مرزا غالب

جو یہ کہے کہ ریختہ کیوں کر ہو رشکِ فارسی
گفتۂِ غالب ایک بار پڑھ کے اسے سنا کہ یوں
بات پر واں زبان کٹتی ہے
وہ کہیں اور سنا کرے کوئی
غالب تمہیں کہو کہ ملے گا جواب کیا
مانا کہ تم کہا کیے اور وہ سنا کیے

انشاء اللہ خان انشا

ہم نشیں تو جو یہ کہتا ہے کہ قدغن ہے بہت
اب وہ آواز بھی کب تجھ کو سنا سکتے ہیں
ایک ڈھب کے جو قوافی ہیں ہم ان میں انشاؔ
اک غزل اور بھی چاہیں تو سنا سکتے ہیں

داغ دہلوی

لوگ کہتے ہیں چپ لگی ہے تجھے
حالِ دل بھی سنا کے دیکھ لیا

مصطفٰیٰ خان شیفتہ

ڈر ہے کہ ہو نہ شوقِ مزامیر شیفتہ
ورنہ کبھی سماعِ مجرد سنا کروں

میر مہدی مجروح

اچھا ہوا محفل میں مجروحؔ نہ کچھ بولا
وہ حال اگر کہتا تو کس سے سنا جاتا
لعل کو اس کے لب سے کیا نسبت
یہ بھی اک بات ہے سنا کیجے

مرزا رفیع سودا

دخل کیا راہِ محبت میں نکو نامی کو
آیا اس کوچے میں جو ان نے سنا کیا کیا کچھ
خیال اپنے میں گو ہوں ترانہ سنجاں مست
کراہنے کے دلوں کو کبھی سنا بھی ہے

میر انیس

طلب سے عار ہے اللہ سے فقیروں کو
کہیں جو ہو گیا پھیرا صدا سنا کے چلے

یگانہ چنگیزی

پیام زیرِ لب ایسا کہ کچھ سنا نہ گیا
اشارہ پاتے ہی انگڑائی لی رہا نہ گیا

باقی صدیقی

ختم ہوتی نہیں دل کی باتیں
اپنا قصہ تو سنا بیٹھے ہیں
اب تو ہر بات پہ ہوتا ہے گماں
واقعہ کوئی سنا ہے اپنا
اپنا قصہ سنا رہا ہوں
سامنے تیرے آ رہا ہوں
دل میں جب بات نہیں رہ سکتی
کسی پتھر کو سنا دیتے ہیں
جانے کیا مستی میں اس نے بات کہی
نشے میں کیا ہم نے سنا معلوم نہیں
زیست کے ان فسانہ خوانوں سے
اک فسانہ سنا تھا پہلے بھی
حال جب پوچھا کسی نے باقیؔ
اک غزل اپنی سنا دی ہم نے

خواجہ میر درد

ہم بھی جرس کی طرح تو اس قافلے کے ساتھ
نالے جو کچھ بساط میں تھے سو سنا چلے
ان نے قصداً بھی میرے نالے کو
نہ سنا ہو گا گر سنا ہو گا
وہ مرے چاہنے کو کیا جانے
یہ سندیسا سنا دیا کن نے

عبدالحمید عدم

کیفیت سکوت سے بڑھتا ہے اور غم
قصہ کوئی سنا کہ طبیعت اداس ہے

قمر جلالوی

مرا خاموش رہ کر بھی انہیں سب کچھ سنا دینا
زباں سے کچھ نہ کہنا دیکھ کر آنسو بہا دینا
نزع کی اور بھی تکلیف بڑھا دی تو نے
کچھ نہ بن آیا تو آواز سنا دی تو نے

عرفان صدیقی

وہ سمجھتا ہے یہ اندازِ تخاطب کہ نہیں
یہ غزل اس غزل آراء کو سناکر دیکھیں

الطاف حسین حالی

کل حالیؔ دیوانہ کہتا تھا کچھ افسانہ
سننے ہی کے قابل تھا تم نے بھی سنا ہوتا

جمال احسانی

میں سن چکا ہوں ہواؤں اور بادلوں میں جو مشورے ہوئے ہیں
جو بارشیں اب کے ہونے والی ہیں ان کے قصے سنا رہا ہوں

رئیس فروغؔ

میں نے بھی ایک حرف بہت زور سے کہا
وہ شور تھا مگر کہ کسی نے سنا نہیں
ساحل جیسی عمر میں ہم سے ساگر نے اک بات نہ کی
لہروں نے تو جانے کیا کیا کہا بھی ہے اور سنا بھی ہے
باتوں کے لیے شکوۂموسم ہی بہت ہے
کچھ اور کسی سے نہ کہا کر نہ سنا کر
یہ برستے ہوئے بادل تو نہ سونے دیں گے
کوئی بچپن کی کہانی ہی سنا کر دیکھو

احسان دانش

کیوں نہ اس شب سے نئے دور کا آغاز کریں
بزم خوباں سے کوئی نغمہ سنا دو ہم کو
آج ماحول کو آرائشِ جاں سے ہے گریز
کوئی دانشؔ کی غزل لا کے سنا دو ہم کو

اختر شیرانی

عشق کو نغمۂ امید سنا دے آ کر
دل کی سوئی ہوئی قسمت کو جگا دے آ کر

اسرار الحق مجاز

وہ آنکھیں جھکیں وہ کوئی مسکرایا
پیام محبت سنا چاہتا ہوں

بشیر بدر

سوچا نہیں اچھا برا دیکھا سنا کچھ بھی نہیں
مانگا خدا سے رات دن تیرے سوا کچھ بھی نہیں
کوئی پھول دھوپ کی پتیوں میں ہرے ربن سے بندھا ہوا
وہ غزل کا لہجہ نیا نیا نہ کہا ہوا نہ سنا ہوا

