مرزا غالب

ناداں ہو جو کہتے ہو کہ ’کیوں جیتے ہیں غالب‘
قسمت میں ہے مرنے کی تمنا کوئی دن اور
سر بر ہوئی نہ وعدۂِ صبر آزما سے عمر
فرصت کہاں کہ تیری تمنا کرے کوئی
ہم رشک کو اپنے بھی گوارا نہیں کرتے
مرتے ہیں ، ولے ، ان کی تمنا نہیں کرتے
پھونکا ہے کس نے گوشِ محبت میں اے خدا
افسونِ انتظار، تمنا کہیں جسے
خوش ہوتے ہیں پر وصل میں یوں مر نہیں جاتے
آئی شبِ ہجراں کی تمنا مرے آگے
مری ہستی فضائے حیرت آباد تمنا ہے
جسے کہتے ہیں نالہ وہ اسی عالم کا عنقا ہے
نہ لائی شوخی اندیشہ تابِ رنجِ نومیدی
کفِ افسوس ملنا عہدِ تجدیدِ تمنا ہے

حیدر علی آتش

تازہ ہو دماغ اپنا تمنا ہے تو یہ ہے
اس زلف کی بو سونگھئے سودا ہے تو یہ ہے

مصحفی غلام ہمدانی

جاتے ہیں نا کسی کے گھر ہم اور نہ کوئی کچھ دیتا ہے ہم کو
قطع کیے ہیں ہم نے دونوں پائے طلب اور دست تمنا
مل گئے خاک میں ہم اب تو کہہ
مصحفیؔ تیری تمنا کیا ہے
جی ہی میں رکھی اپنے میاں جی سے جو اپجی
کچھ ہم نے کہا تم سے تمنا کے دنوں میں
عاشقوں میں اسے گنتے نہیں وارستہ مزاج
جس نے تا نوکِ قلم حرفِ تمنا بھیجا

مصطفٰی خان شیفتہ

التماسِ وصل پر بگڑے تھے بے ڈھب رات کو
کچھ نہ بن آئی مگر جوشِ تمنا دیکھ کر

مومن خان مومن

ہے دل میں غبار اس کے گھر اپنا نہ کریں گے
ہم خاک میں ملنے کی تمنا نہ کریں گے

یگانہ چنگیزی

غنچے کے دل میں کچھ نہ تھا اک آہ کے سوا
پھر کیا شگفتگی کی تمنا کرے کوئی

باقی صدیقی

کوئی آواز بھی آواز نہیں
دل کو اب دل کی تمنا کہیے
دل کو غم ہائے جہاں سے فرصت
تجھ سے کیا تیری تمنا مانگیں
سادہ کاغذ کی طرح دل چپ ہے
حاصل رنگ تمنا دیکھو
اس شخص کی باتوں کا بھروسا باقیؔ
جو رجم کو بھی دل کی تمنا کہہ دے
ہر بگولے سے الجھ جاتی تھی
رہ نوردی کی تمنا پہلے
یہ خار ہے کہ تیر غمِ زندگی کوئی
یہ پھول ہے کہ اپنی تمنا ہے سامنے
قطرہ ہے سامنے کہیں دریا ہے سامنے
دنیا بقدر خونِ تمنا ہے سامنے

جون ایلیا

ہماری ہی تمنا کیوں کرو تم
تمہاری ہی تمنا کیوں کریں ہم
ہم جی رہے ہیں کوئی بہانہ کیے بغیر
اس کے بغیر اس کی تمنا کیے بغیر

جگر مراد آبادی

دل کو مٹا کے داغِ تمنا دیا مجھے
اے عشق تیری خیر ہو یہ کیا دیا مجھے
خوش ہوں کہ حسنِ یار نے خود اپنے ہاتھ سے
اک دل فریب داغِ تمنا دیا مجھے

