مرزا غالب

قیامت ہے کہ سن لیلیٰ کا دشتِ قیس میں آنا
تعجب سے وہ بولا ’یوں بھی ہوتا ہے زمانے میں؟‘

مصحفی غلام ہمدانی

جتنا کہ یہ دنیا میں ہمیں خوار رکھے ہے
اتنے تو گنہ گار زمانے کے نہیں ہم

مومن خان مومن

صبح عشرت ہے وہ نہ شام وصال
ہائے کیا ہو گیا زمانے کو

فیض احمد فیض

حسرتِ دید میں گزراں ہیں زمانے کب سے
دشتِ امید میں گرداں ہیں دوانے کب سے

مرزا رفیع سودا

چاہوں میں کس طرح یہ زمانے کی دوستی
اوروں سے دوست ہو کے زمانے نے کیا کیا

یگانہ چنگیزی

غربت کی موت بھی سبب ذکرِ خیر ہے
گر ہم نہیں تو نام رہے گا زمانے میں
یکساں کبھی کسی کی نہ گزری زمانے میں
یادش بخیر بیٹھے تھے کل آشیانے میں

باقی صدیقی

اے زمانے سے کھیلنے والو
اور الزام اک زمانے پر
ہے خبر گرم ان کے آنے کی
کون سنتا ہے اب زمانے کی
تھا زمانہ بھی مہرباں باقیؔ
جب ضرورت نہ تھی زمانے کی
ایک پہل میں وہاں سے ہم اٹے
بیٹھنے میں جہاں زمانے لگے
غیر کے وصف کو بھی عیب کریں گے ثابت
تنگ دل اتنے کبھی تھے نہ زمانے والے
جلوہ پردہ ہے تو پردہ جلوہ
کیا ترا بھید زمانے پاتے
چل گیا ہے فسوں زمانے کا
اب تکلف کرو نہ آنے کا
دیکھ کر ہم کو بے نیاز حیات
حوصلہ بڑھ گیا زمانے کا

جون ایلیا

ہے عجب حال یہ زمانے کا
یاد بھی طور ہے بھلانے کا
ہمارے زخمِ تمنا پرانے ہو گئے ہیں
کہ اس گلی میں گئے اب زمانے ہو گئے ہیں

عبدالحمید عدم

دیکھ کر دلکشی زمانے کی
آرزو ہے فریب کھانے کی
کس نے ساغر عدمؔ بلند کیا
تھم گئیں گردشیں زمانے کی
بہار و خزاں کم نگاہوں کے وہم
برے یا بھلے سب زمانے ترے

قمر جلالوی

باغ ہو کہ صحرا ہو جی کہیں نہیں لگتا
آپ سے ملے کیا ہم چھٹ گئے زمانے سے
صبح سے یہ وقت آیا وہ ہیں بزمِ دشمن ہے
مٹ گئیں ہیں کیا یا رب گردشیں زمانے سے
یہ سوال پھر کا ہے کب قیامت آئی گی
پہلے بچ تو لے دنیا آپ کے زمانے سے
جو جفائیں پہلی تھیں وہ جفائیں اب بھی ہیں
انقلاب کیا یا رب اٹھ گئے زمانے سے
سرخیاں کیا ڈھونڈ کر لاؤں فسانے کے لیے
بس تمھارا نام کافی زمانے کے لیے
ہنس کر کہتے ہو زمانہ بھر مجھی پہ جان دے
رہ گئے ہو کیا تمھیں سارے زمانے کے لیے

اختر شیرانی

کہہ رہی ہے نگاہ دز دیدہ
رخ بدلنے کو ہے زمانے کا
ہے قیامت ترے شباب کا رنگ
رنگ بدلے گا پھر زمانے کا
اس کی بدلی ہوئی نظر توبہ
یوں بدلتا ہے رخ زمانے کا
کر دیا خوگر ستم اخترؔ
ہم پہ احسان ہے زمانے کا
اے دل وہ عاشقی کے فسانے کدھر گئے
وہ عمر کیا ہوئی وہ زمانے کدھر گئے
دن رات مے کدے میں گزرتی تھی زندگی
اخترؔ وہ بے خودی کے زمانے کدھر گئے

ادا جعفری

جلنے والے تو جل بجھے آخر
کون دیتا خبر زمانے کو

اکبر معصوم

اس خوش ادا کے آئنہ خانے میں جاؤں گا
پھر لوٹ کر میں اپنے زمانے میں جاؤں گا

بشیر بدر

یہ بھی ممکن ہے کہ میں نے اس کو پہچانا نہ ہو
اب اسے دیکھے ہوئے کتنے زمانے ہو گئے
اڑنے دو پرندوں کو ابھی شوخ ہوا میں
پھر لوٹ کے بچپن کے زمانے نہیں آتے

بیان میرٹھی

کس طریقے سے ہو نباہ بیاںؔ
کہ زمانے کے ہیں ہزار طریق

سدرشن فاکر

ہونٹوں پہ تبسم ہلکا سا آنکھوں میں نمی سی ہے فاکرؔ
ہم اہلِ محبت پر اکثر ایسے بھی زمانے آئے ہیں