بیان میرٹھی

گداز کرتے ہیں میرے دل کو وہ یوں بٹھاتے ہیں اپنا سکہ
جلی کٹی ہو رہی ہے کیا کیا عدو سے مجھ کو سنا سنا کر
ریختہ رشک فارسی اس سے نہ ہو سکا بیاں
محفل عرس میرؔ میں شعر مرے سنا کہ یوں

سدرشن فاکر

سزا دیں صلہ دیں بنا دیں مٹا دیں
مگر وہ کوئی فیصلہ تو سنا دیں

ضیا جالندھری

عجیب عالمِ ہو تھا ضیاؔ جب آخرِ شب
کسی کو دل نے یہ کہتے ہوئے سنا کہ میں ہوں

عبید اللہ علیم

پڑھتا نہیں ہے اب کوئی سنتا نہیں ہے اب کوئی
حرف جگا لیا تو کیا شعر سنا لیا تو کیا

ماجد صدیقی

وہ کیا ادا ہے مجھے جس کی بھینٹ چڑھنا ہے
یہ فیصلہ بھی کسی روز اب سنا دوں گا

جلیل مانک پوری

یہ کہہ گیا بت نا آشنا سنا کے مجھے
کہ آپ میں نہیں رہتا ہے کوئی پا کے مجھے

حسرت موہانی

دل سے ارباب وفا کا ہے بھلانا مشکل
ہم نے یہ ان کے تغافل کو سنا رکھا ہے
حال سنتے وہ کیا مرا حسرتؔ
وہ تو کہیے سنا گئیں آنکھیں

حفیظ جالندھری

تم ہی نہ سن سکے اگر قصۂ غم سنے گا کون
کس کی زباں کھلے گی پھر ہم نہ اگر سنا سکے
ایسا ہو کوئی نامہ بر بات پہ کان دھر سکے
سن کے یقین کر سکے جا کے انہیں سنا سکے
حال یہ ہے کہ ہم غریبوں کا
حال تم نے کبھی سنا ہی نہیں
عشق میرا ہے شہر میں مشہور
اور تم نے ابھی سنا ہی نہیں

سیف الدین سیف

مری داستان حسرت وہ سنا سنا کے روئے
مرے آزمانے والے مجھے آزما کے روئے
کوئی ایسا اہلِ دل ہو کہ فسانۂ محبت
میں اسے سنا کے روؤں وہ مجھے سنا کے روئے

سیماب اکبر آبادی

بقیدِ وقت یہ مژدہ سنا رہا ہے کوئی
کہ انقلاب کے پردے میں آ رہا ہے کوئی
حدیث کہنہ ہے روداد انقلاب چمن
سنی ہوئی سی کہانی سنا رہا ہے کوئی

شکیل بدایونی

یہ کیا خبر تھی کہ شامِ فرقت مرے لیے سازگار ہو گی
وہ ماہ و انجم کی آڑ لے کر مرے فسانے سنا کریں گے

فانی بدایونی

مہلت نہ ملی غم سے اتنی بھی کہ حال اپنا
ہم آپ کہا کرتے اور آپ سنا کرتے
اظہارِ محبت کی حسرت کو خدا سمجھے
ہم نے یہ کہانی بھی سو بار سنا ڈالی

اختر ہوشیارپوری

گونج اس کی آج بھی مرے خلوت کدے میں ہے
وہ نغمہ جس کو تو نے دوبارہ سنا نہیں

احمد فراز

وہی عشق جو تھا کبھی جنوں اسے روزگار بنا دیا
کہیں‌ زخم بیچ میں‌ آ گئے کہیں‌ شعر کوئی سنا دیا
یہ کیا کہ تم ہی غم ہجر کے فسانے کہو
کبھی تو اس کے بہانے سنا کرو اس سے

شاذ تمکنت

ایک چپ چاپ لگن سی تھی ترے بارے میں
لوگ آ آ کے سناتے تھے سنا کرتے تھے
شاذؔ ادھر خواب کے دریا پہ ملے گا کوئی
ایک پرچھائیں سرِ آب سنا ٹھہرے گی

فراق گورکھپوری

ساز نشاطِ زندگی آج لرز لرز اٹھا
کس کی نگاہیں عشق کا درد سنا کے رہ گئیں

کلیم عاجز

میری شاعری میں ترے سوا کوئی ماجرا ہے نہ مدعا
جو تری نظر کا فسانہ تھا وہ مری غزل نے سنا دیا

محبوب خزاں

آدھی عمر کٹ گئی خیال و خواب میں
شعر سب کہیں گے اور سنا کریں گے ہم

محسن نقوی

یہ درد کی تنہائیاں یہ دشت کا ویراں سفر
ہم لوگ تو اکتا گئے اپنی سنا آوارگی

ناصر کاظمی

چمک چمک کے رہ گئیں نجوم و گل کی منزلیں
میں درد کی کہانیاں سنا سنا کے رہ گیا
سرِ مقتل بھی صدا دی ہم نے
دل کی آواز سنا دی ہم نے
جو گفتنی نہیں وہ بات بھی سنا دوں گا
تو ایک بار تو مل، سب گلے مٹا دوں گا
اتفاقاتِ زمانہ بھی عجب ہیں ناصر
آج وہ دیکھ رہے ہیں جو سنا کرتے تھے
کیا سنیں شور بہاراں ناصر
ہم نے کچھ اور سنا ہے اب کے