مرزا غالب

ہر چند سبک دست ہوئے بت شکنی میں
ہم ہیں، تو ابھی راہ میں ہیں سنگِ گراں اور
نقصاں نہیں جنوں میں بلا سے ہو گھر خراب
سو گز زمیں کے بدلے بیاباں گراں نہیں
وہ اپنی خو نہ چھوڑیں گے ہم اپنی وضع کیوں چھوڑیں
سبک سر بن کے کیا پوچھیں کہ ہم سے سر گراں کیوں ہو

انشاء اللہ خان انشا

بھر بھر کے گلستاں میں مئے عیش‌ و جشن سے
دیتی ہے ہر گھڑی مجھے رطلِ گراں بسنت

حیدر علی آتش

آئندہ و روندہ کی چلتی ہیں ٹھوکریں
جادہ جو اپنا تھا اسی خوابِ گراں میں ہے
آیا ہے یار فاتحہ پڑھنے کو قبر پر
بیدار بختِ خفتہ ہے خوابِ گراں میں ہم
انساں کو چاہیے کہ نہ ہو ناگوار طبع
سمجھے سبک اسے جو کسی پر گراں ہوا
انصاف کی ترازو میں تولا عیاں ہوا
یوسف سے تیرے حسن کا پلہ گراں ہوا
روز کرتے ہیں شبِ ہجر کو بیداری میں
اپنی آنکھوں میں سبک خوابِ گراں ہے کہ جو تھا
سپرد کس کے مرے بعد ہو امانت عشق
اٹھائے کون یہ نار گراں نہیں معلوم

داغ دہلوی

یہ مصرع لکھ دیا ظالم نے میری لوح تربت پر
جو ہو فرقت کی بیتابی تو یوں خوابِ گراں کیوں ہو

مصحفی غلام ہمدانی

اور بھی ہم کو رہنے دے چندے
گو تری طبع پر گراں ہیں ہم
قیمت ہے ہماری اک تبسم
اس نرخ پہ کچھ گراں نہیں ہم
وہ بت قطع کرتا ہے زلفوں کو شاید
نزاکت پر اس کی گراں ہو گئی ہیں
دل و جاں مجھ سے وہ مانگے ہے بہائے بوسہ
ہے تو سودا بہت اچھا پہ گراں دیتا ہے

مصطفٰی خان شیفتہ

زیبا نہیں ہے دوست سے کرنا معاملہ
کچھ ورنہ ناز جان کے بدلے گراں نہیں
کیوں یہ ہجوم شور و شغب ہے نشور میں
ایسا تو شیفتہؔ ہمیں خوابِ گراں نہیں

میر مہدی مجروح

بس کہ اک جنس رائیگاں ہوں میں
جتنا ارزاں بکوں گراں ہوں میں

فیض احمد فیض

وصل کی شب تھی تو کس درجہ سبک گزری تھی
ہجر کی شب ہے تو کیا سخت گراں ٹھہری ہے

مرزا رفیع سودا

دکھلائیے لے جا کے تجھے مصر کا بازار
لیکن نہیں خواہاں کوئی واں جنس گراں کا

باقی صدیقی

زیست کی راہ میں اکثر آیا
دل بھی اک سنگِ گراں کی صورت
ہوش آنے لگا دیوانے کو
عقلکا سنگِ گراں یاد آیا
ہم تھے شاکی کہ جہاں تھا شاکی
کون تھا کس پہ گراں یاد نہیں
ہے زندگی بھی ٹوٹا ہوا آئنہ تو کیا
تم بھی بطرز شیشہ گراں بولتے رہو

جگر مراد آبادی

مجھے یہ وہم رہا مدتوں کہ جرأت شوق
کہیں نہ خاطر معصوم پر گراں گزرے
بہت حسین مناظر بھی حسن فطرت کے
نہ جانے آج طبیعت پہ کیوں گراں گزرے
جو زمانے کو برا کہتے ہیں خود ہیں وہ برے
کاش یہ بات ترے گوش گراں تک پہنچے

خواجہ میر درد

مرے دل کے شیشے کو بے وفا تو نے ٹکڑے ٹکڑے ہی کر دیا
مرے پاس تو وہی ایک تھا یاں دکان شیشہ گراں نہیں