قمر جلالوی

یہ تو نے کیا کہا خونِ تمنا ہو نہیں سکتا
تری مہندی تو سلامت ہے تو کیا کیا ہو نہیں سکتا
کچھ مری خاموشیاں ان کی سمجھ میں آ گئیں
کچھ میری آنکھوں سے اظہارِ تمنا ہو گیا

مجید امجد

چہرہ اداس اداس تھا، میلا لباس تھا
کیا دن تھے ، جب خیالِ تمنا لباس تھا

الطاف حسین حالی

بہت کام لینے تھے جس دل سے ہم کو
وہ صرف تمنا ہوا چاہتا ہے

رئیس فروغؔ

یہ جو حسن ہے میری تمنا میں
کوئی سورج تھا کسی دنیا میں
ہوس کا رنگ زیادہ نہیں تمنا میں
ابھی یہ موج ہے بیگانگی کے صحرا میں

احسان دانش

بادل نا خواستہ ہنستے ہیں دنیا کے لیے
ورنہ سچ یہ ہے پشیمان تمنا ہم بھی ہیں
اٹھا ہوں اک ہجومِ تمنا لیے ہوئے
دنیا سے جا رہا ہوں میں دنیا لیے ہوئے
روزِ ازل سے عشق ہے ناکام آرزو
دل ہے مگر ہجومِ تمنا لیے ہوئے

اختر شیرانی

جو تمنا بر نہ آئے عمر بھر
عمر بھر اس کی تمنا کیجیے

اسرار الحق مجاز

تم نے تو حکم ترک تمنا سنا دیا
کس دل سے آہ ترک تمنا کرے کوئی

بہزاد لکھنوی

ارمان نہیں کوئی گو دل میں مرے لیکن
اللہ ری مجبوری مجبور تمنا ہوں

ظہیر کاشمیری

بڑی مدت سے تیرا حسنِ دل بن کر دھڑکتا ہے
بڑی مدت سے دل تیری تمنا میں نہیں رہتا
سمجھو تو ظہیرؔ ان کی نگاہوں کے اشارے
کیا آج بھی اظہارِ تمنا نہ کرو گے

عالم تاب تشنہ

آئنہ خانہ بھی اندوہ تمنا نکلا
غور سے دیکھا تو اپنا ہی تماشا نکلا

عبید اللہ علیم

جس تمنا میں گزرتی ہے جوانی میری
میں نے اب تک نہیں جانا وہ تمنا کیا ہے

احمد راہی

کوئی حسرت بھی نہیں کوئی تمنا بھی نہیں
دل وہ آنسو جو کسی آنکھ سے چھلکا بھی نہیں

تلوک چند محروم

ذوقِ سخن کے دن بھی تھے شاید وہی کہ جب
دل میں کسک تھی دردِ تمنا کہیں جسے

جلیل مانک پوری

زندگی کیا جو بسر ہو چین سے
دل میں تھوڑی سی تمنا چاہیے

جوش ملیح آبادی

مجھے معلوم ہے جو کچھ تمنا ہے رسولوں کی
مگر کیا درحقیقت وہ خدا کی بھی تمنا ہے
آ فصل گل ہے غرق تمنا ترے لیے
ڈوبا ہوا ہے رنگ میں صحرا ترے لیے
شانوں پہ اب تو کاکل شب رنگ کھول دے
بکھری ہوئی ہے زلف تمنا ترے لیے
ہر پھول ہے لعل شکر افشاں کی حکایت
ہر غنچہ ہے اک حرف تمنا مرے آگے

حسرت موہانی

کچھ سمجھ میں نہیں آتا کہ یہ کیا ہے حسرتؔ
ان سے مل کر بھی نہ اظہارِ تمنا کرنا
حسنِ بے پروا کو خودبین و خود آرا کر دیا
کیا کیا میں نے کہ اظہارِ تمنا کر دیا
ہے پاس یہ کس کی نگہ محو حیا کا
لب تک جو مرے حرفِ تمنا نہیں آتا
پھر بھی ہے تم کو مسیحائی کا دعویٰ دیکھو
مجھ کو دیکھو مرے مرنے کی تمنا دیکھو
حسنِ بے مہر کو پروائے تمنا کیا ہو
جب ہو ایسا تو علاج دل شیدا کیا ہو

