نہ وہ عمر ہے نہ مسرتیں نہ وہ عیش ہے نہ وہ عشرتیں
نہ وہ آرزوئیں نہ حسرتیں نہ خوشی کا نام و نشاں رہا

عبید اللہ علیم

کوئی بتلائے کہ کیسے یہ خبر عام کریں
ڈھونڈتی ہے جسے دنیا وہ نشاں ہیں ہم لوگ

فارغ بخاری

کب نکلے گی دیوانوں کی بارات گھروں سے
سینوں میں بغاوت کے نشاں تک نکل آئے

ماجد صدیقی

کانٹوں کے درمیاں گلِ تر کا نشاں بھی دیکھ
پاگل نہ بن، رتوں کو کبھی مہرباں بھی دیکھ
ماجدؔ ہے جس کا شور سماعت میں اب تلک
اس سیل تند و تیز کے چھوڑے نشاں بھی دیکھ

تلوک چند محروم

اجل آ کر بلند و پست کو ہموار کر دے گی
کوئی بالا نشیں کب تک کوئی پستی نشاں کب تک
علم آہ سر بلند ہے آج
کل ہمارا نشاں ملے نہ ملے

جلیل مانک پوری

دونوں جانب سے پردہ داری ہے
میں ہوں گم نام بے نشاں تو ہے

حفیظ جالندھری

وہ دل میں ہے دل آنکھوں میں نہاں ہے
نشاں دے کر نشاں والے نے مارا

حفیظ ہوشیارپوری

نہ غبار رہِ منزل ہے نہ آوازِ جرس
کون مجھ رہرو گم کردۂ نشاں تک پہنچے
روشنی سی کبھی کبھی دل میں
منزل بے نشاں سے آتی ہے

خاطر غزنوی

بستیاں ہو گئیں بے نام و نشاں راتوں رات
ایسے طوفان بھی آئے ہیں یہاں راتوں رات

سیف الدین سیف

زندگی سیفؔ لیے قافلہ ارمانوں کا
موت کی رات سے بے نام و نشاں گزری ہے

شان الحق حقی

اک نوا حاصل‌ صد عہد فغاں ہے حقیؔ
بوئے گل لاکھ بہاروں کا نشاں ہو جیسے

شکیل بدایونی

وہ دل میں رہتے ہیں دل کا نشاں نہیں معلوم
مکین ڈھونڈ رہا ہوں مکاں نہیں معلوم

فانی بدایونی

ہزار ڈھونڈیے اس کا نشاں نہیں ملتا
جبیں ملے تو ملے آستاں نہیں ملتا

فراق گورکھپوری

آج بھی قافلۂ عشق رواں ہے کہ جو تھا
وہی میل اور وہی سنگِ نشاں ہے کہ جو تھا
عشق حریم حسن میں اپنے سہارے رہ گیا
صبر کا بھی پتہ نہ تھا ہوش کا بھی نشاں نہ تھا
دور حیات محض تھا اس کے حریمِ راز میں
کیف و اثر کا ذکر کیا زیست کا بھی نشاں نہ تھا
یہ موت و عدم کون و مکاں اور ہی کچھ ہے
سن لے کہ مرا نام و نشاں اور ہی کچھ ہے

کیفی اعظمی

نئی زمین نیا آسماں بھی مل جائے
نئے بشر کا کہیں کچھ نشاں نہیں ملتا
وہ تیغ مل گئی جس سے ہوا ہے قتل مرا
کسی کے ہاتھ کا اس پر نشاں نہیں ملتا

محسن نقوی

اب کے بارش میں تو یہ کار زیاں ہونا ہی تھا
اپنی کچی بستیوں کو بے نشاں ہونا ہی تھا

ناصر کاظمی

اب تو منزل بھی ہے خود گرمِ سفر
ہر قدم سنگِ نشاں تھا پہلے
لشکر ہے نہ پرچم ہے نہ دولت ہے نہ ثروت
ہیں خاک نشینوں کے نشاں اور طرح کے