سراج الدین ظفر

میں نے کہا ہم سے زمانہ ہے سر گراں
اس نے کہا کہ اور اسے سر گراں کرو
ہجومِ گل میں رہے ہم ہزار دست دراز
صبا نفس تھے کسی پر گراں نہیں گزرے

شکیب جلالی

نارسائی تھی مرے شوق کا حاصل تو‘ شکیبؔ
حائلِ راہ کوئی سنگِ گراں کیوں نہ ہوا
آئینۂ جذباتِ نہاں ہیں تری آنکھیں
اک کارگہ شیشہ گراں ہیں تری آنکھیں
جب پھول مرے چاکِ گریباں پہ ہنسے تھے
لمحہ وہی گزرا ہے گراں موسمِ گل کا

عرفان صدیقی

کوئی افق تو ہو کہ ہم جس کی طرف پلٹ سکیں
شام ہوئی تو یہ خیالِ دل پہ گراں بہت ہوا
میں نے جس کو اگلی نسلوں کے حوالے کر دیا
یار سچ پوچھو تو وہ بارِ گراں میرا بھی تھا
موسم ہجر سے اس درجہ سبک سار ہے دل
اس پہ اب حرفِ محبت بھی گراں ہے جاناں
لو، میں راز ہنر چارہ گراں کھولتا ہوں
تنگ آیا ہوں سو پیراہن جاں کھولتا ہوں
جس کے حلقے کا نشاں بھی نہیں باقی کوئی
اب تک اس رشتے کو زنجیرِ گراں لکھتے ہو
کرے کمند تعاقب تو ان کو دو آواز
بنے عذاب جو بندِ گراں علیؑ سے کہو
اس کے بسمل ہیں سو ہم دیکھتے ہیں اس کی طرف
وہ شہِ چارہ گراں کس کی طرف دیکھتا ہے
جان بچنے پہ یہ شکرانہ ضروری ہے ‘ مگر
جانتا ہوں ہنر چارہ گراں جیسا ہے
میں وہ بسمل ہوں کہ بچنا نہیں اچھا جس کا
ویسے خطرہ ہنر چارہ گراں سے کم ہے
ہو کا عالم ہے گرفتاروں کی آبادی میں
ہم تو سنتے تھے کہ زنجیرِ گراں بولتی ہے

مجید امجد

در پیرِ مغاں ہے اور میں ہوں
وہی رطلِ گراں ہے اور میں ہوں

الطاف حسین حالی

رونا یہ ہے کہ آپ بھی ہنستے تھے ورنہ یاں
طعن رقیب دل پہ کچھ ایسا گراں نہ تھا

اسرار الحق مجاز

دل خوں گشتۂ جفا پہ کہیں
اب کرم بھی گراں نہ ہو جائے
تیرے بیمار کا خدا حافظ
نذر چارہ گراں نہ ہو جائے
یہ جہاں بارگہ رطلِ گراں ہے ساقی
اک جہنم مرے سینے میں تپاں ہے ساقی

عالم تاب تشنہ

ہر گل نم کے لیے ہے کہ نہیں گردش چاک
یہ جہاں کارگہ کوزہ گراں ہے کہ نہیں
وہ مرا دشمنِ جاں ہے کہ نہیں سنگ بدست
رائیگاں کوشش صد شیشہ گراں ہے کہ نہیں

عبید اللہ علیم

اک متاعِ دل و جاں پاس تھی سو ہار چکے
ہائے یہ وقت کہ اب خود پہ گراں ہیں ہم لوگ

فارغ بخاری

خرد بھی نا مہرباں رہے گی شعور بھی سر گراں رہے گا
ان آندھیوں میں مرا جنون وفا مگر ضو فشاں رہے گا
الجھ الجھ کر مجھے حوادث کی تند لہروں سے کھیلنے دو
فسردہ ساحل کا خشک ماحول مجھ کو بارِ گراں رہے گا

ماجد صدیقی

جب بھی ہوتا ہے بہ احساس گراں ہوتا ہے
کیا کہوں ذکر ترا کیسے رواں ہوتا ہے
دل پہ چھایا ہے وہ احساس گراں
چھوڑتا ہی نہیں اندیشۂ جاں

