مرزا غالب

میں اور حظ وصل خدا ساز بات ہے
جاں نذر دینی بھول گیا اضطراب میں
وہ آ کے ، خواب میں ، تسکینِ اضطراب تو دے
ولے مجھے تپشِ دل ، مجالِ خواب تو دے
رفتارِ عمر قطعِ رہ اضطراب ہے
اس سال کے حساب کو برق آفتاب ہے

انشاء اللہ خان انشا

مثل فرمودۂِ حضور انشاؔ
پھر وہی اضطراب باقی ہے

بہادر شاہ ظفر

منگائی تھی تری تصویرِ دل کی تسکیں کو
مجھے تو دیکھتے ہی اور اضطراب ہوا
خوب ہو گا ہاں جو سینہ سے نکل جائے گا تو
چین مجھ کو اے دل پر اضطراب آ جائے گا

شیخ ابراہیم ذوق

بلا سے آپ نہ آئیں پہ آدمی ان کا
تسلی آ کے مجھے وقت اضطراب تو دے
شہید کیجیو قاتل ابھی نہ کر جلدی
ٹھہرنے مجھ کو تہِ تیغ اضطراب تو دے
مجھ کو رسوا کریں گی خوب اے دل
یہ تری اضطراب کی باتیں

مصحفی غلام ہمدانی

نہ قفس میں ایسے مجھ کو تو اسیر کیجو صیاد
کہ گھڑی گھڑی وہ ہووے دم اضطراب الٹا
مرے دم الٹنے کی جو خبر اس کو دی کسی نے
وہیں نیم رہ سے قاصد بہ صد اضطراب الٹا
آئے ہو تو کوئی دم تو بیٹھو
اے قبلہ یہ اضطراب کیا ہے
یہ دم اس کے وقت رخصت بہ صد اضطراب الٹا
کہ بہ سوئے دل مژہ سے وہیں خونِ ناب الٹا
دل کوہ کا ہو گیا ہے پانی
دریا سب اضطراب میں ہے
سینے میں ٹھہرتا ہی نہیں دل
یارب اسے اضطراب کیا ہے
سینے سے نکل پڑا نہ آخر
دل کا مرے اضطراب دیکھا
میں ہوا ہوں جس پہ عاشق یہ شگرف ماجرا ہے
کہ مرے عوض لگا ہے اسے اضطراب الٹا
ایسا ہی عزم ہے تجھے گر کوئے یار کا
چلتا ہوں میں بھی اے دل پر اضطراب آ

مومن خان مومن

کہتے ہیں تم کو ہوش نہیں اضطراب میں
سارے گلے تمام ہوئے اک جواب میں
پیہم سجود پائے صنم پر دم وداع
مومنؔ خدا کو بھول گئے اضطراب میں

باقی صدیقی

میکشوں میں وہ اضطراب نہیں
کون اے دوست باریاب نہیں

جون ایلیا

سب چلے جاؤٔ مجھ میں تاب نہیں
نام کو بھی اب اضطراب نہیں
رہیو تو یوں ہی محو آرایش
باہر اک اضطراب ہے سو ہے

جگر مراد آبادی

مست جامِ شراب ہونا تھا
بے خود اضطراب ہونا تھا
ہائے وہ لمحۂ سکوں کہ جسے
محشر اضطراب ہونا تھا
کیوں نظر حیرتوں میں ڈوب گئی
موجِ صد اضطراب ہونا تھا
ہر نفس موج اضطراب ہوا
زندگی کیا ہوئی عذاب ہوا
نگۂ ناز لے خبر ورنہ
درد محبوب اضطراب ہوا
عشق کے ہر سکون آخر کو
حسن کے اضطراب نے مارا
کوئی پوچھے کہ رہ کے پہلو میں
تیر کیا اضطراب نے مارا
مجھے کیا پڑی ہے ترے در سے اٹھوں
ٹھہرنے جو دے اضطراب محبت
حدود محبت سے بھی بڑھ گئے ہم
سلامت رہے اضطراب محبت

قمر جلالوی

آغاز شوقِ دید میں اتنی خطا ہوئی
انجام پر نگاہ نہ کی اضطراب میں
تمھارے اور بھی وعدوں کی شب یوں ہی کاٹی
یقین ہی نہ ہوا اضطراب کیا ہوتا

عرفان صدیقی

وہ مل گیا ہے مگر جانے کب بچھڑ جائے
سکوں بہت ہے مگر اضطراب کتنا ہے