مرزا غالب

گر نہ ‘اندوہِ شبِ فرقت ‘بیاں ہو جائے گا
بے تکلف، داغِ مہ مہرِ دہاں ہو جائے گا
ذکر اس پری وش کا، اور پھر بیاں اپنا
بن گیا رقیب آخر، تھا جو رازداں اپنا
ہیں اور بھی دنیا میں سخنور بہت اچھے
کہتے ہیں کہ غالب کا ہے انداز بیاں اور
بہ قدرِ شوق نہیں ظرفِ تنگنائے غزل
کچھ اور چاہیے وسعت مرے بیاں کے لیے

انشاء اللہ خان انشا

شوخی ادا سو ایسی جوش و خروش اتنا
بندش دھواں سو یہ اور طرزِ بیاں تماشا

حیدر علی آتش

اس گل سے عرضِ حال کی حسرت ہی رہ گئی
کانٹے پڑے زباں میں جو میل بیاں ہوا
پائے خم مستوں کے ہو حق کا جو عالم ہے سو ہے
سرِ منبر وہی واعظ کا بیاں ہے کہ جو تھا

داغ دہلوی

سن کر مرا فسانۂِ غم اس نے یہ کہا
ہو جائے جھوٹ سچ یہی خوبی بیاں کی ہے

مصحفی غلام ہمدانی

سیکڑوں ہو گئے صاحب دیواں
میری تقریری و بیاں کی دولت

مصطفٰی خان شیفتہ

کیوں ہر نفس ہے شہدِ خموشی سے بند لب
بھائی ہے دل کو کون سے شیریں بیاں کی طرح

میر مہدی مجروح

سنا حالِ دل مجروحؔ شب کو
کوئی حسرت سی حسرت تھی بیاں میں
ڈھب ہے یہ یار تک پہنچنے کا
کاش قاصد ہی کا بیاں ہوں میں
بات میں دل کو کھینچ لیتے ہو
کس قیامت کے خوش بیاں ہو تم

فیض احمد فیض

ہم نے جو طرزِ فغاں کی ہے قفس میں ایجاد
فیض گلشن میں وہی طرزِ بیاں ٹھہری ہے

مرزا رفیع سودا

مقدور نہیں اس کی تجلی کے بیاں کا
جوں شمع سراپا ہو اگر صرف زباں کا
ہر ایک کے دکھ درد کا اب ذکر و بیاں ہے
مجھ کو بھی ہو رخصت مرے بھی منہ میں زباں ہے

یگانہ چنگیزی

شکوۂ‌ دردِ جگر اے مہرباں کیوں کر کریں
آپ سن کیوں کر سکیں اور ہم بیاں کیوں کر کریں
ہوش میں پھر کون تھا جب درد کا ساغر چلا
آخرِ شب کی وہ کیفیت بیاں کیوں کر کریں

باقی صدیقی

دل کا ہر زخم ہے زباں اپنی
اس پہ بھی حسرت بیاں دیکھو
قہقہوں کے ساغر میں ڈھل سکیں نہ وہ باتیں
موج لب سے پہلے کر گئے بیاں چہرے
حالِ دل ان کو بتانے کے لیے
ایک عالم سے بیاں کرنا پڑے
پوچھتے ہیں وہ حالِ دل باقیؔ
یہ بھی گویا مرے بیاں تک ہے

جگر مراد آبادی

محبت آپ اپنی ترجماں ہے
یہی خود چشم و دل لفظ و بیاں ہے
عشق کی چوٹ دکھانے میں کہیں آتی ہے
کچھ اشارے تھے کہ جو لفظ و بیاں تک پہنچے

خواجہ میر درد

تجھے درد کیوں کہ سناؤں میں نہ خدا کسی کو دکھائے یہ
جو کچھ اپنے جی پہ گزرتی ہے کہوں کیا کہ اس کا بیاں نہیں

سراج الدین ظفر

میں نے کہا کہ زہد سراسر فریب ہے
اس نے کہا یہ بات یہاں کم بیاں کرو

قمر جلالوی

مجھے معلوم ہے اپنی کہانی، ماجرا اپنا
نہ قاصد سے بیاں ہو گی نہ قاصد سے بیاں ہو گا
خدا معلوم کیا سے کیا کیا ہو گا بیاں تو نے
لفافے میں نہ رکھ لی نامہ بر میری زباں تو نے

شکیب جلالی

باقی ہے یہی ایک نشاں موسمِ گل کا
جاری رہے گلشن میں بیاں موسمِ گل کا

عرفان صدیقی

سوچتا ہوں کہ محفوظ کر لوں اسے اپنے سینے میں لفظ و بیاں کی طرح
تھوڑی ہی دیر میں یہ ملاقات بھی ختم ہو جائے گی داستاں کی طرح
غزل میں ہم سے غمِ جاں بیاں کبھی نہ ہوا
تمام عمر جلے اور دھواں کبھی نہ ہوا
خدا نے ذہن میں لفظ و بیاں کو بھیج دیا
جو کچھ کمایا تھا میں نے سو ماں کو بھیج دیا
وہی ہیں مرجعِ لفظ و بیاں علیؑ سے کہو
جو دل میں ہے وہ دل آزردگاں علیؑ سے کہو
کچھ نہ سمجھے کہ خموشی مری کیا کہتی ہے
لوگ دلدادۂ الفاظ و بیاں تھے کتنے