تلوک چند محروم

سبک ہے یا گراں اے زندگی آخر ہے تو اپنی
تجھے اپنائیں گے تجھ سے رہیں گے سر گراں کب تک
جنسِ نایاب ہے دلِ بیتاب
پھر بھی اس کو گراں نہیں کرتے
ارزاں سمجھ اگر غمِ الفت گراں ملے
نقصاں نہیں اگر عوض‌ نقدِ جاں ملے

ثروت حسین

آئینے کو سبز کیا میری آنکھوں نے
مجھ سے ہی یہ کار شیشہ گراں ہونا تھا
آئینے کا حضور سمندر لگا مجھے
کاٹا ہے میں نے سیل گراں اپنے ہاتھ سے

جوش ملیح آبادی

فرق پر وقت کا پتھراؤ ہے کب سے جاری
ذہن میں کار گہہ شیشہ گراں ہے اب تک
نفس امارہ بخشنے والا
ہم سے کیوں سر گراں ہے کیا معلوم

سید ضمیر جعفری

جان و دل نذر ہیں لیکن نگہِ لطف کی نذر
مفت بکتے ہیں قیامت بھی گراں رکھتے ہیں

سیف الدین سیف

ایسے لمحے بھی گزارے ہیں تری فرقت میں
جب تری یاد بھی اس دل پہ گراں گزری ہے

سیماب اکبر آبادی

کسی کے دل میں گنجائش نہیں وہ بار ہستی ہوں
لحد کو بھی مری مٹی گراں معلوم ہوتی ہے

شکیل بدایونی

ارزاں ہے ظلم و جور کی افتادگی مگر
جنس‌ و‌ وفا و مہر گراں دیکھتا ہوں میں
اب ہم ہیں اور حقیقت آلام ہے شکیلؔ
لمحے خوشی کے خوابِ گراں بن کے رہ گئے

فانی بدایونی

میرے دل غیور کا حسنِ طلب تو دیکھ
گویا زباں پہ حرفِ تمنا گراں نہ تھا

احمد فراز

جب تجھے یاد کریں کارِ جہاں کھینچتا ہے
اور پھر عشق وہی کوہِ گراں کھینچتا ہے
دل کے ٹکڑوں کو کہاں جوڑ سکا ہے کوئی
پھر بھی آوازۂ آئینہ گراں کھینچتا ہے

فراق گورکھپوری

یوں تو اس دور میں بے کیف سی ہے بزم حیات
ایک ہنگامہ سر رطلِ گراں ہے کہ جو تھا
نظر آ جاتے ہیں تم کو تو بہت نازک بال
دل مرا کیا وہی اے شیشہ گراں ہے کہ جو تھا
نظر آ جاتے ہیں تم کو تو بہت نازک بال
دل مرا کیا وہی اے شیشہ گراں ہے کہ جو تھا
شکوۂ در گزر نما کیوں ہے کہ حسن عشق سے
اتنا تو بد گماں نہ تھا اتنا تو سر گراں نہ تھا
یہ نیند کا جھونکا تو نہیں بے خودی عشق
ہشیار کہ وہ خوابِ گراں اور ہی کچھ ہے

قابل اجمیری

نسیمِ صبح سے کیا ٹوٹتا خوابِ گراں اپنا
کوئی نادان بجلی چھو گئی ہے آشیاں اپنا

کلیم عاجز

غم گراں جب نہ تھا گراں تھا مجھے
جب گراں ہو گیا گراں نہ رہا
زندگی مائل فریاد و فغاں آج بھی ہے
کل بھی تھا سینے پہ اک سنگِ گراں آج بھی ہے
زندگی چونک کے بیدار ہوئی ہے لیکن
چشم و دل پر اثر خوابِ گراں آج بھی ہے
اس طرف جنسِ وفا کی وہی ارزانی ہے
اس طرف اک نگہِ لطف گراں آج بھی ہے

مجروح سلطان پوری

اے فصل جنوں ہم کو پئے شغل گریباں
پیوند ہی کافی ہے اگر جامہ گراں ہے

ناصر کاظمی

وجہِ تسکیں بھی ہے خیال اس کا
حد سے بڑھ جائے تو گراں بھی ہے
اب تو جھونکے سے لرز اٹھتا ہوں
نشۂ خوابِ گراں تھا پہلے
اے راہرو راہِ وفا دیکھ کے چلنا
اس راہ میں ہیں سنگِ گراں اور طرح کے