حفیظ جالندھری

جاؤ ہاں جاؤ رقیبوں کی مرادیں بر لاؤ
رہنے دو رہنے دو ناکامِ تمنا ہم کو
وہ نگہ باندھ گئی دل میں طلسم امید
نظر آتی ہے تمنا ہی تمنا ہم کو

سیماب اکبر آبادی

آ اپنے دل میں میری تمنا لیے ہوئے
شوق کلام و ذوقِ تماشا لیے ہوئے
جی چاہتا ہے عمر محبت نہ ختم ہو
مر جائیے کسی کی تمنا لیے ہوئے
رگ رگ میں دل کی جذب ہے محشر امید
اندازۂ ہجومِ تمنا کرے کوئی
ہر شخص ہے خراب تمنا بقدر ذوق
سیمابؔ کس سے عرضِ تمنا کرے کوئی

شان الحق حقی

کیا اس نگاہ حوصلہ افزا کو دیں جواب
گم کر دیا جسے وہ تمنا کہاں سے لائیں
ہے لطف دوست حرف تقاضا کا منتظر
اے بے بسی مجال تمنا کہاں سے لائیں

شکیل بدایونی

پہنچے تو دل میں جوشِ تمنا لیے ہوئے
لوٹے مگر لٹی ہوئی دنیا لیے ہوئے
ہم کو بھی دیکھنا ہے کہ یہ منکرین عشق
کب تک رہیں گے تیری تمنا کیے بغیر
زندگی آ تجھے قاتل کے حوالے کر دوں
مجھ سے اب خونِ تمنا نہیں دیکھا جاتا
اک اک قدم فریب تمنا سے بچ کے چل
دنیا کی آرزو ہے تو دنیا سے بچ کے چل

فانی بدایونی

فانیؔ مہجور تھا آج آرزو مند اجل
آپ نے آ کر پشیمان تمنا کر دیا
نقشِ موہوم حیات افسانہ در افسانہ تھا
جب یہ نقش ابھرا تو اک حرفِ تمنا بن گیا
خالی ہے بزم ذوقِ طلب اہلِ ہوش سے
اتنا نہیں کہ تیری تمنا کرے کوئی
ایسا بھی کوئی دن مری قسمت میں ہے فانیؔ
جس دن مجھے مرنے کی تمنا نہ رہے گی

اختر ہوشیارپوری

بھاگتے لمحے کو کب روک سکا ہے کوئی
وہ تو اک سایہ ہے سائے کی تمنا نہ کرو

احمد فراز

ابر و باراں کے خدا، جھومتا بادل نہ سہی
آگ ہی اب سرِ گلزارِ تمنا برسا
وفا پہ سخت گراں ہے ترا وصالِ دوام
کہ تجھ سے مل کے بچھڑنا مری تمنا تھی

امیر مینائی

ہے مزاج اس کا بہت نازک امیر!
ضبط اظہارِ تمنا چاہیے

شاذ تمکنت

چھوڑ دوں شہر ترا چھوڑ دوں دنیا تیری
مجھ کو معلوم نہ تھا کیا ہے تمنا تیری
ہر تازہ وارد خم گیسو کو دیکھ کر
مجھ کو پھر اپنا عہدِ تمنا دکھائی دے

فراق گورکھپوری

سر میں سودا بھی نہیں دل میں تمنا بھی نہیں
لیکن اس ترکِ محبت کا بھروسا بھی نہیں
کچھ شورشیں تغافل پنہاں میں تھیں جنہیں
ہنگامہ زار حشر تمنا بنا دیا

ناصر کاظمی

خیالِ ترکِ تمنا نہ کر سکے تو بھی
اداسیوں کا مداوا نہ کر سکے تو بھی