مجید امجد

ہمیں سمجھو، نگاہِ ناز والو!
لبوں پر کانپتا حرفِ بیاں ہم
لکھے ہیں لوحوں پہ جو مردہ لفظ، ان میں جییں
اس اپنی زیست کے اسرار کے بیاں کے لیے

الطاف حسین حالی

بزمِ سخن میں جی نہ لگا اپنا زینہار
شب انجمن میں حالیؔ جادو بیاں نہ تھا
اب شوق سے بگڑ کے ہی باتیں کیا کرو
کچھ پا گئے ہیں آپ کے طرزِ بیاں سے ہم

اختر شیرانی

بہار آئی ہے بلبل دردِ دل کہتی ہے پھولوں سے
کہو تو میں بھی اپنا دردِ دل تم سے بیاں کر لوں
چمن میں ہیں بہم پروانہ و شمع و گل و بلبل
اجازت ہو تو میں بھی حالِ دل اپنا بیاں کر لوں

بیان میرٹھی

کہاں ہیں اہل فن لاؤں کہاں سے
نظیریؔ کو ظہوریؔ کو بیاںؔ کو

سدرشن فاکر

چلو یہ مان لیا مجرم محبت ہیں
ہمارے جرم کا ہم سے بیاں سنو تو سہی

عالم تاب تشنہ

تشنہؔ کچھ سب سے جدا ہے کہ نہیں تیری غزل
منفرد سوداؔ کا انداز بیاں ہے کہ نہیں

علی سردار جعفری

دین کس نگہ کی ہے کن لبوں کی برکت ہے
تم میں جعفریؔ اتنی شوخی بیاں کیوں ہے

فارغ بخاری

اب تو نہ کرو راہ نماؤں کی شکایت
اخباروں میں اب ان کے بیاں تک نکل آئے

ماجد صدیقی

گل ہیں خوشبو ہیں کہکشاں ہیں ہم
تو ہے عنوان دل، بیاں ہیں ہم

تلوک چند محروم

صلہ حسن عمل کا خونِ دل ہے اس زمانے میں
مرے کام آئے گی رنگینی حسنِ بیاں کب تک
جب تک خیالِ حسن سے آباد ہو نہ دل
ممکن نہیں زبان کو حسنِ بیاں ملے
نکتہ چینی سے نہ باز آئیں گے ہرگز نکتہ چیں
لاکھ اے محرومؔ ہم حسنِ بیاں پیدا کریں

جوش ملیح آبادی

فلک سے ہنگام شعر گوئی صدائیں پیہم یہ آ رہی ہیں
کہ آج اے جوشؔ نکتہ پرور ترا سا جادو بیاں نہیں ہے
ہے کہیں آفتاب ذات و صفات
یا شعاع بیاں ہے کیا معلوم

حفیظ ہوشیارپوری

ابتدا میں جنہیں ہم ننگ وفا سمجھے تھے
ہوتے ہوتے وہ گلے حسنِ بیاں تک پہنچے

سیماب اکبر آبادی

اجازت دے کہ اپنی داستانِ غم بیاں کر لیں
ترے احساس اور اپنی زباں کا امتحاں کر لیں

شان الحق حقی

کیا سناتی ہے یہ سازوں کی صدائے دل سوز
کچھ ہمیں درد نصیبوں کا بیاں ہو جیسے

فانی بدایونی

مجاز اور حقیقت کچھ اور ہے یعنی
تری نگاہ سے تیرا بیاں نہیں ملتا
آنکھیں چرا کے آپ نے افسانہ کر دیا
جو حال تھا زباں سے قریب اور بیاں سے دور
تلقین صبر دل سے تو کوئی دشمنی نہ تھی
دیکھا یہ حال قابل شرح و بیاں نہ تھا

اختر ہوشیارپوری

ہدایتوں کا ہے محتاج نامہ بر کی طرح
فقیہہ شہر طلسم بیاں کے ہوتے ہوئے

فراق گورکھپوری

پھر تری چشم سخن سنج نے چھیڑی کوئی بات
وہی جادو ہے وہی حسنِ بیاں ہے کہ جو تھا
پھر وہی رنگِ تکلم نگہِ ناز میں ہے
وہی انداز وہی حسنِ بیاں ہے کہ جو تھا
پھر تری چشم سخن سنج نے چھیڑی کوئی بات
وہی جادو ہے وہی حسنِ بیاں ہے کہ جو تھا
میری گھٹی میں پڑی تھی ہو کے حل اردو زباں
جو بھی میں کہتا گیا حسنِ بیاں بنتا گیا

قابل اجمیری

ہمیشہ شمع بھڑکے گی سدا پیمانہ چھلکے گا
تری محفل میں ہم چھوڑ آئے ہیں جوش بیاں اپنا

کلیم عاجز

درد کب دل میں مہرباں نہ رہا
ہاں مگر قابل بیاں نہ رہا

محسن احسان

میں اس کو پڑھتا ہوں انجیل آرزو کی طرح
سمجھ میں آئے تو معنی ہر اک بیاں نہ کروں

ناصر کاظمی

کچھ ترا حسن بھی ہے ہوش ربا
کچھ مری شوخی بیاں بھی ہے
لبِ معجزِ بیاں نے چھین لیا
دل کا شعلہ زباں نے چھین لیا
قصے ہیں خموشی میں نہاں اور طرح کے
ہوتے ہیں غمِ دل کے بیاں اور طرح کے