فارغ بخاری

جن کو تاریخ کی نظریں بھی کبھی چھو نہ سکیں
بطنِ گیتی میں کئی ایسے زمانے ہوں گے

ماجد صدیقی

کشید خاک سے آتش تو کی جلانے کو
کوئی نمو کا بھی رخ دیجیے زمانے کو
ہر ایک شخص سے ہر ایک شخص بیگانہ
یہ کیا ہوا ہے یکایک مرے زمانے کو

حفیظ جالندھری

آنے والے جانے والے ہر زمانے کے لیے
آدمی مزدور ہے راہیں بنانے کے لیے
نعمت غم میرا حصہ مجھ کو دے دے اے خدا
جمع رکھ میری خوشی سارے زمانے کے لیے

سیف الدین سیف

تری نظر سے زمانے بدلتے رہتے ہیں
یہ لوگ تیرے بہانے بدلتے رہتے ہیں
لگی ہے سیفؔ نظر انقلاب دوراں پر
سنا تو ہے کہ زمانے بدلتے رہتے ہیں

شاد عظیم آبادی

ہو کے خوش ناز ہم ایسوں کے اٹھانے والا
کوئی باقی نہ رہا اگلے زمانے والا

شان الحق حقی

حال میں اپنے کچھ اس طرح مگن ہیں گویا
ہم نے دیکھے ہی نہیں اگلے زمانے اپنے

شکیل بدایونی

آدمی نہ اتنا بھی دور ہو زمانے سے
صبح کو جدا سمجھے شام کے فسانے سے
ستم نواز دلوں کو جو سازگار نہ ہو
شکیلؔ ہم وہ زمانے تلاش کرتے ہیں

فانی بدایونی

زمانہ کفر محبت سے کر چکا تھا گریز
تری نظر نے پلٹ دی ہوا زمانے کی
یہ شعبدے یہ کرشمے کسے میسر تھے
تری نگاہ نے سکھلا دیے زمانے کو
زمانہ بر سر آزار تھا مگر فانیؔ
تڑپ کے ہم نے بھی تڑپا دیا زمانے کو

اکبر حمیدی

پتھر ہوں تو شیشے سے مجھے کام پڑا ہے
شیشہ ہوں تو پتھر کے زمانے میں لگا ہوں

احمد فراز

اسے بھی ہم نے گنوایا تری خوشی کے لیے
تجھے بھی دیکھ لیا ہے ارے زمانے جا
آج اک اور برس بیت گیا اس کے بغیر
جس کے ہوتے ہوئے ہوتے تھے زمانے میرے
قربتوں میں بھی جدائی کے زمانے مانگے
دل وہ بے مہر کہ رونے کے بہانے مانگے
پھول کھلتے ہیں تو ہم سوچتے ہیں
تیرے آنے کے زمانے آئے
دوست بن کر بھی نہیں ساتھ نبھانے والا
وہی انداز ہے ظالم کا زمانے والا
کس کس کو بتائیں گے جدائی کا سبب ہم
تو مجھ سے خفا ہے تو زمانے کے لیے آ
کیوں نہ ہم عہد رفاقت کو بھلانے لگ جائیں
شاید اس زخم کو بھرنے میں زمانے لگ جائیں

شاذ تمکنت

دل کی دریوزہ گر حرفِ تسلی نہ رہا
ہم نے یہ رسم اٹھا دی ہے زمانے کے لیے
راکھ الاؤ کی یہ بکھری ہوئی جنگل کی یہ شام
کیا زمانے گئے کیا لوگ زمانے سے گئے

فراق گورکھپوری

کمی نہ کی ترے وحشی نے خاک اڑانے میں
جنوں کا نام اچھلتا رہا زمانے میں
فراقؔ دوڑ گئی روح سی زمانے میں
کہاں کا درد بھرا تھا مرے فسانے میں
وہ کوئی رنگ ہے جو اڑ نہ جائے اے گلِ تر
وہ کوئی بو ہے جو رسوا نہ ہو زمانے میں
سرِ شام سے تا سحر قرب جاناں
نہ جانے وہ تھیں کس زمانے کی راتیں
شام ہی سے گوش بر آواز ہے بزمِ سخن
کچھ فراقؔ اپنی سناؤ کچھ زمانے کی کہو

کیف بھوپالی

داغ دنیا نے دیے زخم زمانے سے ملے
ہم کو تحفے یہ تمہیں دوست بنانے سے ملے

محبوب خزاں

یہ دامن‌ حسرت ہے وہی خوابِ گریزاں
جو اپنے لیے ہے نہ زمانے کے لیے ہے

مجروح سلطان پوری

عہد انقلاب آیا دور آفتاب آیا
منتظر تھیں یہ آنکھیں جس کی اک زمانے سے
خودکشی ہی راس آئی دیکھ بد نصیبوں کو!
خود سے بھی گریزاں ہیں بھاگ کر زمانے سے

ناصر کاظمی

آنکھوں میں ہیں دکھ بھرے فسانے
رونے کے پھر آ گئے زمانے
رات ملے کچھ یار پرانے انٹر کانٹی نینٹل میں
یاد آئے پھر کتنے زمانے انٹر کانٹی نینٹل میں